Yelemiya 1:2 - Amazwi Yakwe Leza 2013

² Yawe avwanga kunoli mu mwaka walenga ikumi na itatu, wakuteeka kwakwe Yosiya, umwana umonsi wakwe Amoni umwene waku Yuda.

Yelemiya 1:2 交叉參考

Mika 1:1

Mu manda ya kuteeka kwa mwene Yotamu, na kwakwe Aazi nga na kwakwe Hezekiya, ali yamwene aku Yuda, Yawe anena Mika waku Molesyeti amazwi. Nga ivintu vii vili vino wene waweni mu cilolwa ivikumile Samaliya na Yelusalemu.

Yona 1:1

Uwanda umwi Yawe avwanga kuli Yona umwana wakwe Amitai.

Oseya 1:1

Mu manda ya kuteeka kwakwe Uziya, na kwakwe Yotamu, na kwakwe Aazi nga na kwakwe Hezekiya, yamwene aku Yuda, nga nu mu manda ya kuteekwa kwakwe Yeloboamu umwana umonsi wakwe Yeoasyi umwene waku Izlaeli, Yawe wapile ilandwe kuli Oseya umwana umonsi wakwe Beeli.

Yelemiya 1:11

Alino Yawe avwanga kunondi ati, “We Yelemiya, uzye icani cino walola?” Nani naasuka inti, “Nalola ulusaala lwa muti uno yakati mualimondi.”

Yelemiya 1:4

Yawe avwanga kunondi ati,

1 Yamwene 13:20

Lino yacili yakulya, Yawe alanda kuli kasema umukote wilya wino wawelulwisye umuze.

Yelemiya 36:2

“Toola amapepala, ulembepo amazwi yonsi yano nkunenyile pamulandu wakwe Yelusalemu, aina Yuda ni mitundu yonsi. Ulembe sile vino nakunena, kutandikila sile pa wanda uno natandikile kulanda nawe, mu manda yakwe Yosiya kufika na pa wanda wilelo.

Yelemiya 25:3

inti, “Apa myaka amakumi yaili na itatu, ukutandikila apa mwaka walenga ikumi na itatu iya utesi wakwe Yosiya, umwana monsi wakwe Amoni, pano wayelile apa cilimba ca wene mu Yuda, ukufika na pa wanda kwene uno umwene wavwanzile nani nga nani ntatazile imposiwe ukumunena vino wacisile. Lelo mwemo mutasumvileko amano awe.

2 Yamwene 21:24

Alino lyene aikazi ya mpanga ya Yuda nayo ali pakukoma aomvi yaya, yano yakomile Amoni. Nga iyatola Yosiya umwana wakwe umonsi, awino yapyanika apa wene.

1 Yamwene 13:2

Alino apundilila kavuwa pa kusema amazwi yakwe Yawe, ati, “We kavuwa we, we kavuwa we! Yawe wavwanga wati, ‘Umwana umonsi uwi zina lyakwe Yosiya alavyalwa ku amu mupanda wakwe Davidi. Ali wino alakoma pali wewe yasimapepo yano yaya mu ncende zino yakapepela mwenemo utuluwi, yao yonsi yano yakapeela impolelwa pali wewe. Aloca na mafupa ya antu pali wewe.’”

2 Yamwene 21:18

Lyene Manase asuka afwa, nga yamuzika mu calo ca kwi sano, cakwe Uza. Alino Amoni umwana wakwe umonsi amupyana pa cilimba ca wene.

2 Yamwene 22:3

Mu mwaka walenga ikumi na cinani, uwakuteeka kwakwe, umwene Yosiya atuma kalemba, Syafani umwana wakwe Azaliya, umwana wakwe Mesyulamu, uku Ng'anda ikulu yakwe Yawe. Amunena ati,

Yelemiya 3:6

Umu manda ya utesi wa mwene Yosiya, Yawe wanenyile ne Yelemiya ati, “Uzye watulola ivyativicita umutalami Izlaeli? Vino akakwela apa mwamba utali uuli onsi. Aya nu mwisika lya cimuti icilembe cili consi nu kucita uzelele.

Yelemiya 28:12

Papisile sile kasita kanono pano kasema Hananiya wakontolwile ikoli lino Yelemiya wazwite mu nsingo, ni zwi lifika kuli Yelemiya lyakuti,

Yowelo 1:1

Lii, lili landwe lisuma lino Yawe wapile kuli Yowelo, umwana umonsi wakwe Petueli.

Zefaniya 1:1

Mu manda yakwe Yosiya, umwana wakwe Amoni, umwene waku Yuda, Yawe wapile Zefaniya amazwi. Zefaniya wali umwana wakwe Kusyi, umwana wakwe Gedaliya, umwana wakwe Amaliya, umwana wakwe Hezekiya.