Yelemiya 1:19 - Amazwi Yakwe Leza 2013

¹⁹ Yene yalakulwisya, lelo yalaposiwa ku kucimvya, pano nemo namayanga nawe apa kukupususya.” Ivyalanda ne Yawe.

Yelemiya 1:19 交叉參考

Yoswa 1:9

Uwaiusya lyonsi ilamulo lino natinkupeela ilya kuti uposye nupya uzyansye! Uposye nupya uzyansye, pano Yawe Leza wako amayanga nawe konsi kuno umayanga.”

Yelemiya 1:8

Utayoopa foo, pano namayanga nawe nu kukupususya. Ivyalanda ne Yawe.”

Yelemiya 20:11

Lelo we Yawe, wemo waya ku lusansa lwane, nupya wewe ilamba lyamaka, na yayo akuncuzya yamapempezyokanga yaposiwa. Yene yalaposiwa mpaka yazewane pee, pamulandu wakuti yalaposiwa kufikilizya cino yakasi. Ukupupana kwao kutalatala kwililike, awe.

Masamu 129:2

“Anisi yane yakanzunya wakwe cimwi, ukufuma ku wance wane, lelo yaposiwa ukuncimvya.

Yelemiya 11:19

Nemo natontelile wa kana ka mfwele kano yakutwala ku kufyula. Nemo ntamanyile ukuti anene yakupangila ukuncita cimwi ala yakuti, “Mwe, lekini tukome Yelemiya, tumusinde wa cimuti cino cafikila apa nsita ya kulemba. Katumukome pakuti kutaca kuye nanti umwi uwa kumwiusya nupya.”

Milimo 26:17

Ndakupususya ku antu amu mutundu wako nu ku Akulukuwa, yao yano ndakutumako.

Mpendwa 14:9

Acino mutatalamila Yawe nupya mutoopa antu amu mpanga ilya, pano tulayacinzola sile. Tuleza twao twatitufuntuka kunoyali. Lelo swemo Yawe ali naswe. Caleka mutayoopa foo.”

Yelemiya 1:18

Namakusangula umusumba wi linga, ulucesi lwa cela, ilinga lya mukuwa lya kulwisyanya ni nsi yonsi. Yamwene aku Yuda, ivilolo vyao, yasimapepo yao kumwi na ikala nsi yonsi.

Yelemiya 2:1

Yawe anena kuti nje nkume imbila ku antu amu Yelusalemu inti,

Yelemiya 30:11

Pano indi nawe apakukupususya. Ndalovya imitundu yonsi muno nakusalanganyizizye. Lelo wemo ntalakulovya foo, ndakukalipila sile kulingana ni nsambu pano limwi ungasyala vivyo kwene ukwaula ku kukalipila.”

Yelemiya 42:11

Mutaoopa nupya umwene waku Babiloni wino mukaoopa. Mutamoopa foo. Ivyalanda Yawe. Pano nemo indi namwe apakumupususya nu kumutuula mu makasa yakwe.

Yelemiya 46:28

Yawe walanda wati, “Utoopa we muomvi wane Yakobo, pano nemo ndi nawe. Ndalovya imitundu yonsi ya antu amu nko zino namusalanganyizizyeko. Lelo wemo ntalakulovya. Ndakusunda sile ukulingana ni nsambu. Ntalakutapo sile, lelo ndakukalipila.”

Danieli 3:25

Lyene umwene avwanga ati, “Lolini! Uzye pacani cino nkulola antu yani yakulyatokela mu moto, ala yatanyefilwe, nga na wakwe cini nawe akuloleka wa mungeli?”

Yelemiya 11:21

Aonsi amu Anatoti yano yalondanga kukoma ne Yelemiya ala yakunena yati, “Ndi cakuti watwalilila ukusema mwi zina lyakwe Yawe, lyene tumakukoma.”

Yelemiya 18:18

Lyene antu yavwanga yati, “Izini mwe, muleke tuvwane ivyakufulula Yelemiya! Pano lyonsi kwene kumayanga yasimapepo akutusambilizya, na antu yamano akutupandako amano, nga na yakasema akusema ilandwe lyakwe Leza. Izini mwe, muleke tumupele imilandu, tute nu kuuvwa kuli vyonsi vino akulanda.”

Yelemiya 20:10

Nemo nkuvwa kuno antu aingi yakutotozana, yati, “Ingofyo konsi konsi! Si mulandililini! Lekini tumulandilile!” Nayacuza yane kwene yakulolela kuti nduvyanye cimwi, ala yakuti, “Limwi yangamulyongofya, nga naswe tucite cilanduzi kunoli.”

Yelemiya 26:8

Walanga lino namala kulanda vyonsi vino Yawe wanenyile kunena antu, yasimapepo, yakasema na antu yonsi yandemile nu kunena yati, “Kuufwe!

Yelemiya 39:17

Lelo wemo ndakupususya mu wanda ulya, nupya utalapeelwa mu makasa ya antu yano ukaoopa.