Yelemiya 1:17 - Amazwi Yakwe Leza 2013

¹⁷ Ali cino fwandi wemo Yelemiya posya sile, nyepa nu musipi mu musana. Katuka uye ukayanene vyonsi vino namakunena. Utayoopa foo, pano limwi ningiza nkoofye apa manso yao.

Yelemiya 1:17 交叉參考

1 Yamwene 18:46

Amaka yakwe Yawe yali na Eliya. Eliya anyepa ivyakuzwala vyakwe mu musana. Afuma akusimula nzila yonsi apa nkolelo yakwe Aabu, suka sile nu mumbali ya musumba wa Yezileele.

1 Petulo 1:13

Caleka, muye aiteyanye. Mwapempula nupya mwapaalila cuze mu kupolelelwa kuno mulapolelelwa lino Yesu Klistu alasokololwa.

Luka 12:35

“Pimpini kuomba nu kuleka inyali zinu zitwalilile ukwaka.

Yelemiya 23:28

Kasema wino alosile iciloto cingazipa wene alande ukuti iciloto sile. Lelo kasema wino uvwa amazwi yane alinzile kuyalanda umucumi. Uzye kwene insaawa zyalingana ni ngano?” Ivyalanda Yawe.

Kufuma 7:2

Unene Aaloni vyonsi vino namakupeela ilamulo kuti ucite, nga nawe anene Falao kuti ate aina Izlaeli yafume mu mpanga yakwe.

Yobo 38:3

Ale ndi wewe monsi monsi, katuka zwalila, pano lyene nemo natinakuuzya, nawe uwasuke.

Milimo 20:27

Pano ntamufisanga cimwi lelo namunena vyonsi vino Leza akalonda kuti mucite.

Milimo 20:20

“Mumanyile ukuti ntafisile cimwi icingaya ica kumwazwa lino nakosozile nu kusambilizya pa lwalala nu mu mang'anda inu.

Kufuma 3:12

Lelo Leza amunena ati, “Ndaya nawe, nupya lino ulafumya antu mu Eguputo uliza umpepe pa mwamba kwene uu. Cico cilaya cisininkizyo cakuti nene nakutuma.”

1 Kolinto 9:16

Ntakweti nsambu ya kuilumba sile pamulandu wa kukosola Ilandwe Lisuma pano Mwene uwampile ilamulo lya kukosola. Kalanda kunondi ndi nsyakukosola Ilandwe!

Yona 3:2

“Katuka, uye ku musumba ukulu uwa Ninive nga ukakosole ilandwe lino nkukupeela ku antu aikala mwenemo.”

Yelemiya 17:18

Yano yakancuzya kayazewane, lelo utaleka kuti nemo nzewane. Si leka ingofyo ziyaponele, lelo nemo utangofya. Uyaletele uononesi nu kuyavungola.

2 Yamwene 4:29

Elisya ali pakunena Geazi ati, “Zwala ikoti lyako, nga utoole ni ntuwa yane uwapita. Ndi wakomenkanya umuntu umwi munzila, utezya wimilile nanti kumulamuka. Nga ndi umwi wakulamuka, utezya kumwasuka. Wemo yanga ukalambalike intuwa yane pa usyu wa mulumendo.”

1 Tesalonika 2:2

Mumanyile vino antu yatucuzizye nu kututuka mu musumba wa Filipi lino tutali twize kuno muli ku Tesalonika. Lelo Leza watukomelizye cuze kuti tukosole Ilandwe Lisuma kunomuli lya pali aliwe, nanti angala antu yatulwisizye cuze.

2 Yamwene 9:1

Walanga papita akasita, kasema Elisya aama wenga wa muli yakasema nga amunena ati, “Iteyanye ukuya ku Lamoti mu mpanga yaku Gileadi, usende nu musazi wa mafuta.

2 Yamwene 1:15

Lyene umungeli wakwe Yawe anena Eliya ati, “Tentemuka upite nawe. Utamoopa foo.” Acino Eliya akatuka nga atentemuka apita nawe ku mwene.

Yelemiya 1:18

Namakusangula umusumba wi linga, ulucesi lwa cela, ilinga lya mukuwa lya kulwisyanya ni nsi yonsi. Yamwene aku Yuda, ivilolo vyao, yasimapepo yao kumwi na ikala nsi yonsi.

Yelemiya 26:2

“Imilila mu musolo wa ng'anda ya Mwene nu kuvwanga vino ninkunena ku antu yano yafuma mu misumba yaku Yuda, nu kwiza kuno ku kupepa. Utasya nanti conga pa kuyanena.

Yelemiya 26:12

Nawe Yelemiya panoli aasuka intunguluzi na antu yonsi ati, “Uwatantuma ukusema apa ng'anda ii na pa musumba uu amazwi yano mwatimuvwa, a Yawe.

Yelemiya 36:8

Baluki umwana wakwe Nelya wacita vyonsi vino kasema Yelemiya wamunenyile kucita, apamulandu wakuwelengela antu amazwi yakwe Leza yano yali muli kalata mu Ng'anda ikulu yakwe Leza.

Nyimbo zya ndosya 3:57

Wemo wangaswike nga unena uti, ‘Utuvwa intete.’