Yelemiya 1:10 - Amazwi Yakwe Leza 2013

¹⁰ Ilelo nakupeela amaka pa mitundu na pali yamwene yayo, amaka ya kutukulula nu kuongolola, amaka akonona nu kulovya, akukuula nu kulema.”

Yelemiya 1:10 交叉參考

Yelemiya 31:28

Wakwe vino nkulolelanga ukwipa, apa kuwisya, apakuongolola, apakonona na pa kuleta ulanda, ali vino ndakolelela ukukuula na pa kulima. Ivyalanda Yawe.

Ezekelo 36:36

Alino antu amitundu iyaya umu mbali alasyala penepo, yalasininkizya ukuti nene ne Yawe ninkuula cipya cipya imisumba iyononike, nu kututulula ivyalo ivyalalukanga. Ee, ivyalanda ne Yawe nu kucita avino ndavicita.”

Yelemiya 24:6

Ndasumba amanso yane pano yali apakuyacitila ivisuma. Ndayaswilizya kuno yafuma. Ndayakuula, ntalayaongolola, awe. Ndayalema, ntalayatukula, awe.

Amosi 9:11

Yawe akuti, “Mu wanda ulya ndawezezyapo uwene wakwe Davidi, uno ukoline wa citalang'anda, nu kuzifya iviumba vyakweo, mpaka uye vino wali. Ndaukuululula nu kuuwezezya mu mwata uno wayelile mwenemo.

Amosi 3:7

Cumi kwene Yawe asicita icintu nanti cimwi ukwaula kuumbula uteyanyo wakwe, kuli yakasema aomvi yakwe.

Zakaliya 1:6

Uzye ivikolwe vinu vituvwile amazwi yane na masunde yane yano nanenyile aomvi yane yakasema? Lyene yene yazenzwike nu kuvwanga yati, Yawe Wamaka yonsi watatupezya ukulingana ni miyele nga ni vicitwa vitu iviipe.’ ”

Ezekelo 32:18

“We mwana wa muntu, losya wakwe cimwi pamulandu wa antu avule amu Eguputo, nga yene pamwi na antu amu mpanga zyuze uyatwale pansi mu mpanga ya afwe.

Ezekelo 43:3

Icilolwa cino naweni cali wa cilolwa cino naweni lino wene wizile ku konona umusumba wa Yelusalemu. Nupya cali wa cilolwa cino naweni pipi nu Luzi lwa Kebali. Lyene impona pansi, ala mfupime.

1 Yamwene 19:17

Wensi uwafyufyuntuka ukukana komwa na Hazaeli, Yeu alamukoma. Alino wensi uwafyufyuntuka ukukana komwa na Yeu, Elisya alamukoma.

1 Yamwene 17:1

Kasema umwi uwi zina lyakwe Eliya umwina Tisyibe mu mpanga yaku Gileadi, anena Aabu ati, “Nemo nalapa mwi zina lyakwe Yawe, Leza wa umi wa ina Izlaeli, wino nkatumikila, ukuti apa myaka iili nanti itatu kutalatala kuye ulumi nanti imvula suka sile ince mvwange.”

Yelemiya 1:5

“Nakusolwile lino ntacili nkuumbe mu ndilwa yakwe mayo wako, Lino utali uvyalwe ala nakusonta mpiti, kuti uce uye kasema wa mitundu yonsi.”

Yelemiya 25:13

Antu amutundu ulya nemo ndayacita vyonsi vino nayapangila. Vyonsi pyu vyalembwa mu lupapulo luu, vino Yelemiya wavwanga.

Yelemiya 31:40

Nupya Cifoloma consi ca vyala ni twi muno vikasumbilwa ni vyalo vyonsi ukufika nu ku kaluzi ka Kiduloni lwaku ufumondaka, ukufika sile nu ku mpongolo ya mfwalasi, vilatuulwa kuli Yawe. Vitalatala vyononeke nanti ukomololwa.”

Yelemiya 36:2

“Toola amapepala, ulembepo amazwi yonsi yano nkunenyile pamulandu wakwe Yelusalemu, aina Yuda ni mitundu yonsi. Ulembe sile vino nakunena, kutandikila sile pa wanda uno natandikile kulanda nawe, mu manda yakwe Yosiya kufika na pa wanda wilelo.

Yelemiya 44:27

Panondi pano, namamusuntililanga sile mpaka ince nkamuletelele, isyuko lyene, kotoo! Aina Yuda yonsi aikala umu Eguputo, yalalowa uku nkondo, nanti uku cipowe mpaka yakasuke yakasililikile pyu.

Yelemiya 45:4

Yawe nawe wavwanga wati, “Cino nakuuzile namaciongolola, nacino naalemile naco namacitukula. Ala namafulula impanga yonsi pyu.

Ezekelo 21:19

“We mwana wa muntu, sila inzila ziili mwakwizila ulupanga lwa mwene waku Babiloni, uleke zyonsi ziili zifume mu mpanga ili yonga kwene. Wiike ni vimanyililo pa masansa yakwezyo aku musumba uo.

Ezekelo 23:36

Yawe ali pakunena ati, “We mwana wa muntu uzye ukulonda kupingula Oola na Ooliba nu kuyakalipila pa vicitwa vyao vyawinyi?

Oseya 6:5

Acino nemo namutumile yakasema yane, kuti yize yamunene ilandwe lyane lya uputuzi nu kononwa. Cino nkasi kuti mucite cili apaswe nupya icangupale ukuuvwa.

Kasambilizya 3:3

kwaya insita ya kukoma ni nsita ya kupozya, kwaya insita ya komoola ni nsita ya kukuula.