Yakobo 5:9 - Amazwi Yakwe Leza 2013

⁹ Inane, mutailizyanya wenga pa muze pakuti Leza atace amupingule. Kapingula watapalama, nupya ali pipi nu kuloleka.

Yakobo 5:9 交叉參考

Aina Levi 19:18

Utalandula uyi wa muntu umwi nanti kutwalilila kupata umuntu umwi. Lelo uwatemwa muzo ndi vino waitemwa. Nene indi Yawe.

1 Kolinto 4:5

Acino mutalinzile kupingula umuntu ali wensi lino nsita yasontwa itali kuti ifike. Upinguzi wakusyalikizya utalacitika suka Mwene akize. Wene alasokolola paswe vintu vino vyafiswa mu mfinzi, nga nu kuumbula mapange ya nkama aya mu melenganyo ya antu. Alino lyene umuntu wensi Leza alamutasya ndi vino cingamulinga.

Yakobo 4:11

Mutapelana milandu, inane. Wino wensi akapeela mwina Klistu muze mulandu nanti kumupingula, ala wene akusula masunde nu kwezya kuyapingula.

Mateo 24:33

Mu musango uli onga, lino mulalola vintu vii vyonsi vikucitika, mulamanya vino Mwana wa muntu ali pipi lwa pa mulyango kwene.

1 Petulo 4:9

Mwazengelana mu mang'anda inu kwaula kuilizyanya.

Utandiko 4:7

Ndu cita visuma ngani nakuzangila. Lelo pamulandu wakuti watucita iviipe, iifyo lyatilikuteyamila pa mulyango wako wa cilyanyi. Likukulondesya kuti likuteeke uzya, lelo ufwile kulicimvya.”

Galatiya 5:26

Tutalinzile kuitutumula nanti kusosyanya nanti kuzuwilana.

1 Petulo 4:5

Lelo yalalondolola kuli Leza wino waiteyanya kupingula antu aumi na afwe kwene.

Galatiya 5:14

Pano Masunde yonsi iimikwa mwi lamulo lii likati, “Uwatemwa umuzo ndi vino waitemwa.”

1 Kolinto 10:11

Vintu vii vyonsi vyacitikile vikolwe vitu kuti ciye ukusokwa, nupya vyalemvilwe kuti viye vyakutusambilizya swe muno tukulolela mpelelekezyo yakwe vyonsi.

Mako 13:29

Mu musango uli onga, lino mulalola vintu vii vikucitika, mulamanya vino Mwana wa muntu ali pipi lwa pa mulyango kwene.

2 Kolinto 9:7

Cila muntu alinzile kupeela kulingana na vino wataipingula umwisikulu kwaula kusiima nanti kupatikiziwa. Pano Leza watemwa muntu wino akapela ni nsansa.

Mako 6:19

Acino Helodia asokela Yoane nu kulonda kumukoma. Lelo aposiwa, pamulandu wakuti Helodi

Masamu 59:15

Yakululumba sile muno yakulondelezya ivyakulya, nu kuinong'onya ndi cakuti vyacepa,

Umbwilo 3:20

Uvwa! Njimi pa mulyango nkukonkonsya. Muntu umwi ndi uvwa izwi lyane nu kunjulila, nemo namaingila mu ng'anda yakwe nu kulya pamwi nawe, nawe amalya pamwi nani.

Ezekelo 7:12

Insita yafika. Wanda wapalama. Uculuzi wakukala ivintu nu kuvikazya umasila, pano Leza amakatukila yonsi ukali ukali.

Yakobo 4:12

Leza aliwe wenga sile ali kapela wa Masunde nupya kapingula. Aliwe wenga sile angatutuula nanti kutonona. Uzye nsambu cii ino mukweti iyakupingula umuntu muzo?

Yakobo 5:7

Inane, lyene tekini myenzo kufika lino Umwene aliiza. Lolini vino mulimi akateeka mwenzo lino acili akulolela kuti vilimwa vya mpomvu vice mu calo cakwe. Wene akalolela nu kuteeka mwenzo kuti vipokelele mvula ya pa miundo ni yamu koolo.

Yakobo 5:10

Inane, iusyini yakasema yano avwanzile mazwi lino Umwene wayatumile. Lekini kuteeka kwa myenzo kuno yakweti na macuzi yao viye cilangililo kunomuli.