Yakobo 5:8 - Amazwi Yakwe Leza 2013

⁸ Namwe kwene mulinzile kuteeka myenzo. Lekini kupaalila kwinu kutanenuka, pano wanda wa kwiza kwa Mwene wati upalama.

Yakobo 5:8 交叉參考

Yakobo 5:9

Inane, mutailizyanya wenga pa muze pakuti Leza atace amupingule. Kapingula watapalama, nupya ali pipi nu kuloleka.

Galatiya 5:22

Lelo Mupasi Wamuzilo wene akatulenga kuti twatemwana, kuya nu luzango, mutende, kuteeka mwenzo, uluse, cikuku, kuya a cumi,

Masamu 37:7

Utekele sana nu kutaila muli Yawe, utasokela wiyo uwaya nu longo, nanti wiyo akacita ivya ucenjezi.

1 Petulo 4:7

Mpelelekezyo ya vintu vyonsi yatipalama. Mulinzile kuikanya, nupya pempulini kuti muye na maka akupepa.

Filipi 4:5

Mwalanga kuteka mwenzo ku antu onsi. Mwene akwiza zuwa.

Masamu 27:14

Ali cino fwandi, mwataila muli Yawe! Mukwate upaalilo, mutezya mwatovoka foo. Ee, cacumi, mwataila muli Yawe!

Umbwilo 22:20

Wino akupeela umboni wakwe kuli vii vyonsi akuti, “Endi! Nkwiza zuwa!” Ameni! Iza Mwene Yesu!

1 Tesalonika 3:13

Mu musango ndi uu, wene alamukomelezya, nga namwe mulaya afumaluke nupya amuzilo pa manso yakwe Leza Tata, lilyo lino Mwene witu Yesu aliiza nupya pamwi na akwakwe yonsi amuzilo.

Mika 7:7

Lelo nemo namapempukilwa kuli Yawe. Namalolelanga Leza Katuula wane. Leza wane amanguvwa.

2 Tesalonika 3:5

Nkulenga ku Mwene kuti wene amutungulule mu kutemwa ndi vino akacita nga nu mukuposya kuno Klistu akapela.

Loma 8:25

Lelo ndi tukupaalila cino tusikulola, ale tukulolela mukuteka mwenzo.

Masamu 130:5

Nkalolela uwazwilizyo wakwe Yawe, nkalolelela nu mwenzo wane onsi, nupya nkataila amazwi yakwe.

1 Tesalonika 1:10

Nupya yakalanda pa kulolela kuno mukalolela Yesu Mwana wakwe kuti aiize kufuma mwiyulu. Leza wamuzyukwile kufuma ku afwe, nga pa wanda wa upinguzi Yesu alatutuula ku ukali wakwe Leza ukwiza.

Habakuku 2:3

Uumbwilo uu uli nu kufikiliziwa apa nsita yakweo ilingine, ino ili nu kufika ukwaula kuzimba. Nupya ulacitika ukwaula kutwisika. Lelo ndi mwalola ukuti wene wazimba, nemo nkuti muulolele mutazukuwa. Wene ulafikiliziwa ukwaula kucelwa nanti ukulezyalezya.

Utandiko 49:18

“We Yawe, nkalolela ufyusi wako.

Ezekelo 7:12

Insita yafika. Wanda wapalama. Uculuzi wakukala ivintu nu kuvikazya umasila, pano Leza amakatukila yonsi ukali ukali.

Luka 21:19

Mukuposya kwinu, mulaya nu umi.

Yoane 21:22

Yesu amwaasuka ati, “Ndi nkasi kuti alali kufika na lino ndiza, uzye cikupazi? Wemo ndondela.”

1 Tesalonika 2:19

Pano amwemwe kusi nayauze, mwe muno tukapaalilamo nu luzango, nu kwiza pokelela penepo cilambu cino tulailumbanyizizya penepo pali Yesu Mwene witu lino aliza nupya.

Yakobo 5:3

Zaabu pamwi na siluva winu kwene vyonsi vikweti ngalawa, nga ngalawa kwene zii zilaya a kambone wa kumusinila nu konona mili inu ndi vino moto ukaonona. Mwemo mwaitulikila cuma mu manda kwene yaa a mpelelekezyo.