Yakobo 3:5 - Amazwi Yakwe Leza 2013

⁵ Vivyo kwene avino cili nu ku lulimi kwene. Nanti angala ulunono, lwene lungaitumika pa vicitwa vikulu. Tala elenganyini vino mutengo ukulu ukapya nu moto lino wasontekwa na kambilimbili kanono.

Yakobo 3:5 交叉參考

Mapinda 18:21

Imfwa nu umi vyaya umu maka ya lulimi. Umuntu wino akaluomvya ningo alalya vino lwene lulamukwilila.

Mapinda 12:18

Akacincila ukuvwanga, ivivwangwa vyakwe vikatota wa mupeni. Lelo amazwi ya muntu wa mano yali wa mulembo ku antu avule.

Mapinda 15:2

Amazwi ya antu ya mano yakapa amano, lelo pa kanwa ka ciwelewele pakafomfomola uwelewele.

Masamu 17:10

Yene yatakweti nu luse foo, nu kuvwanga yakuvwangila itolo.

Yuda 1:16

Antu yaa, yakailizyanya lyonsi nu kutwika auze milandu. Yene yakalondela vya lunkumbwa vyao viipe. Yakaitutumula nga nu kucindika auze mwi syente kuti yazanilemo muzano.

Yelemiya 18:18

Lyene antu yavwanga yati, “Izini mwe, muleke tuvwane ivyakufulula Yelemiya! Pano lyonsi kwene kumayanga yasimapepo akutusambilizya, na antu yamano akutupandako amano, nga na yakasema akusema ilandwe lyakwe Leza. Izini mwe, muleke tumupele imilandu, tute nu kuuvwa kuli vyonsi vino akulanda.”

Masamu 10:3

Umwipe akuituumika apa lunkumbwa lwakwe, Umupunuke akutuka nu kuzewanya Yawe.

Ezekelo 28:2

“We mwana wa muntu, nena intunguluzi yakwe Tuli uti, Yawe Simwandalali walanda akuti wemo mu cilumba camu mwenzo wako walanda wati wewe uli Leza. Nikala wa mwene pa cilimba cakwe yaleza umwi ziya muli yemba. Lelo wewe muntu, usi leza awe, nanti angala ukwelenganya ukuti wewe wamano wakwe leza.

2 Petulo 2:18

Yene yakavwanga mazwi ya cilumba nupya akutumpa. Mu mbunu zyao yene yakasomba antu yano afyuka sile pakasi ka antu aipe.

Danieli 4:30

avwanga ati, “Silolini vino Babiloni waya umukulu! Nene nakuuzile umusumba uu ukulu kuti uye uwakwane wakwikalamo na kuti ndange amaka nu ulamba wane, ululumbi nu usambazi wane.”

Yobo 22:17

Antu yaya nu kwipa kwao, yanenanga Leza yakuti, ‘Senka pano!’ Nupya yavwanga yati, ‘Uzye Leza Wamaka yonsi angacita cani kunotuli?’

Kufuma 15:9

Umwanisi wako aisomba ati, ‘Namayalondelela lunkwalunkwa nu kuyalema. Namaankanya icuma cao, nu kutoola vyonsi vino nkulonda. Namasomola lupanga lwane nu kusenda vyonsi vino yakwata,’

Danieli 3:15

Lyene, zuwazuwa lino muvwa ukulila kwa ntandala, imitolilo, ivisekese, amapango, ni viombelo vyuze vya kulizya nu kwimba, mulinzile ukufukama nu kupepa iciluwi cakwe zaabu. Ndi cakuti mwakana ukucita cico, lyene zuwazuwa yamamusumbila mwi lungu lya moto. Uzye mukwelenganya ukuti akunoli leza wino angamutuula?”

Ezekelo 29:3

Vwanga kunoli uti, Yawe Simwandalali walanda wati, lyene namakufutukila we Falao, umwene waku Eguputo, mung'amba mukulu we, wemuno ukalambalala mukasi kakwe Nailo nu kuitanka uti, ‘Nailo ali cuma cane, nene namupanga.’

Kufuma 5:2

Lelo Falao auzya ati, “Uzye Yawe aweni wakuti ninguvwa kunoli kuti inte aina Izlaeli yapite? Nemo ntamumanyile Yawe wiyo, nupya nkukunena vino ntalata aina Izlaeli yapite.”

Masamu 39:1

Navwanzile inti, “Namatekanyanga umu mipitile yane, apakuti akanwa kane katalanda iviipe. Namalemanga pa kanwa kane insita yonsi, lino antu aipe yali umupipi nani.”

Mapinda 26:20

Ukwaula inkwi, umoto ukazima. Apasi ukwakwa nu lwete kwene lusiyapo.

Yakobo 3:4

Nanti manye elenganyini ciwato cikulu. Nanti angala caya cikulu, cene cikasendwa ni miza ikome, nupya cingapindululwa ku kapindulwilo kanono sile. Alino lyene ciya konsi kuno kapisya akulonda kuti ciye.