Yakobo 2:6 - Amazwi Yakwe Leza 2013

⁶ Lelo mwemo mukasaalula apina! Uzye asi akama akamucuzya nu kumutintanya yamutwala ku vilye vya milandu?

Yakobo 2:6 交叉參考

Mapinda 17:5

Akaseka umulanda, akasinkola uwa muumvile. Akasansamukila apisyamo, alavunukwa.

1 Kolinto 11:22

Uzye mutakwata ku mwinu ku mang'anda kuno mungalya nu kumwa? Nanti uzye mukusula iuvi lyakwe Leza nu kucita antu aulizya insonyi? Uzye cani cino mwemo mukupaalila kuti munene pamulandu wakwe cii? Uzye namamutasya? Awe, ntange mutasye!

Mapinda 14:31

Ukucuzya umulanda kukalanga sile imisuula kuli wiyo uwa muumvile. Lelo ukucitila umulanda uluse kuli kucindika uwa muumvile.

Masamu 14:6

Yakaifya yakavulunganya amapange ya antu apina, lelo Yawe ali kacingilila wao.

Yakobo 5:4

Mutacili mulipile aomvi malipilo yao, yano onsi akuomba mu vyalo vinu. Uvwini kuilizyanya kwao! Kulilizika kwakwe yao akakonganika vino yakamuzombwela kwati kuvwika kuli Leza, uwa maka onsi.

Yakobo 2:3

Ndi cakuti mwacindikisya umuntu wino azwite ningo nu kumunena muti, “Ikala papa pa cilimba cisuma kuluta,” lelo munena mupina muti, “Imilila papa, nanti ikala pansi pa nanti pano pipi ni ngazo zyane,”

Milimo 17:6

Lelo lino yatayazanyile, yafumizye Yasoni na yano ataile yayatwala ku ntunguluzi zya musumba, yapunda yati, “Antu yaa yacita icimvulunganya mu misumba yonsi! Ndakai yati iiza nu mu musumba witu kwene,

Milimo 13:50

Lelo intunguluzi zya Ayuda yatunkola anaci Akulukuwa akama apepanga Leza ni nkombe zyamu musumba izicindame.

Milimo 8:3

Lelo Saulo aezya ukonona iuvi. Wayanga ing'anda ni ng'anda, ala akulema yano ataila, aonsi na anaci, akuyaleta kuti yayayalile mu ng'anda yaminyololo.

Zakaliya 7:10

Mutacuzya yamukamfwilwa na ana asyale, na aenyi ainamasi aikala kuno muli. Mutacuzya na apina kwene. Nupya mutapanga mu mwenzo inu ukucuzyanya.’

Amosi 5:11

Mukatitikizya apina nu kuyiila lino yakusonka imisonko ya mbezu zyao. Uli mulandu uno nanti mungakuula uli amang'anda ayembe akuulilwa na mawe, mutalikala mwenemo.

Kasambilizya 5:8

Utazunguka lino walola ukuti uteko ukutitikizya apina nu kuyafyenga mu nsambu zyao. Cilolo wensi wacingililwa na wiyo akamwangalila, alino yaa yoili yacingililwa ni vilolo iviyalusile.

Mapinda 22:16

Ukucuzya umulanda, kuli kumulundilapo ukama. Nu kupeela umukama uwila kuli kumucita umulanda.

Masamu 12:5

Pamulandu wakuzunya alanda, Yawe nawe wavwanga wati, “Namakatuka, intuule nu mulanda akufyengwa, nu mupina akuilizyanya. Namapususya yayo akapunda kunondi!”

Masamu 10:14

Lelo we Leza ukalola umulanda nu mucuzi akuilizyanya, nga waiteyanya lyonsi ukuyazwilizya. Umupina akaituula kunuli. Wewe uli kazwa wa ana asyale.

Yakobo 5:6

Mwemo mwapingula nu kukoma antu akaele, yano atezizye kulwisya mwemwe.

Milimo 18:12

Lino Galio wali mulasi uwaku Akaya, Ayuda yonsi pamwi yakatukila Paulo, yamulema yamutwala ku cilye,

Habakuku 3:14

Mwemo uku nceto zinu mwalasile musika wa mpuka ya vita vyakwe, vivyo ivizile ungati icipupu ku kutusalanganya. Ala yakutuseka kwati awiya amaleta ivisuma, fwandi ala uononesi sile ku apina.

Amosi 4:1

Uvwini amazwi yaa, mwe anaci aku Samaliya, mwemuno mukulu kwina wakwe yamutusa ya ng'ombe zyaku Basyani, mwemuno mukazunya apina nu kucuzya yayo aulilwa. Mwemo mwikalila sile ukupingula yawinu ala mukuti, “Tupelini ivyakuzusya uku nsingo.”

Ezaya 53:3

Wasaalukanga nu kusulwa ku antu, wali umuntu wa ulanda, wene uvwanga ukali. Swemo twamusuuzile cakuti tutalondanga nu kumulolekesya, pano tutamwikanga pa untu foo.

Masamu 10:10

Umupina akaivunganya nu kuipetelezya pansi mpaka aiukila watapona uku ulamba wakwe.

Masamu 10:8

Akateyamila antu mu matete mu mitanda, akoma nu wakaele mu umfisolo. Akayeyetula umupina uku kumucevya na manso aucenjezi.

Masamu 10:2

Umwipe akuitutumula nu kucuzya umupina, Si leka yalemye umu lukose luno yateya.

Yobo 20:19

Pasi pano lino wali pano nsi wikalile ukucuzya alanda, nu kuyasuula. Walunzilepo nu kupoka ku lukang'ansi, amang'anda yano wene atakuuzile.

Yoane 8:49

Yesu aasuka ati, “Nemo nsi nu mupasi wankota.” “Nkacindika Tata, lelo mwemo musyancindika.

Mapinda 18:23

Umulanda akalanda ivyakupapata, nga umukama nawe akaasuka ivyakuzazuka.

Mapinda 22:7

Umukama akateeka alanda. Kakongola nawe akaya umuzya wakwe wiyo uwamukongwesya.