Yakobo 1:17 - Amazwi Yakwe Leza 2013

¹⁷ Wila usuma onsi ni cakupeelwa cifumaluke consi cikafuma kwiyulu, kuli Tata, kaumba wino uwaumvile ivya mwiyulu vyonsi vino vikapeela luswepo. Wene ali umwi lyonsi, nupya luswepo lwakwe lusyazima nanti panono.

Yakobo 1:17 交叉參考

Yoane 3:27

Yoane nawe aasuka ati, “Kusi cimwi wakwe cii cingacitikila umuntu, suka Leza ndi waleka kuti cicitike.

Mateo 7:11

Mwe yaipe mwamanya kupeela vintu visuma ku yana yinu. Uzye So uwa mwiyulu atalalusya kupeela vintu visuma kuli yao akamulenga?

Ayebulai 13:8

Vino Yesu wali apa mutondo avino ali ni lelo, nupya avino amayanga manda pe.

Yoane 8:12

Nupya Yesu anena Afaliseo ati, “Nemo nene luswepo lwa antu amu nsi. Wino wensi wandondela, wene atalapita mu mfinzi lelo alaya nu luswepo lukatungulula ku umi.”

Mpendwa 23:19

Leza asi umuntu uwakuti angatumpoka Nanti umwana wakwe Adamu uwakuti afutuke muli cino watataka. Wene akavwanga nu kufikilizya cino watavwanga.

1 Yoane 1:5

Ilandwe lino tuvwa kufuma ku Mwana wakwe nupya lino tukumunena kuti Leza ali luswepo, nga munoli mutaya mfinzi nanti panono.

Mapinda 2:6

Pano Yawe aliwe akapeela amano, aliwe kwene ali ntulo ya kumanya nu kwiluka

Masamu 84:11

Pano wemo we Yawe Leza, awewe tukazina mwenemo nupya wewe uli kavwangila witu. Watukwatila inkumbu nu kucindamika, ukatucindamika. We Yawe, usitwima ivisuma sweswe swe antu yako, swe ya miyele isuma.

Yakobo 3:17

Lelo mano yano yakafuma kwiyulu nkolelo yakatwazwa kuya asanguluke, acuvwano, mutembo nu kuyelezyanya. Yene yakatulenga kukwatisya mizu nga nu kucita vicitwa visuma. Yene yakatulenga kuntakwata vikanza nanti usomvi.

Malaki 3:6

“Nene indi Yawe, nupya nsisenuka awe. Acino mwe amu mupanda wakwe Yakobo mutaloviwa.

Efeso 2:8

Pano mwatuuzilwe ni cikuku cakwe Leza lino mwataile.

Luka 11:13

Mwe yaipe mwamanya kupeela vintu visuma ku yana yinu. Uzye So uwa mwiyulu atalalusya kupeela Mupasi Wamuzilo kuli yao akamulenga?”

1 Kolinto 4:7

Uzye aweni uwakwisile kuya mukulu kuluta pa auzo? Uzye Leza atakupile vyonsi vino wakwata? Uzye lyene ungaitumika uli kwati cino wakwata cisi uwila?

1 Yoane 4:10

Kuu kuli kutemwa kwakuti asi sweswe twatemwa Leza, lelo pano wene uwatutemilwe nga atuma Mwana wakwe kuti aye impolelwa ya pa maifyo itu.

Efeso 1:18

Nkulenga kuti Leza akozya luswepo mu myenzo inu na kuti mumanyikisye upaalilo uno wamwamilako nga nu kumanya ukama wa lulumbi lwa kupyana vintu vino Leza walaya antu yakwe,

Yoane 1:9

luswepo lwa cumi lukakozya muno nsi pa antu onsi.

Umbwilo 21:23

Kuwala kwi lanzi nu mwezi kusyalondekwa mu musumba ukulu, pano lulumbi lwakwe Leza lukayengesa mwenemo, nga nu Mwana wa Mfwele ali lampi lyauko.

1 Milandu 22:12

Si Yawe akupeele ukwiluka na mano, pakuti wateeka aina Izlaeli ukulingana na masunde yakwe Yawe Leza wako.

2 Kolinto 4:6

Calembwa mu malembelo cati, “Leza watile kuye luswepo, luyako.” Luswepo luyengesa mu mfinzi. Lyene ndakai Leza kwene wiyo akuyengesa mu myenzo itu kuti antu yamanye vino lulumbi lwakwe lukaloleka muli Yesu Klistu.

Ezaya 60:19

“Asi lanzi foo lino lilakukozezya uku macaca. Asi mwezi foo uno ulakukozezya amanda pe. Ala anene kwene ne Yawe, nene sile ndakukozezya pee na pee. Nene sile ne mucindami, anene ndaya uluswepo lwako.

1 Samueli 15:29

Pasipano Leza uwacindamika aina Izlaeli asitumpoka nupya asi uwa mansenunsenu. Pano wene asi umuntu, awe.”

Utandiko 41:16

Yosefu azumila ati, “Nemo ntangacita cico, lelo Leza amapeela wilulo usuma kuli Falao.”

Umbwilo 22:5

Kutalaya usiku nupya yatalalonda inyali nanti luswepo lwi lanzi, pano Mwene Leza alaya luswepo kunoyali. Yene yalateeka manda pe.

Yakobo 1:5

Lelo ndi umwi uwa munomuli ulilwa mano, wene alinzile kulenga Leza, nga nawe alamupeela, pano Leza akapeela kuli yonsi kwaula kasoozi.

Loma 6:23

Pano malipilo yi ifyo, imfwa. Lelo uwila wakwe Leza umi wape muli Klistu Yesu Mwene witu.

1 Milandu 29:19

Upeele Solomoni umwanane umonsi insuna ya kuyela amalamulo yako yonsi nga nu ku kukuulila Ng'anda ikulu ino natinteyanyizizya vii vyonsi.”

Mpendwa 11:17

Nani namaika nu kwiza landa nawe kukwa. Nupya indi nu kwiza tola mupasi uwaya pali wewe nu kuyapeela nayo kwene. Fwandi ali yano yamasendanga pamwi nawe icisendo ca mutundu uwo. Usikuyanga wenga pa kucisenda awe.

Yakobo 3:15

Mano amusango uu yasyafuma kuli Leza. Yene amano yamu nsi auntunze nupya yakwe Ciwa umwisikulu.

Ezaya 45:7

“Anene napanga uluswepo ni mfinzi, nkaleta ulongo nga nu uzanzo. Ne Yawe nkacita vii vyonsi.

Filipi 1:29

nupya wene wamupeela isyuko lya kutumikila Klistu asi kukwata sile utailo munoli, lelo nu kumuculila.

Milimo 11:18

Lyene lino yuvwa vintu vii, yata kupazyanya nawe, lelo yati, “Lyene Leza watapela Akulukuwa isyuko lya kuzenzuka kuti yaye nu umi!”

Milimo 5:31

Lelo leza wazyukwile Yesu alino amwika kwi kasa lyakwe lilunji, ukuya intunguluzi na katuula, kuti apeele aina Izlaeli longo lwakuzenzuka nu kwelelwa maifyo yao.

Ezaya 46:10

Ukutandikila sile na pa mpiti nemo nkavwanga calimwi ivili nu kucitika. Ukutandikila sile na pa mpiti nemo nkalondolwela calimwi ivili nu kucitika. Nkalanda ukuti vino nkapanga ukucita ala vilacitika. Nkacita na vyonsi vino nkulonda ukucita.

Ezaya 28:26

Umulimi akamanya ningo ivyakucita, pano a Leza awino wamusambilizya ivyakucita.

Masamu 122:6

Pepini kuti mu Yelusalemu muye umutende, mule muti, “Lekini antu yayo akutemwa we Yelusalemu yaye nu longo.

Malango 4:19

Mutakezye ukutunkwa ukupepa nu kutumikila vino mukalola umwiyulu, ivili wi lanzi, umwezi, ni ntanda. Yawe Leza winu wapeela vii ku antu yauze yonsi kuti yavipepa.

Mpendwa 11:25

Alino Yawe nawe aika umwi kumbi nu kulanda nawe. Ali pakutoola ku mupasi uwali pali Mose, nu kuwika pa ikolo yayo amakumi cinimbali. Lyene lino mupasi wikala panoyali, iyasema. Lelo yatatwalilile pa nsita ntali.

Masamu 85:12

Umwene amatupeela ivisuma, ni mpanga itu imamezya uzombozi ukulu.

Masamu 102:27

Wemo wayela sile mumu kwene muno wayela, ni myaka yako italatala ipelele apambiliwili foo.

Masamu 136:7

Waumvile inkozyo izikulu, ilanzi nu mwezi, pano luse lwakwe ulwa pe na pee.

Yoane 3:3

Yesu nawe amunena ati, “Cumi, nakunena vino umuntu ndi atavilwe iila lyakwe ciili atangalola Uwene wakwe Leza.”

1 Timoti 6:16

Aliwe wenga sile asyafwa. Wene akaikala mu luswepo luno kusi nanti umwi angapalamako. Kusi nanti umwi uwatala walola Leza. Kusi nanti umwi angamulola. Kunoli kupelwe mucinzi nu utesi wape! Ameni.