Yakobo 1:1 - Amazwi Yakwe Leza 2013

¹ Kalata kufuma kuli ne Yakobo, muomvi wakwe Leza nu wa Mwene Yesu Klistu. Nkulamuka antu yakwe Leza yonsi mitundu ikumi na ili asalangana konsi mu nsi.

Yakobo 1:1 交叉參考

Ezekelo 12:15

Lyene yalamanya ukuti nene indi Yawe, nene nayasalanganyizizya mu nko zyuze nu kuyasansanta mu mpanga izivule.

1 Petulo 1:1

Kalata kufuma kuli ne Petulo mutumwa wakwe Klistu Yesu. Nkulembela antu asololwe yakwe Leza, yano asalangana wa mbutusi mu miputule yonsi yamu Ponto, Galatiya, Kapadokiya, Asiya, nga nu mu Bitiniya.

Yoane 7:35

Alino intunguluzi zya Ciyuda izyuzyanya ziti, “Uzye umuntu wii alaya kwi, kuno tutalamuzana? Uzye alaya ku misumba yaku Akulukuwa kuno antu itu yamwi yakaikala, kuti akasambilizye Akulukuwa?

Milimo 8:1

Na Saulo wazumilizye ukukomwa kwakwe Sitivini. Pa wanda kwene ulya iuvi mu Yelusalemu litandika kuzunyiwa cuze. Onsi ataila, yasalangana mu miputule yonsi yamu Yudeya nu mu Samaliya. Suka sile atumwa.

Milimo 26:7

ulayo kwene uno mitundu itu yonsi ikumi na iili, ino ikatumikila Leza ikapaalila kupokelela lino ikupepa usiku nu musanya. Pamulandu wa upaalilo kwene uu, we Mwene wa kwisaci, auno Ayuda yakundongwelapo!

Milimo 15:23

Alino yayatumilizya kalata uwatangi, “Swe atumwa na aikolo, swe ina inu, twatuma ulau kuno muli mwe ina itu amu Akulukuwa, akaikala mu Antioki, Silya na Kilikya.

Tito 1:1

Kalata kufuma kuli ne Paulo, muomvi wakwe Leza nupya mutumwa wakwe Yesu Klistu. Nasolwilwe nu kutumwa ku kwazwa antu yakwe Leza asololwe kuti njatungulule ku utailo, yamanye cumi cingayalanga vino yangatumikila Leza.

Galatiya 2:9

Yakobo, Petulo na Yoane zili ntunguluzi zyamanyile vino Leza wampeela mulimo uwa kukosola Ilandwe. Caleka yalemine makasa na Banaba nga nani, tulamukana, kuti ciye cilangililo cakuti swensi twaya pamwi. Twazumilizyanyizye ukuti Banaba nani twaombela pakasi ka Akulukuwa nga nao pakasi ka Ayuda.

Milimo 15:13

Lino yamala kulanda, Yakobo aimilila, avwanga ati, “Uvwini kunondi, mwe inane!

Malango 28:64

“Yawe alamusalanganyizizya mu mitundu yuze, ukufuma ku mpela yonga ya nsi ukufika nu ku yuze. Ali kuno mulaya mukaatumikila tuleza utwakuwaza nu twapangwa ku mawe, tuto tuno mwemwe nanti ivikolwe vinu mutatala mwapepa.

Loma 1:1

Kalata kufuma kuli Paulo, muomvi wakwe Klistu Yesu, mutumwa uwasolwa nu kwamwa na Leza ku kukosola Ilandwe Lisuma.

Milimo 21:18

Uwanda walondelile tupita na Paulo kukulola Yakobo, na aikolo iuvi yonsi apano yali.

Yoane 12:26

Wino wensi akulonda kuntumikila alinzile kundondela, kuti kuno naya, nu muomvi wane kwene aye nani. Tata alacindamika wensi akantumikila

Mateo 19:28

Yesu nawe ayanena ati, “Cumi namunena vino mu manda akwiza, mu nsi ipya, Mwana wa Muntu alikala pa cilimba cakwe ca wene ca lulumbi. Namwe kwene mwe muno mukamulondela, mulikala pa vilimba ikumi na viili vya wene nu kupingula inko zya Izlaeli ikumi na ziili.

Yuda 1:1

Kalata kufuma kuli ne Yuda, muomvi wakwe Yesu Klistu, nupya umwina wakwe Yakobo, kuli yano aamwa, akundwe yakwe Leza Tata nupya acingililwa na Yesu Klistu.

2 Petulo 1:1

Kalata kufuma kuli ne Simoni Petulo, muomvi nupya mutumwa wakwe Yesu Klistu. Kuli yao yano uwololoke wakwe Leza nupya Katuula witu Yesu Klistu walenga kuti yene pamwi naswe tupelwe utailo ucindame.

Filipi 1:1

Kalata kufuma kuli ne Paulo na Timoti, swe aomvi yakwe Klistu Yesu. Twalembela antu yakwe Leza nupya yakwe Klistu, yano ali ku Filipi nga ni ntunguluzi pamwi na Yadikoni onsi amu mauvi inu.

Galatiya 2:12

Lino antu yamwi yano Yakobo watumile yatali yafike kuku, Petulo walyanga pamwi na Akulukuwa ataila. Lelo pacisila lino antu yaa yafika, Petulo aoopa yao alondanga kuti Akulukuwa yasilamulwe, nga atukulya na Akulukuwa.

Galatiya 1:19

Ntaweni mutumwa namuze sukasile Yakobo mwina wa Mwene.

Milimo 15:21

Pano kufuma ku mpiti Masunde yakwe Mose yawelengwa pa manda aingi mu mang'anda ya mapepo cila Sabata, nga na mazwi yakwe yakakosolwa mu misumba yonsi.”

Milimo 1:13

Alino Petulo, Yoane, Yakobo, Andeleya, Filipo, Tomasi, Batolomeo, Mateo, Yakobo (mwana wakwe Alufeo) na Simoni kalwisya wa untungwa nga na Yuda (mwana wakwe Yakobo), lino yafika mu Yelusalemu yakwela ku muputule wapapela muno iikalanga.

Mateo 13:55

Uzye wii asi mwana wakwe kawaza wa mbao? Uzye nyina asi Maliya? Uzye aina yakwe yasi a Yakobo na Yose na Simoni na Yuda?

1 Yamwene 18:31

Wene atoola amawe ikumi na yaili ukulingana ni mitundu ikumi na iili ya amu mupanda wakwe Yakobo, umuntu wino Yawe watemile izina lyakuti Izlaeli.

Malango 30:3

ale lyene Yawe alaya na mizu panomuli. Alamuwezya nupya ukufuma ku nko kuno wamusalanganyizizye nu kumupeela ulongo.

Aina Levi 26:33

Ndalenga inkondo ukuya panomuli kuti musalangane mu mpanga zya inamasi. Mpanga inu ilasyala iyaulamo antu, nupya imisumba inu ilasyala matongwa.

Milimo 12:17

Alino Petulo ayasinizya ku makasa yakwe kuti yamyalale, nga ayalondolwela vino Mwene wamufumizye mu ng'anda yaminyololo. Ayanena ati, “Kanenini Yakobo na ina itu yonsi pali vii.” Alino afuma, aya kuze.

Ezila 6:17

Apa kupaatwila ng'anda ii yakwe Leza, yafyuzile nu kupeela yacipambasi 100, ni mfwele 200, nu twana twa mfwele 400 utwakoca wa mpolelwa. Nga alino ukwika penepo na yasawe 12 akutuula wa mpolelwa yakupapatila ukwelela kwa maifyo kwa ina Izlaeli yonsi. Cila sawe ukwimilila cila mutundu apa mitundu ikumi na iili iya ina Izlaeli.

Malango 4:27

Yawe alamusalanganyizizya mu nko zyuze, kuko kuno yanono sile amunomuli yalapusuka.

Kufuma 39:14

Pali amawe ikumi na yaili yano yalemvilepo mazina ya mitundu ya ina Izlaeli. Amawe ikumi na yaili yalemvilwe wakwe vino yamusyanyi yakalemba pa mawe amutengo nupya cila iwe lyali ni zina lya mutundu onga.

Kufuma 24:4

Mose alemba malamulo yakwe Yawe yonsi. Katondo ka wanda walondelela, Mose akuula kavuwa mwisika ya mwamba, nga aimika na mawe ikumi na yaili, cila iwe lila likwimilila umutundu onga wa ina Izlaeli.

Umbwilo 7:4

Lyene nuvwile ukuti impendwa yakwe yao yano ikilwe cimanyililo cakwe Leza yali mazimbi mwanda onga na makumi yani na yani. Yene yafumile mu mitundu yonsi ya ina Izlaeli.

Milimo 2:5

Mu Yelusalemu mwali Ayuda, yakapepa acindike Leza, yao afumile ku mpanga zyonsi zya muno nsi.

Luka 22:30

Mulalya nu kumwa pa cipango cane mu Wene wane, nga nu kwikala pa vilimba vya wene nu kupingula imitundu ikumi na iili ya ina Izlaeli.

Mateo 10:3

Filipo na Batolomeo. Tomasi na Mateo uwali kasonkisya. Yakobo mwana Alufeo na Tandeo.

Esita 3:8

Lyene Hamani anena umwene Aasuwelo ati, “Umu antu ni mitundu ino ukateeka, mwaya mwenemo umutundu onga uno wasasantika monsi monsi umu mpanga yako yonsi. Umutundu uo wene waipaatula nu kukana londela masunde yako yano ukupeela uku antu yako. Amasunde yao yene yapusana na masunde ya antu amu mpanga ino wemo ukateeka. Caleka fwandi musambazi, ntanzi ndi cakuti wemo ungayazumilizya.

Kufuma 28:21

Amawe kwene yaa yaye ikumi na yaili, kulingana na mazina ya mitundu ya ina Izlaeli. Amawe yalembwe wakwe vino musyanyi akalemba mazina pa mawe yamutengo ukulu. Iwe lyonsi liye ni zina lya mutundu onga.

2 Timoti 4:21

Ezya na maka kwiza lino mwela utali ufike. Yubulasi, Pudensi, Linusi, na Kuludiya yatuma kulamuka kwao, nga na ina itu yauze, aina Klistu.

Milimo 23:26

“Anene Klaudio Lisiasi, nkulembela nu kulamuka we Mulasi Felikisi Musambazi.

Luka 6:15

Mateo na Tomasi. Yakobo mwana Alufeo. Simoni (kalwisya wa untungwa),

Mako 3:18

Andeleya, Filipo, Batolomeo, Mateo, Tomasi, Yakobo mwana Alufeo, Tandeo, Simoni kalwisya wa untungwa,

Malango 32:26

Yonsi pyu ngani nayalovya, pakuti kutakaye nanti umwi uwa kuiusya.