Yakapingula 8:6 - Amazwi Yakwe Leza 2013

⁶ Lelo intunguluzi zyamu Sukoti izivwanga ziti, “Uzye pacani cino tungapelelela ivita vinu ivyakulya? Mwemo mutacili muleme Zeeba na Zalemuna!”

Yakapingula 8:6 交叉參考

1 Yamwene 20:11

Aabu umwene waku Izlaeli nawe awezya amazwi ati, “Kamunenini Beni Hadadi muti, ‘Umusilika wampomvu akailumbilizya pacisila ca ulwi, asi lino ulwi utali usile.’ ”

Filipi 2:21

Cila muntu akasakamala pa vintu vyakwe umwisikulu, kwaula kusakamala mulimo wakwe Yesu Klistu.

Mapinda 18:23

Umulanda akalanda ivyakupapata, nga umukama nawe akaasuka ivyakuzazuka.

2 Yamwene 14:9

Lelo Yeoasyi awezya amazwi kuli Amaziya umwene waku Yuda, ati, “Pali kalai, apa mwamba waku Lebanoni pali icipupa ca myunga cico icatumile intumi uku mukelide uutali sana umu Lebanoni amazwi iciti, ‘Twalizya umwana wako kaci ku mwanane umulumendo.’ Lelo lino icilyanyi caku Lebanoni cikupita, icisya calyatola icipupa cico ica myunga.

Yakapingula 8:15

Alino Gidyoni aya ku onsi amu Sukoti, ayanena ati, “Mwiusye lino mwakanyile ukungazwa! Mwavwanzile ukuti mutangapeela icakulya icili consi ku vita vyane vivyo ivyatonsile. Mwansesile imuti uzye watulema Zeeba na Zalemuna? Ale lelo asi yaa?”

Yakapingula 5:23

Umungeli wakwe Yawe avwanga ati, “Tipwilini Melozi. Tipwilini yao akaikala mwenemo, pamulandu wakuti yene yatizile ku kwazwa Yawe, kwiza wa asilika aku mulwisizya.”

Utandiko 37:28

Lino aculuzi aina Midyani iza, aina yakwe yafumya Yosefu mu cifula umutali amanzi nga yamukazya ku ina Isumeli pa mpiya zyakwe siluva ukulingana amakumi yaili, nga nayo yamusenda ku Eguputo.

Utandiko 37:25

Lino yatenzi yakulya, iukila mulongo wa alendo aina Isumeli yakupita ukufuma ku Gileadi, yakuya ku Eguputo. Ngamila zyao zyasenzile iviya vivule nupya ivyamutengo, ivinyamuti vinunkile na mafuta yakupangila milembo, na mafuta yakulesya ukuola, ala yakuvitwala ku Eguputo.

Utandiko 25:13

Yaa ali mazina ya ana yakwe Isumeli aonsi mu kulondenkana kwao: Nebayoti wali iyeli lyakwe Isumeli, nga a Kedali, Adibeeli, Mibisamu,

Yakapingula 8:5

Lino yafika ku Sukoti, Gidyoni anena aonsi aikalanga mwenemo ati, “Napapata pelini ivita vyane imikate. Yene yatiyatonta. Nemo ndondelile Zeeba na Zalemuna, yamwene ya ina Midyani.”