Yakapingula 7:8 - Amazwi Yakwe Leza 2013

⁸ Acino Gidyoni ata aina Izlaeli yonsi asyala, nga iyaswilila kumwao. Lelo asunga yaya kwene imyanda itatu, ayano iyatola intandala ni nyambi zya vyakulya ni vyakumwa ivya yauze. Insakwe ya ina Midyani yali pisika lya nkambi yao mu cifoloma.

Yakapingula 7:8 交叉參考

1 Kolinto 15:52

Cii cilacitika zuwazuwa wa kukapaya kwi linso. Lino ntandala yakusyalikizya ilalila swemo tulazyukuka. Swe ya umi tulasenulwa.

Ezaya 27:13

Mu wanda ulya intandala ilalila, iyakwama aina Izlaeli yonsi yano yikala mu mpanga ya uzya, mu mpanga ya Asilya nu mpanga ya Eguputo. Yalawela nu kwiza pepela Yawe mu Yelusalemu, pa mwamba wakwe wamuzilo.

Yakapingula 6:33

Lyene aina Midyani, na ina Amaleke, nga ni mitundu yamu lwanga iyuminkanya ivita nga iyalamba Luzi lwa Yodani. Alino iyakuula insakwe mu Cifoloma ca Yezileele.

Yakapingula 3:27

Lino wafika kuku mu mpanga ya myamba yakwe Efulemu, alizya intandala kuti aame ivita vya ina Izlaeli ku kulwa. Lyene ayatungulula iyatentemuka umwamba pamwi nawe.

Yoswa 6:20

Lyene lino intandala zyalila, antu nayo iyapunda na maka, nga ni linga ilipona. Ivita navyo ivisimwilila mukasi, cila muntu ulunga na pano wali, nga yapoka umusumba ulya.

Yoswa 6:4

Yasimapepo cinimbali yace yasende intandala izyapangilwa ni mpembe zyakwe yasuuku, nupya yace yakolelele Mbokosi ya Upangano. Pa wanda uwalenga cinimbali, mulinzile ukupita ukuzinguluka umusumba amaila cinimbali, na yasimapepo yala yakulizya intandala.

Mpendwa 10:9

Lyonsi lino mulaya umu nkondo mu mpanga inu, lino mukuipokolola ku anisi inu yano yatiyamuzanza, muce mulizye sile intandala zya nkondo. Lyene Yawe Leza winu atalamwilila, lelo alamutuula ku anisi inu.

Aina Levi 25:9

Lyene pa wanda uwalenga ikumi, uwa mwezi uwalenga cinimbali uwanda wa kwelela amaifyo, mwatuma umuntu kuti alizya intandala mu mpanga yonsi.

Aina Levi 23:24

“Nena aina Izlaeli uti, ‘Pa wanda wakutandika uwa mwezi uwalenga cinimbali, mwasunga uwanda, pano uwanda uwa kupuza, nupya mwakongana pamwi ku mapepo lino intandala yalila.

Yakapingula 7:7

Yawe anena Gidyoni ati, “Aonsi yaa imyanda itatu atiyakamvula amanzi wakwe yasimbwa, ali yano ndaomvya pa kutuula mwemwe nu kupeela aina Midyani mu makasa yako. Asyala yene yonsi leka yaswilile kumwao.”

Yakapingula 7:9

Umu nsita ya usiku ulya Yawe anena Gidyoni ati, “Katukini muye mukazanze insakwe yao. Namupeela ukucimvya pali aliyo.