Yakapingula 7:20 - Amazwi Yakwe Leza 2013

²⁰ Alino impuka zyuze ziili izicita cili conga kwene. Yonsi kwene iyalema amalukozyo yao mu minwe yao iya kwimani, ni ntandala mu minwe yao iya kwilunji, nga iyapunda yati, “Ulupanga ulwakwe Yawe nga nu lwakwe Gidyoni!”

Yakapingula 7:20 交叉參考

Ezaya 27:13

Mu wanda ulya intandala ilalila, iyakwama aina Izlaeli yonsi yano yikala mu mpanga ya uzya, mu mpanga ya Asilya nu mpanga ya Eguputo. Yalawela nu kwiza pepela Yawe mu Yelusalemu, pa mwamba wakwe wamuzilo.

2 Kolinto 4:7

Swemo tukoline wa nyungu muno cuma cii casungwa. Maka ya umi yakafuma kuli Leza, asi kuno tuli.

1 Kolinto 15:52

Cii cilacitika zuwazuwa wa kukapaya kwi linso. Lino ntandala yakusyalikizya ilalila swemo tulazyukuka. Swe ya umi tulasenulwa.

Yoswa 6:20

Lyene lino intandala zyalila, antu nayo iyapunda na maka, nga ni linga ilipona. Ivita navyo ivisimwilila mukasi, cila muntu ulunga na pano wali, nga yapoka umusumba ulya.

Yoswa 6:16

Alino iila kwene ilyalenga cinimbali, lino yasimapepo yalizya intandala, Yoswa apeela ilamulo ku antu, ati, “Pundini! Pano Yawe watapeela umusumba uu kunomuli.

Yoswa 6:4

Yasimapepo cinimbali yace yasende intandala izyapangilwa ni mpembe zyakwe yasuuku, nupya yace yakolelele Mbokosi ya Upangano. Pa wanda uwalenga cinimbali, mulinzile ukupita ukuzinguluka umusumba amaila cinimbali, na yasimapepo yala yakulizya intandala.

Ayebulai 11:4

Mu utailo amuno Abeli wapile impolelwa isuma kuli Leza kuluta ino Kaini wapile. Mu utailo amuno Leza wavwangile Abeli visuma ukuti wene umololoke, pano Leza umwisikulu uwamucitile umboni pakupokelela uwila wakwe. Mu utailo wakwe Abeli acili akuvwanga nanti angala wene wafwa.

1 Tesalonika 4:16

Kulaya kulaizya ilamulo, kuvwika kwi zwi lya mungeli mukulu, ciunda ca ntandala yakwe Leza, nga Mwene umwisikulu aliika kufuma mwiyulu. Yao afwile nu utailo muli Klistu yalazyukuka nkolelo yaye nu umi.

2 Petulo 1:15

Uli mulandu uno nemo indi nukucita consi icingacitwa pakuti ndeke mwensi mwaiusya vintu vii na pacisila ca mfwa yane.

Yakapingula 7:19

Gidyoni ni umba lyakwe umwanda onga yiiza ku lutwe lwa nkambi ilya pa nsita inono sile lino usiku pakasi utali ufike, ala asilika yauze yakalinda yacitandika sile uluti lwao. Lyene iyalizya intandala zyao nu kutama imisazi ilya iyali mu minwe yao.

Yakapingula 7:21

Umonsi wensi waimi pano yamusontelile, yalizizya insakwe, nga ivita vya anisi vyonsi ivyutuka vila vikukuta.

1 Samueli 11:11

Vili vino umu usiku wa wanda ulya Saulo apaatula antu yakwe mu mpuka zitatu, nga uwanda uwalondelilepo, pa macaca iyasimwila mu nkambi ya anisi yao nu kukomola aina Amoni ukufika lino akasanya kakoma. Na yao apuswike iyasalangana, cakuti kutali antu akuti yapite yaili.

Yelemiya 47:6

Mwemo mukuti, ‘Iye mwe, we lupanga lwakwe Yawe, ulapuza lilaci? Sungala uswilile mu cituwo cako, nenuka, ikala cele.’