Yakapingula 7:13 - Amazwi Yakwe Leza 2013

¹³ Lino Gidyoni wafika, auvwa umonsi umwi akunena cuza wakwe ati, “Inalola umukate uwapangilwa nu usu wakwe baale ala ukukunkulukila mu nkambi itu nu kupuma mwi taalu. Itaalu nalyo pali pakupona pa musili.”

Yakapingula 7:13 交叉參考

1 Kolinto 1:27

Leza, mwi pange lyakwe, wasolwile cico cino antu amu nsi yakaelenganya kuya utumpe, pakuti wene angazewanya antu yamano, nupya wene wasolwile cico cino antu amu nsi yakaelenganya kuya utonte pakuti azewanye antu yamaka.

Yakapingula 6:15

Gidyoni nawe aasuka ati, “We Yawe, uzye ningakulula uli aina Izlaeli? Uluko lwane ululi lutemboke sana mu mutundu wakwe Manase, nupya nene ndi nkwangu.”

Yakapingula 4:21

Sisela watonsile sana cakuti akasula wakwe cimwi. Lyene Yaeli atoola inondo nu lupopo lwi taalu nga anyanya aya papela pano wali. Alino mu pipi ni kutwi lyakwe apano amupampamila ulupopo mpaka iluya lusimpa mu musili.

Yakapingula 4:9

Debola nawe aasuka ati, “Cisuma fwandi tumapita swensi. Lelo ucimanye ukuti umucinzi wa kucimvya utalaya nawe, pamulandu wakuti Yawe alapeela Sisela mu makasa ya mwanaci.” Acino Debola akatuka ukuya ku Kedesyi pamwi na Balaki.

Yakapingula 3:31

Intunguluzi iyalondelile pali Eudi a Syamugali, umwana wakwe Anati. Wene wacimvizye aina Filisti imyanda mutanda kuli swepu wakwe uwapangilwa nu musinda wakwe masaye. Nawe kwene watuuzile aina Izlaeli.

Yakapingula 3:15

Lyene aina Izlaeli iyalilila kuli Yawe, nga nawe ayatumila umuntu uwayatuuzile. Umuntu wi wali a Eudi, umwana wakwe Gela, uwamu mutundu wakwe Benjamini. Eudi waomvyanga ikasa limani. Aina Izlaeli yatumile Eudi kuli Egiloni umwene waku Moabu, ala asenzile amawila akumupeela.

Yakapingula 7:12

Aina Midyani, na ina Amaleke, nga na amu mitundu yamu lwanga ala yatiyalimba mu cifoloma consi kwati amakanta ku wingi, nupya yakweti ingamila izivule wa musensenga uwamu nkumba yakwe yemba.

Yakapingula 7:14

Cuza wakwe wilya nawe pali pakumunena ati, “Umukate uwo ulupanga lwakwe Gidyoni umwina Izlaeli, umwana wakwe Yoasyi. Iciloto cico calola sile mukuti Leza watapeela impanga ya Midyani kumwi ni vita vitu vyonsi mu makasa yakwe Gidyoni!”

Yakapingula 8:10

Zeeba na Zalemuna yali ku Kalekoli pamwi ni vita vyao. Apa vita vyonsi vya mitundu yamu lwanga, ivyasile vyali namanye amazimbi ikumi na yasano. Ivita ivyakomilwe vyali amazimbi umwanda na makumi yaili.