Yakapingula 6:15 - Amazwi Yakwe Leza 2013

¹⁵ Gidyoni nawe aasuka ati, “We Yawe, uzye ningakulula uli aina Izlaeli? Uluko lwane ululi lutemboke sana mu mutundu wakwe Manase, nupya nene ndi nkwangu.”

Yakapingula 6:15 交叉參考

1 Samueli 9:21

Saulo nawe aasuka ati, “Lelo nemo nene uwa mutundu wakwe Benjamini, umutundu uwasyalikila sana pa mitundu ya ina Izlaeli nga luko lwane ululi luko ulunono ukuluta pa nko zya ina Benjamini. Uzye apacani mwanenela amazwi amusango ndi uu?”

Kufuma 3:11

Lelo Mose anena Leza ati, “Nga nene weni! Uzye icitonte kuti ningaya kuli Falao imunene aleke mfumye aina Izlaeli mu Eguputo?”

Kufuma 4:10

Lelo Mose anena Yawe ati, “Awe Yawe, utantuma. Nemo ntamanya kuvwanga ningo ukufuma mpiti, nanti aepa kwene pano utandikile kuvwanga nani. Lulimi lwane lwanyoma nupya nkatitisya.”

Yelemiya 1:6

Nani ali pakwasuka inti, “Iye, we Yawe Simwandalali! Lola nemo nene mwance, nupya ntamanya ivyakuvwanga.”

Efeso 3:8

Nemo nacepesya pa antu yao ali anono kuluta mu antu yakwe Leza onsi. Lelo Leza wampile maka akukosola Ilandwe Lisuma ku Akulukuwa, ilya pa vya ukama wakwe Klistu uno utakwata cipimo.

1 Kolinto 15:9

Nene munono kuluta pa atumwa yonsi nupya citandinzile kwamwa mutumwa pano nazunyizye iuvi lyakwe Leza.

Luka 1:34

Lelo Maliya auzya mungeli ati, “Uzye ci cilaya uli, vino nemo intaya na monsi?”

Mika 5:2

Yawe akuti, “Lelo we Betelemu waku Efulata, nanti angala wewe munono mu misumba yakwe Yuda, lelo munuli ndafumya umuntu wino alateeka aina Izlaeli. Intuntuko yakwe wiyo iya mpiti mpiti, kutandikila sile uku katalili.”

Yelemiya 50:45

Fwandi mwemo mule muvwe sile kunondi, navino napingila ukucita umusumba wa Babiloni ni mpanga. Cacumi, nu twana utunono nato kwene yalatwalanganya apa kutusendela kumwi, cakuti nu muntu wensi sile alazunguka.

1 Samueli 18:23

Acino nayo iyanena Davidi amazwi ya. Lelo Davidi nawe avwanga ati, “Uzye mwemo mukwelenganya ukuti ukuya umukwi wa mwene icintu cimwi cinono? Nemo nene mupina nupya nene muntu umwi wino atalumbuka.”

Utandiko 32:10

Luse lwako ni cumi cino walanga kunondi vitandinzile ne muzya wako. Pakwiza nalamvile Luzi lwa Yodani ni ntuwa itupu, lelo ndakai nawela na maumba yaili.

Yakapingula 6:11

Lyene umungeli wakwe Yawe aiza ku muzi wa Ofula nga aikala mwisika lya muoko, umuti wakwe Yoasyi, uwamu luko lwakwe Abiezeli. Gidyoni umwana wakwe ala akupuula ingano mu umfisolo umwakufenela amatingi, pakuti aina Midyani yatamulola.