Yakapingula 6:13 - Amazwi Yakwe Leza 2013

¹³ Gidyoni nawe amuuzya ati, “Uwi! Musambazi! Ndi cakuti Yawe waya naswe, uzye pacani cino imipamba yonsi ii yatuponela? Cili uli fwandi pa vintu vyonsi vino yatata yatunenyile, vino Yawe wacisile pa kuyafumya mu Eguputo? Yawe watatutazyela nu kuleka aina Midyani yatucuzya.”

Yakapingula 6:13 交叉參考

2 Milandu 15:2

Nawe ali pakuya uku mwene Asa nu kumunena ati, “Musambazi Asa, na mwe ikazi amu Yuda mwensi pamwi na ina Benjamini, nguvwini! Yawe ali namwe cikulu sile mwamutontela. Ndi mwamulonda, mulamuzana. Lelo ndi mwamufutatila, ale nawe kwene alamufutatila.

Masamu 44:1

We Leza swemo twayuvwilile swenga na matwi itu, ivikolwe ali vino vyatulandile apa vintu vikulu vino wacisile umu nsita yao, umu manda yampiti.

Ezaya 63:15

Yawe sungala ulolekesye ukufuma ukwiyulu. Lolekesya pano nsi ukufuma ku cifulo cako calulumbi! Uzye ukutusakamala kwako, amaka yako, nu kulonda kwa mwenzo wako vyaya kwi? Ala utaezya ukutwilila!

Ezaya 41:17

Lino antu yane yalalola amanzi, lino ku myenzo yao kulalangoka nu kuuma pamulandu nu lusala, nemo ne Yawe ndauvwa kuno yakumpapata. Nemo ne Leza wakwe Izlaeli ntalatala njatazyele foo.

Masamu 89:49

We Yawe, uzye visininkizizyo vya kutemwa kwako lyene vili kwi? Vivyo vino walavile Davidi ukuti ulaya uwakutailwa?

Malango 31:17

Lino cico icamwata uwo cilacitika indayasokela cuze. Indayatazyela cakuti lyene nu kuzanzwa yalazanzwa. Lino amazanzo avule yalayacitikila ali lino yalamanya ukuti ivintu vii vikuyacitikila pamulandu wakuti nene, ne Leza wao, insi nayo nupya.

Utandiko 25:22

Lino ana yatacili yavyalwe, yapunkana muze nu muze mu ndilwa, asuka Labeka ailizyanya ati, “Uzye pacani cino icintu cii cikucitikila vii kunondi?” Alino apita ku kupepa kuli Yawe, ku kumuuzya muno ciile.

Loma 8:31

Uzye tumati uli pa vintu vii? Ndi Leza ali naswe, aweni amatucimvya?

Yelemiya 23:33

Yawe anena Yelemiya ati, “Kasema umwi muli yayo nanti sile a simapepo ndi wakuuzya wati, ‘Uzye icisendo cakwe Yawe icani?’ Uce umwasuke uti, ‘Icisendo cakwe Yawe awewe kwene, nupya nkukusumba.’

Masamu 27:9

Fwandi utafisama kunondi! Utansokela, utatazyela umuzya wako. Lyonsi ukangazwa, utansya nenga nupya utantazyela, Mwene Leza wane, Katuula wane!

Malango 29:24

Lyene antu amu nsi yalauzyanya yati, ‘Uzye Pacani cino Yawe wacitila icamusango ndi uu mu mpanga yao?’”

Yakapingula 6:1

Nupya kwene aina Izlaeli yiifya kuli Yawe. Caleka Yawe aleka aina Midyani iyayateeka pa myaka cinimbali.

Yakapingula 6:12

Alino umungeli wakwe Yawe aloleka kuli Gidyoni nga avwanga ati, “Yawe ali nawe, we cita cikanzane!”

Masamu 44:9

Lelo kwene pali ndakai, awe cumi Leza watututazyela. Watuleka ukuti yatucimvya, watuta nu kupita pamwi ni vita vitu.

Masamu 44:2

Vino wazinzile imitundu yuze ya antu nu kulasika antu yako mu mpanga yao kwene. Wemo wavunukanga imitundu yuze ya antu, nu kuleka antu yako yasanduluke.

Ezaya 63:11

Alino lyene yasuka yamaiusya amanda yampiti. Vino cali lino Mose umuomvi wakwe Yawe waliko. Alino lyene yatandika ukuuzyanya aeneco yati, “Uzye pilelo aukwi kwaya Yawe wino wapuswisye intunguluzi zya antu yakwe muli Yemba? Aukwi ukwaya Yawe wino wapiile Mose amanda yakwe ampomvu?