Yakapingula 5:26 - Amazwi Yakwe Leza 2013

²⁶ Ikasa lyakwe limani ilitola ulupopo lwi taalu, ni kasa lyakwe ndilo ilitola inondo yakwe kasula wa vyela. Afwanta Sisela umutwe ni nondo, nu kupandola cipanga, atulula inzekete ku mbali zyoili.

Yakapingula 5:26 交叉參考

2 Samueli 20:22

Lyene umwanaci wilya aya ku antu yonsi amu musumba ulya nga ayanena umpandamano wakwe. Alino nayo iyaputula umutwe wakwe Syeba umwana wakwe Bikili nga iyausumbila apali Yoabu, ukucilusya ilinga. Alino Yoabu alizya intandala kuti ciye icimanyililo ku antu yakwe kuti yafuntuke ku musumba ulya, nga nayo iyaswilila kumwao. Yoabu nawe aswilila ku Yelusalemu ku mwene.

Yakapingula 4:21

Sisela watonsile sana cakuti akasula wakwe cimwi. Lyene Yaeli atoola inondo nu lupopo lwi taalu nga anyanya aya papela pano wali. Alino mu pipi ni kutwi lyakwe apano amupampamila ulupopo mpaka iluya lusimpa mu musili.

Yakapingula 5:25

Sisela alenga amanzi, lelo Yaeli wene amupeela iziya. Wene amuletela iziya lya lwambu lwa mafuta mu lweso lwa yasambazi.

Yakapingula 5:27

Sisela avopama pa makufi yakwe. Apona pansi alambalala cele pa ngazo zyakwe. Apa ngazo zyakwe avopama nga apona, apona pa musili, ala umufwe.