Yakapingula 5:19 - Amazwi Yakwe Leza 2013

¹⁹ Uku Taanaki, apipi na manzi aku Megido, akuno yamwene yizile iyalwa. Yamwene aku Kenani iyalwa kuku, Lelo yatasenzile nanti siluva nanti ivisampwe vimwi.

Yakapingula 5:19 交叉參考

Yakapingula 5:30

“Yene yakulondalonda ivintu ivyakupoka nu kwankanya, umukazyana wenga nanti yaili uwa kupeela kuli cila musilika. Ni vyakuzwala visuma ivyakupeela kuli Sisela, vyakuzwala visuma ivya masenkewele, ivyakupomba mu nsingo yakwe kacimvya.”

Yakapingula 1:27

Lelo Manase atazinzile aikazi amu mu musumba wa Beti Syani nanti amu Taanaki nanti amu Doli nanti amu Ibeleamu nanti amu Megido kumwi na amu mizi izingulwike, pasi pano aina Kenani yang'ang'anile ku mpanga ilya.

1 Yamwene 4:12

Baana umwana umonsi wakwe Ailudi wangalilanga ku Taanaki, ku Megido nga na konsi ku Beti Syani, pipi nu ku Zaletani ukwisika lyakwe Yezileele, ukutandikila ku Beti Syani mpaka ukufika ku Abeli Meolaa nga nu musumba wa Yokomeamu.

Umbwilo 19:19

Nupya ndola cilyanyi nga na yakateeka amu nsi. Yene pamwi ni vita vyao yakongana kuti yalwisye wino uwatakwela pa mfwalasi pamwi ni vita vyakwe.

Masamu 44:12

Watutukazya swe antu yako apa mutengo unono ukwaula umuzano nanti umwi.

Yakapingula 4:13

atuma akwama ivita vyakwe vyonsi kumwi na maceleta imyanda fundimbali a vyela. Alino ayatuma ukufuma ku Halosyeti Hagoyimu ukuya ku Luzi lwa Kisyoni.

Utandiko 14:22

Abulamu aasuka ati, “Nkulapa pa manso yakwe Yawe, Leza wapapelapela kaumba wa nsi ni yulu,

Utandiko 4:16

Lyene Kaini afuma ku manso yakwe Yawe aya aikala mu mpanga ya Nodi, ku ufumondaka wa calo ca Edeni.

Umbwilo 16:16

Alino mipasi ikonganika yakateeka pa ncende ino mu Ciyebulai yakati Alamagedoni.

2 Yamwene 23:29

Lino Yosiya wali apa wene, Falao Neko umwene waku Eguputo waile ni vita vyakwe uku nkondo, uku Luzi lwa Yufulate uku kuya azwilizya umwene waku Asilya. Umwene Yosiya alonda ukulesya ivita vyaku Eguputo apa Megido. Na lino yacili yakulwa, ali vino yakomile Yosiya.

2 Milandu 35:22

Lelo Yosiya wene akana ukufuma kweneko, atwalilila ni pange lyakwe ilyakumulwisya. Akana ukutezya vino Neko wamunenyile ivyamwi zina lyakwe Leza, lelo aya ku kumulwisya uku nyika ya Megido.

Yoswa 12:21

umwene waku Taanaki, umwene waku Megido,

Yoswa 17:11

Mukasi ka mpanga yakwe Isakali na Asyeli, Manase wakweti Beti Syani, Ibeleamu nga ni mizi yakweo, na aikazi amu Doli nu mu mizi yakweo, na amu Endoli nu mu mizi yakweo, na amu Taanaki nu mu mizi yakweo, na amu Megido nu mu mizi yakweo