Lino nene ndi wa umi, ivyalanda Yawe, wino izina lyakwe a Yawe Wamaka yonsi. Kuliza umwi wiyo akoline na Taboli umwamba uno watalimpisya pa myamba yuze, wiyo akoline nu mwamba wa Kalimeli, uwaya mu nkumba yakwe yemba.
Umupaka ulya iupetuka ku uwondaka iuya ku Azinoti Taboli nga iufuma kuku iuya ku Hukoki. Alino iufika ku Zebuluni lwaku kaeya, nu ku Asyeli lwaku uwondaka, nu ku mpanga itambalale mu mbali ya Luzi lwa Yodani lwaku ufumondaka.
Uwanda umwi Debola atuma akuya ama Balaki umwana wakwe Abinoamu ku musumba wa Kedesyi, umu mpanga ya Nafutali. Amunena ati, “Yawe Leza wa ina Izlaeli watakupeela ilamulo lii ati, ‘Tola aonsi amazimbi ikumi ukufuma mu mutundu wakwe Nafutali na wakwe Zebuluni nga uyatungulule ku Mwamba wa Taboli.
Pa nsita ili imwi kwene Hebeli umwina Kenite walanga wataimika itaalu lyakwe mu pipi nu ku Kedesyi mu pipi nu muti waku Zaananimu uno yakati muoko. Walanga wafuntuka ku ina Kenite yauze, amu mupanda wakwe Hobabu, mulamu wakwe Mose.
Umupaka uwo wafisile ku Taboli, nu ku Syaazuma nga na Beti Syemesyi, nga iupelela ku Luzi lwa Yodani. Yonsi pamwi yali imisumba ikumi na mutanda ni mizi yakweyo.
