Yakapingula 21:10 - Amazwi Yakwe Leza 2013

¹⁰ Acino iuvi lyatumile asilika amazimbi ikumi na yaili iyayanena ukuya ku Yabesyi Gileadi ku kukoma aikazi ya kweneko, aonsi, anaci nga na ana kwene.

Yakapingula 21:10 交叉參考

1 Samueli 11:7

Alino atoola yamasaye yalya yaili, ayaputola mu tumpilinsya mpilinsya, nga apeela tumpilinsya tutu ku ntumi zizi. Alino azituma monsi umu mpanga ya Izlaeli na mazwi ausoko akuti, “Vivyo ivili nu kucitika kuli yamasaye yakwe wiyo wensi umwina Izlaeli uwakana ukulondela Saulo na Samueli.” Fwandi vili vino lyene iciletela umuntu wensi intete izyakoopa Yawe, nga yonsi kwene iyakatuka pamwi nu mwenzo onga.

Yakapingula 21:5

Alino aina Izlaeli iyuzya yati, “Uzye mu mitundu yonsi ya ina Izlaeli aweni atizile mu kukongana pa manso yakwe Yawe?” Pano yalavile nu mulapo ukalamba ukuti wensi atalazanwa ku ukongano kuli Yawe ku Mizipa alinzile ku komwa.

Yakapingula 5:23

Umungeli wakwe Yawe avwanga ati, “Tipwilini Melozi. Tipwilini yao akaikala mwenemo, pamulandu wakuti yene yatizile ku kwazwa Yawe, kwiza wa asilika aku mulwisizya.”

1 Samueli 15:3

Acili cino fwandi wemo pita sile ukalwisye aina Amaleke nu kulovya ivintu vyao vyonsi. Cisi cakwezya kuti usyepo nanti umwi. Ukome aonsi na anaci kwene, nga na ana kumwi nu tunya kwene tuno yakulela, ni ng'ombe nga ni mfwele, ingamila na yapunda.’”

Yoswa 7:24

Alino Yoswa pamwi na ina Izlaeli yonsi iyasenda Akani umwana wakwe Zela, kumwi na siluva, ni koti, ni ciulungwa cakwe siluva, na ana yakwe aonsi na anaci, na yamasaye yakwe, na yapunda yakwe, ni mfwele zyakwe, ni taalu lyakwe, nga na vyonsi vino wali navyo, nga yayaleta ku Cifoloma ca Akoli.

Malango 13:15

lyene mukome antu yonsi kwene amu musumba uwo kumwi ni viteekwa vyao vyonsi. Monone nu musumba uwo muumalilile.

Mpendwa 31:17

Aleni ndakai komini ana aonsi yonsi, mukome nu mwanaci wensi wiyo uwala watala wamanyana nu monsi.

Yakapingula 21:8

Lyene iyuzya yati, “Uzye umutundu cii uwa ina Izlaeli uno utaile ku kukongana kuli Yawe ku Mizipa?” Yazanyile ukuti kutali umutundu umwi ukufuma ku Yabesyi Gileadi uwizile ku nkambi ku kukongana.

Yakapingula 21:9

Pano lino yapenzile antu, yaweni ukuti aina Yabesyi Gileadi yatali penepo.