Yakapingula 20:23 - Amazwi Yakwe Leza 2013

²³ Aina Izlaeli iyatumbela ku Betele, kuno yaile iyalosya pa manso yakwe Yawe ukufika na lino ilanzi lyawa, nga iyuzya Yawe yati, “Uzye nupya kwene tumaswilila ku kulwisya aina itu aina Benjamini?” Yawe aasuka ati, “Ee, yangini mukayalwisye.”

Yakapingula 20:23 交叉參考

Oseya 5:15

“Alino lyene ndaswilila ku cifulo cane, mpaka lino antu yane yalazumila ukuti yali nu mulandu, nu kutandika ukundondandonda. Mu ucuzi wao yalezya ukundonda ni myenzo yao yonsi kuti yanzane.”

Yoswa 7:6

Lyene Yoswa alepula insalu zyakwe nga afukama pansi afupime ku nkolelo ya Mbokosi ya Upangano yakwe Yawe, alali papa kwene mpaka nalino ilanzi lyawa. Intunguluzi zya ina Izlaeli nazyo izicita icili cimwi, nga iziisansa ulukungu pa mitwe.

Yakapingula 20:18

Aina Izlaeli pali pakuya ku Betele nu kuuzya Leza yati, “Uzye umutundu cii ulinzile kuya uwankolelo ukuzanza aina Benjamini?” Yawe nawe aasuka ati, “Umutundu wakwe Yuda ulinzile kutandikilapo ukuya kweneko.”

Yoswa 7:7

Lyene Yoswa akuta ati, “Uwi! We Yawe Simwandalali, uzye pacani cino walamvizye antu yako kuno mbalama ya Yodani kuti utupeele mu makasa ya ina Amoli pakuti yatonone? Si cange cizipe uleka twikale ku mbalama yuze iya Luzi lwa Yodani!

Yakapingula 20:22

Lelo aina Izlaeli iyakomelezyanya nga nupya kwene iyaya mu ncende zizi kwene zino yali mwenemo pa wanda wakutandika.

Yakapingula 20:24

Alino pa wanda wakwe ciili aina Izlaeli nupya iyakatuka iyaya ku kuzanza amu mutundu wakwe.

1 Samueli 11:4

Lino intumi zizi zyafika ku Gibeya, kuno Saulo wikalanga, nu kufisya amazwi ku antu, yonsi kwene iyatandika ukulila nu kupoma.

Yakapingula 1:1

Pacisila ca kufwa kwakwe Yoswa, aina Izlaeli yuzya Yawe yati, “Uzye umutundu cii pa mitundu itu umatandikilapo ukulwisya aina Kenani?”

Yakapingula 21:2

Alino antu yalya iyaya ku Betele, akuno iyalinda kasanya konsi pa manso yakwe Yawe mpaka na lino ilanzi lyawa, ala yakupunda nu kuilizyanya wakwe cimwi kuli Yawe yati,

1 Samueli 7:6

Acino yonsi kwene iyakongana ku Mizipa. Alino iyatapa amanzi nu kwitila wa wila uwapeelwa kuli Yawe. Lyene iyata nu kulya pa wanda ulya onsi. Iyavwanga iyati, “Twatitwifya kuli Yawe.” (Fwandi ku Mizipa kwene kuli kuno Samueli wapingwililanga aina Izlaeli.)

1 Samueli 10:3

“Alino nupya umaya ukafume papa mpaka usuke ukazane icimuti icikulu caku Taboli. Akuli kuno umaya ukakomenkanye aonsi yatatu yakuya ku Betele ku kupepa. Wenga pali yayo ale asenzile utwana twa mbuzi tutatu. Umuze nawe imikate itatu, nga na wakwe citatu ala asenzile inyambi yakwe waini.

2 Samueli 3:35

Uwanda uwa onsi antu yonsi yizanga kuli Davidi iyamupapata kuti alye icakulya. Lelo Davidi walavile nu mulapo ati, “Si Leza andye, ndi cakuti nemo nalya cimwi lino ilanzi litali liwe!”