Yakapingula 2:14 - Amazwi Yakwe Leza 2013

¹⁴ Nawe Yawe pasi pa kusokela aina Izlaeli nga ayapeela mu makasa ya azanzi nayo iyayasampa vyonsi vino yakweti. Wene wayisile mu maka ya anisi yao ukuzinguluka konsi, nga yatali na maka akuyacimvya nupya.

Yakapingula 2:14 交叉參考

2 Yamwene 17:20

Yawe wakantwile aina Izlaeli yonsi, wayakana, nga ayapanika nu kuyapela umu makasa ya anisi yao akakate, suka apakupelelekezya wayakoma sana, nu kuyatalusya uku cino cakwe.

Malango 32:30

Uzye pacani cino umuntu wenga sile wacimvizye antu izimbi, nga na antu yaili sile nayo yacimvizye antu amazimbi ikumi? Apamulandu wakuti Yawe, Leza wao, wayafutata. Leza wao uwamaka yonsi wayatazyela.

Yakapingula 10:7

Acino Yawe pali pakusokela aina Izlaeli, nga aleka kuti aina Filisti na ina Amoni yayacimvye.

Yakapingula 4:2

Acino Yawe alenga kuti Yabini, umwene umwina Kenani ayacimvye. Wene wali umwene uwamu musumba wa Hazoli. Na musika mukalamba uwa vita vyakwe wali a Sisela wino wikalanga ku Halosyeti Hagoyimu.

Aina Levi 26:37

Mulapumana mweisikulu lino pasi nanti umwi akumuzinganya. Nupya mutalaya na maka ya kulwisya anisi inu.

2 Milandu 36:16

Lelo yene yasulanga yakasema yayo nu kuyaseka. Lyene umukuya manda Yawe wasuka wasoka, icakuti lyene pasi pano yangafyukila.

Yelemiya 37:10

Nanti mungakomola ivita vya ina Babiloni, ivikumulilizya, suka kwasyala sile impondo zitupu tupu, zizyo kwene zingakatuka nupya nu kwiza oca umusumba uu.”

Ezaya 50:1

Yawe wavwanga wati, “Uzye kalata wakutaana wino natelilepo mayo winu ali kwi? Nanti uzye akuli weni uwankongwesizye, kuno nakazizye mwemwe? Awe, mwemo yamukazizye uku uzya pamulandu wa maifyo inu, nga nyoko nawe yamusenzile pamulandu wa nkota zinu.

Masamu 44:12

Watutukazya swe antu yako apa mutengo unono ukwaula umuzano nanti umwi.

2 Milandu 15:5

Umu manda yalya kutali umuntu nanti aumwi uwaipitilanga sile, pano imikosi yaponanga mpanga yonsi umu nsi zyonsi.

Yakapingula 1:34

Aina Amoli iyapusizya amu mutundu wakwe Dani mu mpanga ya myamba, ukwaula kuyapeela umweko wa kutentemukila mu manyika.

Yakapingula 1:19

Yawe wali na aina Yuda. Iyapoka impanga ya myamba, lelo iyaposiwa kuzinga antu ali mu manyika pamulandu wakuti antu yalya yakweti amaceleta.

Malango 28:58

“Ndi mulakana ukuyela ningo amasambilizyo yakwe Leza yano yalembwa mu lupapulo luu, nupya ndi mwakana ukucindika izina ilyalulumbi nupya ilyakoofya lyakwe Yawe Leza winu,

Malango 28:25

“Yawe alapeela amaka ku anisi inu akuti yamucimvye. Mulaezya kuyazanza ukutunkila pa ntunga yonga, lelo muluutuka ukufuma kunoyali mulungame ku ntunga zyonsi, cakuti antu yonsi pano nsi yalazakaza ku ntete lino yalalola icacitika kunomuli.

Malango 28:20

“Ndi cakuti mwacita iciipe mwasangukila Yawe, ale lyene alamuponyezya uzanzo, ni cimvulunganya, nga ni ntazi muli vyonsi vino mulacita, mpaka lyene muce mulowe pyu.

Mpendwa 32:14

Mwalola lyene mwe ntalanganyi mwe! Mwapyanikizya pali yaso. Mwalundapo na pa cipyu cakwe Yawe cino wakwatile aina Izlaeli lili.

Aina Levi 26:28

lyene mu ukali wane ndamwalukila nu kumuvunuka cuze maila cinimbali ukuluta kuvunuka kwankolelo.

Yakapingula 2:20

Caleka Yawe pasi pa kusokela aina Izlaeli nga avwanga ati, “Pamulandu wakuti uluko luu lwatilonona upangano wane uno napiile ilamulo ku vikolwe vyao kuti visunge, nga nayo yakana ukunguvwila,

Yakapingula 3:12

Aina Izlaeli nupya yiifya pa manso yakwe Yawe. Pamulandu wakwe cii, Yawe aleka Egiloni umwene waku Moabu aye na maka ukuluta aina Izlaeli.

2 Samueli 7:11

mu manda yalya yano nasonsile intunguluzi zyakuti zyatungulula antu yane aina Izlaeli. Ndayatuula ku anisi yao yonsi nu kukuzya uluko lwako. Anene ne Yawe nalanda kunuli ukuti ndacita vivyo.

2 Yamwene 13:3

Yawe nawe ali pakusokela aina Izlaeli icakuti aleka nu kuti Hazaeli umwene waku Asilya, pamwi na Beni Hadadi umwanakwe lyonsi yacimvya aina Izlaeli.

Neemiya 9:27

Fwandi nawe ali cino wayapile mu makasa ya anisi yao, nayo ali pakuyacuzya. Na lino yacuziwa cuze yapunzile ntulwe kunoli. Nawe ali pakuyuvwa ukwako kwiyulu, nga ku luse lwako ulukulu uyapeela akuyatuula, akuyakuulula ku anisi yao.

Aina Levi 26:17

Nkaamufutatila pakuti anisi inu yamucimvye. Nupya yano amupata yakaamuteeka. Muli nu kuya ni ntete cakuti mukaautuka nalino kusi umwi akumuzinganya.

Mpendwa 32:13

Yawe wasokile aina Izlaeli nga aleka yalulumba mu lwanga pa myaka amakumi yani, mpaka inkulo yonsi ino itamuzanzizye ifwa.

Yoswa 23:16

Ndi cakuti mwakana ukusunga upangano uno Yawe Leza winu wamupile ilamulo kuti mwasunga, ndi mwaca mwapita nu kutumikila nu kupepa tuleza tuze, ale lyene ukali wakwe Yawe ulamufulumila. Nupya mulalowa zuwa mu mpanga isuma ino Yawe watamupeela.”

2 Samueli 24:1

Yawe asokela aina Izlaeli nupya kwene, nga alenga kuti Davidi alete intazi panoyali. Yawe amunena ati, “Pitanga ukapende aina Izlaeli na ina Yuda.”

2 Milandu 28:5

Caleka Yawe Leza wakwe amupeela mu makasa ya mwene waku Alamu. Lyene aina Alamu iyamucimvya nga yasenda na antu yakwe avule uku Damasiko wa anyepwe. Wene wapilwe nu mu makasa kwene ya mwene waku Izlaeli, wiyo uwamucimvizye wakwe cimwi apakukoma antu nyanya akwakwe.

Masamu 44:11

Watuleka lyene yatukomola wa mfwele, lyene twatitusalanganila nu mu mpanga zyuze.

Ezaya 42:24

Uzye aweni uwapile Yakobo umu makasa ya vipondo? Uzye aweni uwapile aina Izlaeli mu makasa ya ivi? Uzye asi Yawe uwacisile vivyo, wiyo wino twifizyeko? Twakanyile ukulondela inzila zyakwe, nu kusunga amasunde yakwe.