Yakapingula 2:10 - Amazwi Yakwe Leza 2013

¹⁰ Lino antu amu mukulo ulya yafwa yonsi, inkulo iyalondelile penepo yilile Yawe na vyonsi vino Yawe wacitile aina Izlaeli.

Yakapingula 2:10 交叉參考

1 Samueli 2:12

Ana aonsi yakwe Eli yali antu yaukakasi. Yene yatacindike Yawe.

Kufuma 5:2

Lelo Falao auzya ati, “Uzye Yawe aweni wakuti ninguvwa kunoli kuti inte aina Izlaeli yapite? Nemo ntamumanyile Yawe wiyo, nupya nkukunena vino ntalata aina Izlaeli yapite.”

Tito 1:16

Yene yakati yamanya Leza, lelo vicitwa vyao vikayasinila ukuti mu cumi yatamumanya. Yene yaya nu lupato nupya yasyayela Leza. Yene yasi antu ampomvu angacita cisuma cili consi.

Milimo 13:36

Pano Davidi wacisile kulonda kwakwe Leza mu manda amu mukulo wakwe, nga lino wafwile yamuzisile pamwi ni vikolwe vyakwe, nu mwili wakwe waozile.

Yelemiya 31:34

Alino kutalaya nu kusundana foo. Umwi atalanena umuze nanti umwina ukuti amanye Leza, pano yalamumanya yonsi pyu ukutandikila ku mucepesye ukufika nu ku asambazi kwene. Pasi pano ndayayela uluse ku maifyo yao. Ntalatala nupya niusye amaifyo yao.” Ivyalanda Yawe.

Ezaya 5:12

Musitala imusumba na mano ku kucita ivikalonda Yawe. Lelo mukasumba amano ku viila nu kulizya ivyakulizyalizya.

1 Milandu 28:9

“Acino we mwanane Solomoni, wauvwila Yawe Leza wa vikolwe vyako, nu kumutumikila nu mwenzo wako onsi, umu kuitemelwa. Pasi pano Yawe akaceceta umwenzo wa muntu ali wensi, nu kumanya ilango ni vilondwa vitu vyonsi. Ndi cakuti wamulondalonda, ulamuzana. Lelo ndi wamufutatila, nawe kwene alakutazyela umuyayaya.

2 Samueli 7:12

Ndi cakuti wafwa, yakuzika ukwalala ivikolwe vyako, indasonta umwana wako wenga pali yano waivyalila nu kumucita umwene. Nu wene wakwe ndaukomya sana.

2 Tesalonika 1:8

mu cimbilimbili ca moto, kwiza vunuka yao akakana Leza nupya asyataila Ilandwe Lisuma lya Mwene witu Yesu.

Yelemiya 22:16

Wene waputwilanga apina imilandu kumwi na aulilwa, acino wali nu longo muli vyonsi. Uzye vivyo asi ali kumanya nene? Ivyalanda Yawe.

Yelemiya 9:3

Lyonsi sile yene yatemwa ukusomba vyaufi. Yene intumpu azino zyateeka insi. Yawe wavwanga wati, “Antu yane yakomela sile ukucita ivintu viipe, nupya yakana nu kumanya.

Yobo 21:14

“Antu aipe yene ali yano yakanena Leza yati, ‘Swemo ule utute swenga! Tutakasi kuti watupingula nanti ukutunena ivyakucita.

Malango 31:16

Yawe anena Mose ati, “Wasya ufwe nupya ndi wafwa antu yaa yalansangukila nu kutandika ukupepa tuleza twamu mpanga ino yasya yingile mwenemo.

Mpendwa 27:13

Amala sile wailola, alino umafwa, wakwe vino munyonko Aaloni wafwile,

Utandiko 49:33

Lino Yakobo wamalila kutungulula ana yakwe aonsi mu mazwi, alala pa musanzi wakwe, nga afwa.

Utandiko 25:8

Lyene Abulaamu afwa pa musinku wa kukota cuze, umukombe uwa myaka ivule. Nga yamuzika ukwaizi ivikolwe vyakwe.

Utandiko 15:15

Lelo wemo ulikala mutende kufika lino ulakota cuze, lino ulafwa nu kuzikwa pacisila cakwikala imyaka ingi.

Utandiko 25:17

Isumeli wakweti imyaka umwanda onga na makumi yatatu na cinimbali lino wafwile, nga yamuzika ukwaizi ivikolwe vyakwe.

Kufuma 1:6

Mu kupita kwa nsita Yosefu na ina yakwe nga na asyala yonsi amu mukulo ulya iyafwa.

Kufuma 1:8

Lyene umwene muze wino atamanyile nanti cimwi pali Yosefu, apyana atandika kuteeka mu Eguputo.

Yoswa 24:31

Aina Izlaeli yatumikilanga Yawe mu nsita yonsi lino Yoswa na ikolo amukulilile yali nu umi. Aikolo kwene yaya yamanyile imilimo yonsi ino Yawe wacitile aina Izlaeli.

Yelemiya 9:2

Lelo kwene ningatemwisya ukuzanako incende imwi umu lwanga, ukwakuti ningaya apakuti mfuntuke ku antu yane, Pano yonsi sile yatalama, nupya yene iuvi lyakwe yacisanguka.

Yelemiya 9:5

Yonsi yakatumpwilana sile na auze. Kutaya nanti wenga akalanda vyampomvu, lelo yaelezya sile kulanda vyantumpu. Yene yaipisya cakuti cayaposya nu kuzenzuka.

Luka 20:32

Pacisila umwanaci nawe kwene afwa.