Yakapingula 2:1 - Amazwi Yakwe Leza 2013

¹ Umungeli wakwe Yawe afuma ku Giligali aya ku Bokimu nga avwanga ati, “Namufumizye mu Eguputo nu kumutungulula ku mpanga ino nalavile kupeela ku vikolwe vinu. Mvwanzile inti, ‘Intalatala mfutatile upangano wane uno napangine namwe.

Yakapingula 2:1 交叉參考

Aina Levi 26:42

ndafikilizya cipangano cane cino nacisile kuli Yakobo, Isaki, na Abulaamu. Nupya ntalilila vino nalavile ukupeela impanga kunomuli.

Kufuma 20:2

“Nene indi Yawe Leza winu, wino walenzile kuti mufume mu mpanga ya Eguputo, kuko kuno mwali azya.

Kufuma 23:20

“Natinatuma mungeli wane inkolelo inu, pakuti amucingilile umu nzila nu kulenga kuti mufike ku cifulo cino namuteyanyizizya.

Utandiko 12:7

Lyene Yawe aloleka kuli Abulamu amunena ati, “Ii ili mpanga ino ndapeela ku amu mupanda wako.” Caleka Abulamu akuulako na kavuwa papa kwene kakwe Yawe, uwalolike kunoli.

Zakaliya 11:10

Apali pakutoola intuwa yane, Cikuku, naikontola paili pakonona upangano uno napangana na antu ya mitundu yonsi.

Yelemiya 14:21

Si ungala wiusye vino watulaya, utatusuula foo. Utazewanya umusumba wa Yelusalemu, umwaya icilimba cako ca wene calulumbi. Utonona upangano wako uno wapangana naswe.

Ezaya 63:9

uku macuzi yao yonsi. Kusi inkombe imwi nanti umungeli ali wensi, uwatayapususya kweneko foo. Suka sile Yawe wenga ali wino wayapuswisye. Ukufuma nu ku mpiti ali wino wayapususyanga nu kuyasunga lyonsi.

Masamu 89:34

Nemo ntalatala nonone upangano wane nawe, nanti ukusenuka muli vino ndavwanga.

Yakapingula 13:3

Umungeli wakwe Yawe aloleka kunoli nga amunena ati, “Wewe ng'umba utakwata umwana, nga lelo ulasenda indilwa nu kuvyala umwana.

Yakapingula 2:5

nga iyatemela incende ilya yati pa Bokimu Kuku kwene akuno yapeela impolelwa kuli Yawe.

Yoswa 3:10

Lino mulaya pankolelo, wene atalaposiwa ukumuzingila aina Kenani, aina Hiti, na ina Hivi, na ina Pelizi, na ina Giligasi, na ina Amoli nga na ina Yebusi. Vii avino mulamanya ukuti Leza wa umi ali pakasi kinu

Malango 7:9

Mwaiusya ukuti Yawe Leza winu aliwe ali Leza wenga sile nga nu kuti wene uwakutailwa. Wene alawaka upangano wakwe nu kulanga ukutemwa kwakwe ukwa pe ku antu amu mikulo izimbi yano yamutemwa nupya yakayela amalamulo yakwe.

Malango 4:34

Uzye kwatala kwaya kaleza kamwi kano katala kezya ukufumya antu mu luko luze nu kuyacita antu yakako kololo, wakwe vino Yawe Leza winu wacitile mwemwe ku mpanga ya Eguputo? Mwailolile na manso inu ntontonto vino wene waomvizye amaka yakwe akulu nu ulamba. Wene waponyizye impungo ni nkondo, wacisile ivinjelengwe ni vizungusyo, nu kuleka kuti ivintu ivyakoofya vicitike.

Mpendwa 14:34

Mulacula pamulandu wi iifyo linu amanda amakumi yani, nu wanda onga mu manda yalya yano mwaile mwendezya impanga, ukwimilila umwaka onga. Ali pakuti mukacilole, mukasambilile vino kuvunukwa na Yawe kwaya!

Aina Levi 26:44

Lelo nanti cingaya vivyo, lino antu yalya yacili mu mpanga zya anisi yao ntalayatazyela nanti kuyonona yonsi nu kutama cipangano cane cino nacisile kunoyali. Pano Nene indi Yawe Leza wao.

Kufuma 33:14

Lyene Yawe avwanga ati, “Nene nemwisikulu namapita nawe, nupya nkalenga kuti uye nu mutende.”

Kufuma 14:19

Lyene mungeli wakwe Leza, wino wali ku nkolelo ya vita vya ina Izlaeli afumako aiza kucisila cao, ni kumbi kwene lifuma ku nkolelo liiza ku cisila cao.

Kufuma 14:14

Yawe aliwe amamulwila ulwi. Mwemo mwikale sile myaa.”

Utandiko 48:16

Si mungeli wino uwampuswisye mu mauzanzo onsi apolelele alumendo yaa! Si zina lyane ni zina lya vikolwe vyane Abulaamu na Isaki likalilile pa alumendo yaa! Si yavyale ana avule na kuti amu mupanda wao yaye avule!”

Utandiko 16:13

Haga aelenganya ati, “Uzye umucumi natindola Leza wino akandola?” Caleka atemela Yawe, wino wavwanzile kunoli ati, “Wewe Leza akalola.”

Malaki 3:1

Yawe Wamaka yonsi wavwanga wati, “Lolini ndatuma inkombe yane, ino ilanteyanyizizya umwakupita. Lyene mu nsita ino mutenekile umwene wino mukalonda aliza ku Ng'anda yakwe ikulu. Inkombe ya upangano, ino mwalukisya ukulola, iliiza nu kukosola upangano wane.”

Yakapingula 6:8

Nga Yawe ayatumila kasema uwayanenyile ati, “Yawe, Leza wa ina Izlaeli, watavwanga ati, Nene namufumizye mu Eguputo mu uzya.

Yakapingula 13:2

Pa nsita ilya kwaliko umuntu umwi uwaku Zola, uwi zina lyakwe Manoa, uwamu mutundu wakwe Dani. Umuci wakwe wali ing'umba. Wene atakweti umwana.

Malango 1:8

Impanga ii yonsi aino ne Yawe nalavile ukupeela kuli Abulaamu, Isaki, Yakobo, nga nu ku vikolwe vinu. Yangini mukapokolole impanga ilya mukikalemo.’ ”

Yakapingula 11:24

Uzye citange cikuzipile ukutoola cino Kemosyi leza wako wakupeela? Naswe kwene consi cino Yawe Leza witu watupela, cico kwene acino tumatola.

Masamu 89:3

Wemo wavwanzile uti, “Napangana upangano nu musololwe wane, nalapa uku muomvi wane Davidi inti,