Yakapingula 19:23 - Amazwi Yakwe Leza 2013

²³ Umwine wa ng'anda afuma panzi nga ayanena ati, “Awe mukwai, mwe yacuza mutaezya ukucita icintu icawinyi wakwe cico. Pasi pano umuntu wii umwenyi wane. Namupapata mutaezya icintu ci icamuzewanya.

Yakapingula 19:23 交叉參考

2 Samueli 13:12

Tamala nawe akana ati, “Awe nakana, utezya umpatikizye kuti tucite icintu icamuzewanya ndi cico, icisicitika mu Izlaeli! Cene cikaleta umuzewanya!

Yakapingula 20:6

Nane ali vino natoozile umuci wane namuze, imuputola mu vipimfya nga intuma cila cipimfya ku mutundu pa mitundu yonsi iya ina Izlaeli, pamulandu wakuti yene yacita icintu cii icawinyi nupya icamuzewanya mu mpanga ya ina Izlaeli.

Utandiko 34:7

Nkumankuma ana yakwe Yakobo aonsi yawela ukufuma mu mpanga. Lino yuvwile ivyacitikile kaci wao ciyapezya amano yavulungana nu ukali pali cino Syekemu watacita ku mwana wakwe Yakobo ica muzewanya mu Izlaeli.

Yoswa 7:15

Alino umuntu wino alazanwa ni vintu vino vyapeelwa ku kononwa, wene uwakoca pamwi na amu ng'anda yakwe yonsi nga na vyonsi vino wakwata. Pasi pano wene asi uwacumi ku upangano wakwe Yawe nupya watacita icamuzewanya mu Izlaeli.”

Malango 22:21

lyene yalinzile kumuleta ku mulyango wa ng'anda yakwe isi, kuno aonsi amu musumba uwo yalinzile kumutama na mawe mpaka afwe. Wene watacita icansonyi mu Izlaeli apakucita uzelele lino acili mu ng'anda yakwe isi, ala atacili atwalwe. Mu musango uu amuno mulasisya inkota pakasi kinu.

Utandiko 19:8

Lolini, nkweti ana yakaci yaili atatala yamanya umonsi. Lekini ayano imuletele mucite cino mukulonda. Mutacita cimwi na antu yaa pano aenyi pa ng'anda yane, ndinzile njacingilile.”