Yakapingula 18:23 - Amazwi Yakwe Leza 2013

²³ Lino aonsi yalya yapunda pacisila, amu mutundu wakwe Dani nayo iyasenukila kunoyali nga iyuzya Mika yati, “Uzye icani icakusakamika pakuti ukonganike antu yako ku kulwa?”

Yakapingula 18:23 交叉參考

Ezaya 22:1

Amazwi asowilwe pamulandu ni Cifoloma ca Cilolwa: Uzye icacitika icani pakuti mwensi kwene mukwele apa mapaala ya mang'anda inu?

Masamu 114:5

Icani fwandi cino we yemba wutukile? Nawe we luzi Yodani, icani cino wimilile uta nu kupita?

2 Yamwene 6:28

Alino umwene amuuzya nupya ati, “Uzye icani cino cakucuzya sana?” Umwanaci wiya nawe aasuka ati, “Mukwai uwanda ulya unji, umwanaci wii wanenyile ati, ‘Koma umwanako kuti tumulye ilelo, nga mutondo tulakoma umwanane kuti tumulye.’

2 Samueli 14:5

Umwene nawe amuuzya ati, “Nkwazwe cani?” Nawe amunena ati, “Musambazi, nene mukamfwilwa. Uwane wafwa.

1 Samueli 11:5

Pa nsita kwene ilya walanga Saulo akufuma ku vyalo ala atakolezya yamasaye yakwe, nga auzya ati, “Uzye icani icikucitika ku antu? Uzye pacani cino yakulila nu kupoma?” Nayo fwandi pali pakumunena amazwi ali yamwi kwene, yano aina Yabesyi yali yalanda.

Utandiko 21:17

Leza auvwa umwana kuno akulila, nga mungeli wakwe Leza avwanga kuli Haga ukufuma kwiyulu ati, “Icani icakucuzya, we Haga? Utuvwa intete! Leza watauvwa kulila kwa mwana.

Yakapingula 18:22

Lino yapita akatalamukila sile ukufuma ku ng'anda yakwe Mika, Mika apunda ainipamba yakwe aonsi nga iyalondelela iyasuka iyazana amu mutundu wakwe Dani.

Yakapingula 18:24

Nawe aasuka ati, “Mwatimunsendela tuleza twane tuno naipangila nemwisikulu nupya mwatimunsendela simapepo wane, imupita. Lyene nemo insile minwe. Uzye lyene munganguzya uli muti, ‘Uzye icani icakusakamika?’ ”