Yakapingula 18:14 - Amazwi Yakwe Leza 2013

¹⁴ Lyene aonsi yalya yasano yano yaile iyendezya impanga ya Laisyi iyanena aina yao yati, “Uzye mwamanya ukuti umu ng'anda imwi pa ng'anda zii mwaya cakuzwala ca efodi, akaluwi akawaze kano yengelelako siluva? Nupya mwaya utuluwi tuze. Lyene elenganyini vino tulinzile ukucita.”

Yakapingula 18:14 交叉參考

Yakapingula 17:5

Lyene umuntu wi Mika wakweti icifulo cakwe icakupepelapo, nga wapanzile ni cakuzwala ca efodi nu tuluwi nga aika umwana wakwe umwi pali usimapepo.

Mapinda 19:27

Mwanane, lino ulata sile ukuvwa uku masunde ya mano, lyene ale utalalengela ukusuula navino wamanya mpiti.

1 Samueli 14:28

Lyene icita cimwi umu asilika cimunena citi, “So Saulo watatupeela ilamulo nu mulapo, ati, ‘Citipu ciye pa muntu ali wensi wino amalya icakulya ilelo!’ Nupya uli mulandu uno antu yaa yali ni nzala iyakulya umuntu.”

Yakapingula 8:27

Zaabu kwene wiyo awino Gidyoni wapangileko efodi, nga amuika mu musumba wa Ofula, umusumba wakwe. Aina Izlaeli yonsi iyafutatila Yawe iyatandika ukuya kuku ku kupepa akaluwi kaka. Icintu cii lyene iciya iciteyo kuli Gidyoni na amu ng'anda yakwe.

Yakapingula 18:13

Lino yafuma kuku iyaya ku mpanga yakwe Efulemu, ya myamba nga yiiza ku ng'anda yakwe Mika.

Yakapingula 18:15

Acino iyakatuka iyaya ku ng'anda yakwe Mika, kuno umulumendo wilya umwina Levi wikalanga, nga iyamulamuka.

1 Samueli 19:13

Alino Mikala atoola iciluwi nga acilalika pa musanzi, aika nu musamilo ku mutwe uwapangilwa na mavumbu ya mbuzi, nga acivimba ni nsalu.

Oseya 3:4

Kuli kuti aina Izlaeli yalikala amanda avule ukwaula kukwata umwene nanti intunguluzi, ukwaula kupeela impolelwa nanti kukwata incende zyakupepelamo, ukwaula utuluwi nanti amaunkolanya akuomvya umu kusapola.

Yobo 3:2

Avwanga ati,