Yakapingula 17:2 - Amazwi Yakwe Leza 2013

² Anena nyina ati, “Uzye ukwiusya ulupiya lwakwe siluva luno yakwivile nupya ulwali ukulingana ni myanda ikumi na onga, nga navino nuvwile kuno ukutipwila umwivi? Impiya zizyo anene ndi nazyo. Nene natoozile.” Lyene nyina amunena ati, “Si Yawe akupolelele, mwanane!”

Yakapingula 17:2 交叉參考

Neemiya 13:25

Lyene mpazyanya nayo nu kuyatiipa nga numa yamwi nu kuyanyunkula inyele. Nga njanena kuti yacite umulapo mwi zina lyakwe Leza inti, “Mutakezye ukutwalizya ana inu anaci ku onsi ainamasi, nga ana inu aonsi kumwi namwe kwene mutakezye kutwala anaci ainamasi.

Luti 3:10

Boazi nawe amunena ati, “Si Yawe angakupolelela, mwanane. Icumi walanga apaswe ndi vino wewe wakutailwa pali vino wacita ukuluta pali vino wacisile inkolelo. Pano wemo utalondelelanga alumendo, cisi cimwi yaye akama nanti apina.

2 Yoane 1:11

Pano umuntu ali wensi akumulamuka ala nawe kwene wakumako ku viipe vino akacita.

1 Kolinto 16:22

Muntu umwi ndi asyatemwa Mwene, Atipwe! Malanata! Mwene witu, iza!

Loma 9:3

Pano ningatemwa kuti intipwilwe pamulandu wao, mpaatulwe na kuli Klistu.

Mateo 26:74

Alino Petulo alapa avwanga ati, “Ntamanyile umuntu wino mukulandapo! Ndi nkutumpoka, Leza andye.” Lilyo kwene mukolwe alamula.

Yelemiya 48:10

Watipwa umuntu wiyo wino akaomba umulimo wakwe Yawe ukasu ukasu! Watipwa umuntu wino akalesya ulupanga lwakwe ukuzwisya uwazi!

Mapinda 28:24

Umuntu akaiya ivyakwe isi nanti nyina, avwanga ukuti asi iifyo, wiyo kwene ali muze wa cipondo.

Masamu 10:3

Umwipe akuituumika apa lunkumbwa lwakwe, Umupunuke akutuka nu kuzewanya Yawe.

1 Samueli 26:19

Fwandi lyene musambazi uvwa ku muomvi wako. Ndi cakuti Yawe uwakunena kuti wandwisya, ale lyene cizipe apokelele impolelwa iya kumuzanzya. Lelo ndi cakuti antu ayano yakukutunka, lyene icitipu cakwe Yawe ciyaponele! Pano yene yatiyanzinga umu mpanga yakwe Yawe nu kuntwala ku mpanga ya inamasi muno ningapepa sile tuleza tuze.

1 Samueli 23:21

Saulo nawe aasuka ati, “Si angala Yawe amupolelele pa kuya nu luse wakwe cimwi kunondi!

1 Samueli 15:13

Lelo Samueli avwanga ati, “Si angala Yawe akupolelele! Nemo natimfikilizya ukulingana na malamulo yakwe Yawe.”

1 Samueli 14:28

Lyene icita cimwi umu asilika cimunena citi, “So Saulo watatupeela ilamulo nu mulapo, ati, ‘Citipu ciye pa muntu ali wensi wino amalya icakulya ilelo!’ Nupya uli mulandu uno antu yaa yali ni nzala iyakulya umuntu.”

1 Samueli 14:24

Lyene aina Izlaeli iyaongoka ku nzala pa wanda ulya, pamulandu wakuti Saulo wayapile ilamulo nu mulapo ku vita, ati, “Citipu ciye pa muntu ali wensi uwalya icakulya lino ilanzi litali liwe, nupya lino ntali incite icilanduzi pa anisi yane!” Icaleka kusi umuntu nanti wenga uwalile icakulya pa wanda ulya.

Yakapingula 5:23

Umungeli wakwe Yawe avwanga ati, “Tipwilini Melozi. Tipwilini yao akaikala mwenemo, pamulandu wakuti yene yatizile ku kwazwa Yawe, kwiza wa asilika aku mulwisizya.”

Malango 27:16

“ ‘Katipwe kuli Leza wiyo wensi uwasuula isi nanti nyina.’ “Lyene antu yonsi yalande yati, ‘Ee mukwai! Kaciye vivyo kwene!’

Kufuma 20:7

“Utalumbula izina lyakwe Yawe Leza wako mu mwata wipe. Pano Nene, ne Yawe Leza wako, ndavunuka ali wensi akalumbula izina lyane mu mwata wipe.

Utandiko 14:19

Alino apolelela Abulamu, avwanga ati, “Leza wapapelapela uwaumvile insi ni yulu, apolelele Abulamu!

Yakapingula 17:1

Mu manda yalya kwaliko umuntu wino yatemile izina yati a Mika, uwafumile ku mpanga yakwe Efulemu, impanga ya myamba.

Yakapingula 17:3

Alino nawe awezezya nyina ulupiya lulu, nga nyina avwanga ati, “Napaatwila Yawe siluva wane pakuti ulutipu lutaponela umwana wane umonsi kuti awaze akaluwi nu kukapomela na siluva. Acino ndakai namakuwezezya impiya zii zyakwe siluva.”