Yakapingula 16:30 - Amazwi Yakwe Leza 2013

³⁰ nga avwanga ati, “Kamfwile pamwi na ina Filisti!” Lyene azitensya na maka yakwe yonsi nga ing'anda ilya ikulu pali pakuponela intunguluzi zizi na antu yonsi ali mwenemo. Avino Samusoni wakomile antu avule pa mfwa yakwe ukuluta yano wakomile lino wali umumi.

Yakapingula 16:30 交叉參考

Filipi 2:8

Wene waicefizye nu kuyela Leza kufika nu ku kufwa kwakwe ukwa pa lupanda.

Mateo 16:25

Pano wino wensi akalonda kutuula umi wakwe, wene alauponzya. Lelo wino wensi amaponzya umi wakwe pamulandu wane, wene alauzana.

1 Tesalonika 5:2

Mweisikulu mwamanya ningo ukuti Wanda lino Mwene aliza ulaya kwati kwiza kwa mwivi usiku.

Kolose 2:15

Pa lupanda apano Klistu wacimvizye mipasi yankota na maka onsi. Wene walenzile kuti yonsi yalole vino wazevizye ucimvyo nu kuleka kuti yene yaye wa azya kunoli.

Filipi 2:30

pano wene nga waponzizye umi wakwe, nupya wali pipi nu kufwa pamulandu wa mulimo wakwe Klistu, kuti ampeele wazwilizyo uno mwemo mwaposiwe ku mpela.

Filipi 2:17

Utailo winu mu Mwene nga nu kuomba kwinu vikoline wa mpolelwa iyapeelwa kunoli. Nu wazi wane ungapongolwelwa pa kupeela impolelwa. Cii ndi cacitika, ndazanga nu kusansamuka pamwi namwe.

Milimo 21:13

Lelo Paulo avwanga ati, “Mukucita cani, ukulila nu kuntezula mwenzo? Ala kusi kunyepwa kutupu kuno naipela, lelo nu kufwa kwene mu Yelusalemu pamulandu wi zina lya Mwene Yesu.”

Milimo 20:24

Lelo ntasakamile pa umi wane, pano nkulonda sile kuti imale umulimo uno Mwene Yesu wampile ukucita, uwa kukosola Ilandwe Lisuma lya pamulandu wa cikuku cakwe Leza.

Kasambilizya 9:12

Umuntu atange amanye lino insita yakwe iliza. Cili wakwe vino ivyunyi vikaiukila ivilemya mu lukose, wa nswi ikaiukila yatilemya mwi sumbo. Avino naswe kwene tukaponelwa na masyamo pa nsita ino tutenekile.

Masamu 62:3

Uzye mwemwe mwensi, cingamusumbila insita uli, apa kuzanza umuntu nu kumucisa? Uzye kwene mwensi mungafwanta pansi, wiyo ayendime wa mulungu umokoke, nanti ali wi linga iliongoloke?

Yobo 31:3

Uzye fwandi uononesi wene usiponela antu aukakasi, nga nu uzanzo nao uponela yakaifya?

Yobo 20:5

isyuko lya muntu umwipe lisitala ilitantalila, ni nsansa zyakwe cisangoka zikalengela sile akasita kanono?

Utandiko 3:15

Nika uwanisi pakasi kako nu mwanaci, pakasi ka mwana wako nu mwana wakwe. Alakufwamfwanta ku mutwe, nga nawe ulamuluma ku cintunta.”

Yakapingula 15:15

Lyene Samusoni kuno ati, alola uluzekete lwakwe punda uwacifwile, nga alusola nu kukomelako antu izimbi lyonga.

Yakapingula 15:8

Alino ayazanza icikalale, akoma aingi wakwe cimwi. Lyene atentemuka aya aikala mwi cele mwi we lyaku Etamu.

Yakapingula 14:19

Lyene mukupumikizya umupasi wakwe Yawe wikila na maka panoli. Alino atentemukila ku Asyikeloni, akuno aya akoma antu amakumi yatatu,

Yakapingula 16:29

Alino Samusoni alema incesi ziili zizi izyatungilile Ng'anda ikulu ilya, ikasa lilunji kuli longa ni limani kuli luze, azipunganya

Yakapingula 16:31

Aina yakwe aonsi pamwi na akazi kakwe isi yonsi iyatentemuka, iyamusenda iyatumbela nga iyaya iyamuzika mwi cele lyakwe isi Manoa pakasi kakwe Zola na Esyitaoli. Samusoni watungulwile aina Izlaeli pa myaka amakumi yaili.