Yakapingula 15:19 - Amazwi Yakwe Leza 2013

¹⁹ Lyene Yawe atulula pa cifoloma camu Leii nga amanzi iyafuma. Samusoni amwa amanzi nga nupya auvwa amaka nu mwenzo iuwela. Caleka kafukoka kaka yakatemile izina yati a Eni Hakole, nga na pilelo kwene kacili ku Leii.

Yakapingula 15:19 交叉參考

Ezaya 44:3

Pano ndapongolwela amanzi mu mpanga iyume ndi, ndaletamo inguzi umu lwanga. Ana inu nemo ndayapongolwela Umupasi wane, nupya ndapolelela na amu mupanda winu.

Utandiko 45:27

Lelo lino yamulondolwela amazwi yonsi yano Yosefu wavwanzile, nga alola na maceleta yano Yosefu watumile akumusendelamo ku Eguputo, alino amano yawela, ataila.

Masamu 34:6

Umupina ndi akulila Yawe akamuvwa, nupya akamupususya nu ku macuzi yakwe yonsi.

Ezaya 40:29

Leza wene aliwe akakomelezya yano yacepelwa amaka, na yano yatonta kwene.

Ezaya 40:26

Tumpulini amanso mucelecensye! Aweni wino wapanzile intanda zino mukulola? Ala awiyo wino wazitantamike imilongo, ungati iumpa lya vita. Ali wino wazimanya zyonsi, pano zyapela nu kuzyama akazyama amazina pano zyapela. Wakwatisya amaka icakuti pataya nanti longa luno lusyamuyela.

Masamu 120:1

Nalaizya kuli Yawe umu malanda yane, nawe wangasuka.

1 Samueli 30:12

Iyamupeela ni mikoto ya mikunyu, ni ving'ango viili ivya matingi ayume. Nawe alya nga aya na maka, pano atatazile alye akantu nanti kamwi nanti ukumwa amanzi pa manda makulu yatatu apisile icisila, usiku nu musanya.

Kufuma 17:15

Lyene Mose akuula kavuwa nu kukatemela izina ati, “Yawe ali luunga lwane.”

Utandiko 30:30

Pa vinono vino wakweti lino ntali nize vyativivulilako cuze, na Yawe watakupolelela pamulandu wa usunzi wane. Lyene insita yatifika yakuti nani nkailolela nemwisikulu.”

Utandiko 28:19

Atemela cifulo cici izina ati Betele. (Lelo umusumba ulya mpiti wamwangwa ukuti Luzi.)

Utandiko 16:13

Haga aelenganya ati, “Uzye umucumi natindola Leza wino akandola?” Caleka atemela Yawe, wino wavwanzile kunoli ati, “Wewe Leza akalola.”

Mpendwa 20:11

Alino Mose azunzula ikasa lyakwe, auma na pa ciliwe ni ntuwa amaila yaili. Awe amanzi iyatandika nu kufuma nyanya sile. Ni iuvi lyonsi ilimwa kumwi ni viteekwa vyao.

Yakapingula 15:9

Aina Filisti iyatumbela iyaya yakuula insakwe mu mpanga yakwe Yuda, nga yazanza umusumba wa Leii.

Masamu 50:15

Mwemo mwandaizya sile ndi mwazanzwa na malanda. Nemo namamutasyanga, namwe mumandumbanyanga.

Masamu 110:7

Umwene alamwa muluzi lwa mukuku, umu mbali ya nzila, ali cino alacimvizya.