Yakapingula 15:11 - Amazwi Yakwe Leza 2013

¹¹ Acino antu amazimbi yatatu afumile ku mpanga yakwe Yuda iyatentemukila kwi cele lyaku Etamu nga iyaya iyanena Samusoni yati, “Uzye utamanya ukuti aina Filisti yakatuteeka? Fwandi icintu camusango ci cino watucitila?” Samusoni nawe aasuka ati, “Nemo nayacitile sile vino yancitile.”

Yakapingula 15:11 交叉參考

Yakapingula 14:4

Nga lelo akwasi yakwe yatamanyile ukuti icintu cico cikufuma kuli Yawe, pano umuli muno Yawe walondanga umwakusonkela aina Filisti. Pasi pano pa nsita ilya aina Filisti yateekanga aina Izlaeli.

Yakapingula 13:1

Nupya kwene aina Izlaeli iyiifya pa manso yakwe Yawe. Caleka Yawe ayapeela mu makasa ya ina Filisti pa myaka amakumi yani.

Malango 28:13

Yawe Leza winu alamucindamika muye intunguluzi pakasi ka antu amu nko zyuze, nga lelo mwemo mutalayalondela icisila. Insita zyonsi mulaya alongo nga nupya mutalatala muposiwe, cikulu sile mwayela amalamulo yonsi yano nkumupeela ilelo.

Aina Levi 26:25

Ndalenga inkondo ukuya panomuli pa kumuvunuka pamulandu wa kutama upangano witu. Nupya ndi mwakongana mu misumba inu ku kuzina, indi nu kulenga indwala izisipoziwa kupona munomuli. Lyene muli nu kupatikiziwa ukucimba ku anisi inu.

Malango 28:43

“Ainamasi alaikala mu mpanga inu yalacindamilako sile cila wanda, namwe ale mukusaalukilako sile cila wanda.

Yakapingula 15:10

Antu amu Yuda yuzya yati, “Uzye pacani cino mwiza ku kutulwisya?” Nayo yaasuka yati, “Twizile lema Samusoni, kuti tumucitile vino wene watucitile.”

Yakapingula 15:12

Nayo iyamunena yati, “Twatitwiza kuti tukunyepe nu kukupeela ku ina Filisti.” Samusoni nawe ayanena ati, “Lapini ukuti musikunkoma mweisikulu.”

1 Milandu 4:3

Huli wali ali mwana mukalamba pa ana yakwe Efulati, umuci wakwe Kalebu. Nga amu mupanda wakwe ayano yasokwile umusumba wa Betelemu. Huli wakweti ana aonsi yatatu. Amazina yao a Etamu, Penueli na Ezeli. Etamu wakweti ana yatatu. Amazina yao a Yezileele, Isyima na Idibasyi. Kaci wao yamutemile izina yati a Hazeleleponi