Yakapingula 14:12 - Amazwi Yakwe Leza 2013

¹² Samusoni ayanena ati, “Lekini imucolekele akacole. Ndi cakuti mungilula pa manda kwene yaa cinimbali ya cimulo, indamupeelako insalu amakumi yatatu izitelepelele nga ni nsalu zyakucinja nazyo amakumi yatatu.

Yakapingula 14:12 交叉參考

Ezekelo 17:2

“We mwana wa muntu, umila aina Izlaeli umulumbe uu,

1 Yamwene 10:1

Lino namwene waku Syeba uvwa ululumbi lwakwe Solomoni pa kuya mu utandano na Yawe, aiza ku Yelusalemu ku kumwezya na mauzyo akome.

Utandiko 45:22

Nupya Yosefu ayapeela ni vyakuzwala ivipya. Lelo Benjamini amupeela impiya imyanda itatu zyakwe siluva ni vyakuzwala ivipya visano.

2 Yamwene 5:22

Geazi nawe aasuka ati, “Kuli cele. Umusambazi wane Elisya aliwe wantuma kwiza kunena ukuti watapokelela aenyi yaili, yakasema ukufuma ku mpanga yakwe Efulemu iya myamba. Ali cino akupapata kunuli kuti ungamupeela ulupiya lwakwe siluva ukulingana amazimbi yatatu, ukwika penepo na mataaka yaili a nsalu.”

2 Yamwene 5:5

Umwene wilya nawe avwanga ati, “Pita ku mwene wa ina Izlaeli usende na kalata kwene wii uwakukulondolola kunoli.” Acino Naamani akatuka nga aya ku Samaliya ala asenzile ni mpiya zyakwe siluva amazimbi amakumi yatatu, nga na zaabu amazimbi mutanda, ni vyakuzwala iviyembelo ikumi lyonga.

Mapinda 1:6

apakuti yangiluka upiliulo uwafisama umu mapinda, ni ntazi zino antu yamano yakafisa uku auze.

Yakobo 5:2

Vyuma vinu vyati viola mpiti, nga uwonyi nao walya insalu zinu.

1 Kolinto 13:12

Ndakai tukulola vintu ciyeye kwati umwi lola. Lelo pa nsita iliiza tulalola cinso cakwe. Ndakai kumanya kwane kwa pali Leza kusi kufumaluke. Lelo lino insita iliiza kwene kulaya kufumaluke kwati kumanya kuno Leza wamanya nene.

Yoane 16:29

Lyene alondezi yakwe yamunena yati, “Lola lyene wavwanga paswe, utavwanzile mu milumbe.

Luka 14:7

Lyene lino Yesu walola vino yano amilwe yakusolola vilimba vya ucindami, ayumila mulumbe ati,

Mateo 27:28

Alino yamuzula vino wazwite, nga yamuzwika mwingila uyenzu,

Mateo 13:34

Yesu wavwanzile vintu vii vyonsi ku maumba mu milumbe. Atayasambilizyanga cimwi kwaula kuomvya milumbe.

Mateo 13:13

Pamulandu kwene uu, nkavwanga kunoyali mu milumbe, pano yangalolekesya lelo yatangalola ningo, nu kuvwa yanguvwa lelo yatangamanya.

Mateo 6:19

“Mutaika vyuma vinu muno nsi, umwaya uwonyi ni ngalawa, muno aiivi yakatama nu kwiya.

Ezekelo 20:49

Nga nani ali pakwasuka inti, “Yawe Simwandalali, antu yakalanda kunondi yati, ‘Umuntu wiyo akauma sile imilumbe!’ ”

Masamu 49:4

Nemo nkuma sile umulumbe, nu kuulwila umwi zeze.

2 Milandu 7:8

Alino lyene Solomoni pamwi na ina Izlaeli yonsi yazevya uwanda ukulu uwa nsakwe apa manda cinimbali pamwi na antu nyanya ukufuma uku wingililo wa Lebo Hamati ukufika uku luzi lwaku mupaka waku Eguputo.

Yakapingula 14:11

Lino antu yalya yalola Samusoni iyamupeela alumendo amakumi yatatu akwikala nawe.

Yakapingula 14:13

Lelo ndi mutange mucolokolole, ale lyene mulinzile kumpela insalu amakumi yatatu izitelepelele nga ni nsalu zyakucinja nazyo amakumi yatatu.” Alino iyamunena yati, “Ale tucoleke, tuvwe!”

Mapinda 31:24

Akapikula insalu ni misipi, nu kuvikazya ku aculuzi. Nupya akasombola imipango ku aculuzi.