Yakapingula 11:31 - Amazwi Yakwe Leza 2013

³¹ ale iciumbwa icili consi cino cilatandika ku nkomenkanya lino ndawela ku kucimvya aina Amoni cilaya icakwe Yawe, nupya cili cino ndapeela wa wila wakoca kunoli.”

Yakapingula 11:31 交叉參考

Ezaya 66:3

Yamwi yakatuula cipambasi wa mpolelwa, yamwi yakakoma nu muntu yatuula wa mpolelwa, yatuula umwana wa mfwele wa kunyonga simbwa insingo, pakumukoma pakoca impolelwa, yamwi nayo yakatuula usu nanti uwazi wakwe kapoli, yamwi yakaocela ubani wa ciusizyo nanti ukupolelela utuluwi. Ala antu yaa pasi pakutemwa imipepele yao iipisye.

1 Samueli 14:44

Saulo alaya nu mulapo ati, “Leza andye nanti ancitile iciipe icili consi, ndi cakuti usikufwa wewe Yonatani!”

1 Samueli 14:24

Lyene aina Izlaeli iyaongoka ku nzala pa wanda ulya, pamulandu wakuti Saulo wayapile ilamulo nu mulapo ku vita, ati, “Citipu ciye pa muntu ali wensi uwalya icakulya lino ilanzi litali liwe, nupya lino ntali incite icilanduzi pa anisi yane!” Icaleka kusi umuntu nanti wenga uwalile icakulya pa wanda ulya.

1 Samueli 2:18

Lelo Samueli watwalilile ukutumikila Yawe, ala acili umulumendo sile nupya wazwalanga cakuzwala ca efodi icapangilwa ku nsalu itelepelele.

1 Samueli 1:28

Acili cino fwandi nani namupeela kuli Yawe. Pa manda yonsi yano alikala pano nsi, wene amapaatwilwa Yawe.” Avili vino nayo iyapepa Yawe kuku.

1 Samueli 1:11

Hana alapa nu mulapo, ala akuti, “Iye we Yawe Wamaka yonsi, ndi cakuti walolekesya pa ulanda wane ne muzya wako, wanguvwila inkumbu, utanjilile ne muomvi wako lelo wampeela sile umwana umonsi, nani ala ndamupeela sile kunuli we Yawe pa manda yonsi yano alikala pano nsi, nu ku mutwe wakwe kutalatala kupelwe inyele.”

Malango 23:18

Nanti ulupiya kwene luno yangakwilila umu nzila iyo lusi lwakwezya kutwala mu Ng'anda ikulu yakwe Yawe Leza winu, pa kuya fikilizya ulayo uno walavile kunoli. Yawe wapata yakacita ya uzelele aku Ng'anda ikulu yakwe Leza.

Utandiko 28:21

nupya ndi naca nawela ulumi kuli tata, lyene ulaya Leza wane.

Yakapingula 11:30

Nupya Yefuta alapa nu mulapo kuli Yawe ati, “Ndi wapeela aina Amoni mu makasa yane,

Yakapingula 11:32

Lyene Yefuta alamba ku kulwisya aina Amoni, nga Yawe ayapeela mu makasa yakwe.