Yakapingula 11:24 - Amazwi Yakwe Leza 2013

²⁴ Uzye citange cikuzipile ukutoola cino Kemosyi leza wako wakupeela? Naswe kwene consi cino Yawe Leza witu watupela, cico kwene acino tumatola.

Yakapingula 11:24 交叉參考

Mpendwa 21:29

Owe! Kalanda kunomuli mwe ina Moabu! Mwe muno mukapepa Kemosyi mononeka! Leza winu uwaleka antu inu yaye imbutusi, na anaci nayo yayasenda uzya kuli Siooni umwene wa ina Amoli.

Mika 4:5

Antu amu nko zyonsi yakapepa nu kuyela leza wao, lelo swemo tumapepanga nu kuyela Yawe, Leza witu mpaka umuyayaya.

Masamu 78:55

Azinga aikalangamo, lino antu yakwe yakuya mwenemo, nga aankanya ni nko zya ina Izlaeli impanga nu kuleka ukuti amuno yaikala.

1 Yamwene 11:7

Solomoni asuka akuula incende yakupepelapo papela ya mwamba lwaku ufumondaka wakwe Yelusalemu, apa kupepela Kemosyi, kaleza kaluwi ka ina Moabu. Alino na pakupepela Moleki, kaleza kaluwi ka ina Amoni.

Yoswa 3:10

Lino mulaya pankolelo, wene atalaposiwa ukumuzingila aina Kenani, aina Hiti, na ina Hivi, na ina Pelizi, na ina Giligasi, na ina Amoli nga na ina Yebusi. Vii avino mulamanya ukuti Leza wa umi ali pakasi kinu

Malango 18:12

Yawe wapata umuntu ali wensi wino akacita vintu vii vyawinyi, nupya uli mulandu uno wene akuzinga inko zizi mu mpanga ilya lino mwemo mukuya pa nkolelo.

Yelemiya 48:46

Kalanda kunuli, we Moabu! Antu aku Kemosyi yononwa. Ana yako aonsi yasendwa ku uzya na ana yako anaci nayo yalemwa.

Yelemiya 48:7

Pamulandu wakuti mwemo mwataila mu vicitwa vinu nu mu vyuma vinu, namwe kwene mulasendwa mu uzya, nga na Kemosyi alasendwa mu uzya, kumwi na yasimapepo yakwe nga na makombe yakwe.

Masamu 44:2

Vino wazinzile imitundu yuze ya antu nu kulasika antu yako mu mpanga yao kwene. Wemo wavunukanga imitundu yuze ya antu, nu kuleka antu yako yasanduluke.

Yakapingula 10:6

Nupya kwene aina Izlaeli yiifya kuli Yawe pa kupepa maunkolanya yakwe Baali na yakwe Asyitaloti, nga na tuleza tuze twa ina Alamu, nu twa ina Sidoni, nu twa ina Moabu, nu twa ina Amoni, nu twa ina Filisti.

Yakapingula 11:23

Ale lyene vino Yawe, Leza wa ina Izlaeli, watazingila aina Amoli kunzi pakuti cizipile aina Izlaeli, uzye insambu ci ino ukweti iyakutola icifulo cao?

Luti 1:15

Naomi nawe avwanga ati, “Silola muntu we! Umuci muzo wene awiyo waswilila ku antu yakwe na kuli tuleza twakwe. Swilila, mulondele.”

Yelemiya 48:13

Alino lyene Moabu insonyi zilamulema pali Kemosyi, ndi vino zyalemile ang'anda yakwe Izlaeli lilyo lino yataile muli Betele, kaleza kaluzi.

Yoswa 21:43

Ali vino Yawe wapile aina Izlaeli impanga yonsi ino walavile nu mulapo ukupeela ku vikolwe vyao, nga nayo iyapokolola nu kwikala mwenemo.

Yakapingula 2:1

Umungeli wakwe Yawe afuma ku Giligali aya ku Bokimu nga avwanga ati, “Namufumizye mu Eguputo nu kumutungulula ku mpanga ino nalavile kupeela ku vikolwe vinu. Mvwanzile inti, ‘Intalatala mfutatile upangano wane uno napangine namwe.