Umbwilo 9:21 - Amazwi Yakwe Leza 2013

²¹ Nupya yene yatazenzwike ku utazi wa katwe, ku ulozi wao, ku ulenzyo nga nu ku wivi.

Umbwilo 9:21 交叉參考

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”

Umbwilo 22:15

Lelo yao akacita vya winyi na alozi, yacizelele ni nkomi, yakapepa ya tuluwi nga na yao akatumpoka mu mazwi nu mu vicitwa kwene, yaa yonsi yalasyala kunzi ya musumba ukulu.

Umbwilo 17:5

Pa usyu wakwe palemvilwe izina lino lyakwata usenulo wa nkama likati, “Babiloni mukulu nyina wakwe yacizelele ni vya winyi vyonsi mu nsi.”

2 Kolinto 12:21

Nkoopa kuti lino ndiza limwi Leza alandenga kuya ni nsonyi pa manso inu, ndalonda kulila pano aingi muno muli aifizye mpiti nupya yatazenzwike ku vya winyi vyao, imbunu nga nu uzelele wao.

Umbwilo 17:2

Yakateeka amu nsi yacitanga uzelele nawe, nga na antu amu nsi wayakolesizye waini wa uzelele wakwe.”

Umbwilo 18:3

Pano antu amu nko zyonsi yamwa waini wakwe mukali uwa mbunu ya uzelele. Yakateeka amu nsi yacita ulenzyo na aliwe, nga na aculuzi amu nsi yaya akama pamulandu wa lwiswa lwakwe ulutangasila.”

Ezaya 47:9

Amasyamo yaa yoili kwene uliukila sile kuno yakuponela, nupya apa wanda uli onga kwene. Nanti wemo ungapanda amalele uli, nu kukwatisya ivizimba, awe cumi ulafwilwa ana, nu kusyala mukamfwilwa.

Umbwilo 16:6

Yene yazwisizye uwazi wa antu yakwe Leza nga na yakasema. Caleka watuyapela uwazi kuti yamwe. Yene yapokelela kulingana ni milimo yao.”

Umbwilo 14:8

Mungeli wakwe ciili alondela pa wankolelo, ala akuti, “Watawa! Babiloni mukulu watawa! Wene wamwesya antu yonsi waini mulume uwa ulenzyo wakwe.”

Galatiya 5:20

mu kupepa tuluwi nu mu ulozi. Antu yakaya anisi nga nu kulwa. Yene yakazuwilana nu kusokana, nu kupaatukana.

Mateo 15:19

Pano mu mwenzo mukafuma amelenganyo yankota akamutungulula ku kukoma, kulongozya, nu kucita vintu vya winyi, uwivi, umboni waufi, kutumpwila.

Ezaya 57:3

Lelo mwe ana ya alozi mwe! Izini kuno mwe luko lwa ukakasi mwe, yacilende mwe!

Ezaya 47:12

Ale mwandi tata, sunganga amalele yako, kumwi ni vizimba vyako, navyo pasi pakuvula! Pano kwene ali vintu vino wemo watailamo, ukutandika sile uku wance wako. Limwi wemo ukati vilakutuula nanti ukoofya anisi yako.

Umbwilo 19:2

Upinguzi wakwe uwa cumi nupya usi walufyengo! Wene watavunuka cizelele wino uwakowizye insi ku uzelele wakwe. Leza watamuvunuka pano wene wakoma aomvi yakwe.”

Umbwilo 13:15

Cilyanyi cakwe ciili cazumiliziwe kuputa mupu uno ukapeela umi mu unkolanya wa cilyanyi ca kutandika, kuti unkolanya ungalanda nu kukomisya yao yonsi akukana ukucipepa.

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Danieli 11:33

“Intunguluzi zya antu zyamano zilapandana amano na antu yauze avule. Lelo pa kasita kanono yamwi muli alio yalakomwa umu nkondo nanti ukuyoca mpaka yafwe, nga na yamwi yalayiila ivintu nu kuyasumbila mu ng'anda ya minyololo.

Umbwilo 13:13

Cilyanyi cii cakwe ciili cicita vinjelengwe vikulu cuze. Cileta umoto pano pa nsi kufuma mwiyulu na antu yonsi yala yakulola.

Umbwilo 13:7

Cene cizumiliziwa kulwa na antu yakwe Leza nu kuyacimvya, nupya cipelwa amaka akuteeka pa mitundu yonsi, ni nko, ni ndimi, nga ni misango yonsi ya antu.

Umbwilo 9:20

Antu yonsi asyala yano atakomilwe ku vilumbelo vii, yatazenzwike ku milimo ya makasa yao. Yene yatatile kupepa mipasi yankota, nanti tuluwi twakwe zaabu, siluva, nanti mukuwa, nanti twa mawe, nanti twa vimuti tuno tutange tulole nanti kuvwa nanti kupita.

Umbwilo 17:4

Mwanaci wazwite nsalu ziyenzulukile zyamutengo, nupya wazwite tuyembelo twakwe zaabu, mawe yamutengo ayengese, nga ni mbela. Mwi kasa lyakwe walemile lwako lwakwe zaabu ulwazilemo ivya uwelewele vino vyafumile mu uzelele wakwe.