Umbwilo 9:11 - Amazwi Yakwe Leza 2013

¹¹ Yene yakweti kateeka uwa kuyateeka, kateeka wii u mungeli wino akaangalila ciwina caula impela. Izina lyakwe mu Ciyebulai a Abadoni, nu mu Cigiliki izina lyakwe a Apolyoni, cikusenula, “Wino akaonona.”

Umbwilo 9:11 交叉參考

Yobo 26:6

Impanga ya afwe yaya apa swe lwakwe Leza, ni lovyo nalyo kwene lyaya pambiliwili.

Efeso 2:2

Mwemo mwalondelile misango iipe iya muno nsi. Mwayelanga wino akateeka insi, nupya wakwata maka pa muntu wensi wino asyayela Leza.

2 Kolinto 4:4

Yene yatataila, pano Satana wino ali leza uwa nsi ii, walesyanya kuti yatalola luswepo ululi Ilandwe Lisuma lya pali Klistu uwa lulumbi.

Yoane 16:11

Yene aponge pamulandu wa kuntamanya upinguzi wakwe Leza pano Ciwa, kateeka wa nsi ii watavunukwa mpiti.

Yoane 14:30

Ndakai ntangalanda namwe pa nsita ntali pano kateeka wa nsi ii akwiza. Wene asi na maka munondi.

Yoane 8:44

Mwemo mwemwe ana ya Musomvi, wii ali so, nupya mwatemwa kulondela kucita kulonda kwakwe. Kufuma nu ku utandiko kwene wali inkomi. Atatala aya mwa cumi pano wene cumi citaya munoli. Lino akuvwanga ntumpu, ala wene kunoli uli mwata, pano uwa ntumpu nupya aliwe uwazitandike.

1 Yoane 5:19

Twamanya ukuti sweswe yakwe Leza nanti angala insi yonsi ili pisika lya utesi wa Mwipe wilya.

1 Yoane 4:4

Lelo mwe ana yane, mwemwe yakwe Leza. Mwemo mwacimvya mpiti yakasema yaufi, pano Mupasi uwaya muno muli wene uwamaka kuluta Mupasi utazumila Klistu uli muli yao amu nsi.

Yoane 12:31

Ndakai, akasita ka kupingula antu amu nsi ii. Ndakai Ciwa kateeka wa nsi ii akucimviwa.

Umbwilo 12:9

Cizoka cikulu cisumbwa pansi. Cene cili cizoka ca mpiti cino yakati Ciwa, nanti Satana, wino akasomba antu amu nsi. Wene pamwi na angeli yakwe yonsi yasumbwa pano nsi.

Yobo 28:22

Uononesi ni mfwa navyo kwene vikavwanga iviti, ‘Awe cumi naswe kukwene kuno twaya, tukauvwa sile apa lulumbi lwa mano.’

Yobo 31:12

Ngano naipembela umoto nemwisikulu uwa kungoca nu kundovya, uwakuti woce ni vyakulya vyane vyonsi pyu.

Masamu 88:11

Uzye umu malindi yao namo yangalanda apa kutemwa kwako ukwa muntaputuka nanti apa cuumi cako?

Mapinda 15:11

Kuzimo ni ciwina vyaya apa manso yakwe Yawe. Uzye lyene antu yangamufisa uli ivili mu myenzo yao?

Luka 8:31

Mipasi yankota ipapata Yesu kuti ataizingila ku ciwina caula impela.

Yoane 5:2

Mu Yelusalemu, pipi ni mpongolo yamwangwa Mpongolo ya Mfwele, mwali ciziya cino mu cilimi ca Ciyuda camwangwa Betisaida, cino cazingulwikwe ni nkungu zisano.

Umbwilo 16:16

Alino mipasi ikonganika yakateeka pa ncende ino mu Ciyebulai yakati Alamagedoni.