Umbwilo 6:17 - Amazwi Yakwe Leza 2013

¹⁷ Pano wanda wa ukali wao wati wiza, uzye lyene aweni angimilila?”

Umbwilo 6:17 交叉參考

Malaki 3:2

Uzye aweni alaposya apa wanda uno wene alawela? Uzye aweni alimilila apa wanda uno wene alaloleka? Pasi pano wene alaya wa moto wakwe yasimusyanyi nanti wakwe sopo uwa muntu akufula.

Yowelo 2:11

Izwi lyakwe Yawe likuvwika uku nkolelo ampuka ya vita vyakwe. Impuka ya vita vyakwe iikulu wakwe cimwi. Wino wensi akucita ukulonda kwakwe Yawe, umucumi wene uwamaka. Wanda ukulu wakwe Yawe uwakoofya sana. Uzye aweni angaposya pa wanda kwene ulya?

Masamu 76:7

Wemo, ala antu pasi pakoopa wewe, yakakoopa wakwe cimwi! Aweni fwandi angazyansya kunuli ndi cakuti wakalipa?

Umbwilo 16:14

Yene ili mipasi yankota ino ikacita vinjelengwe. Yene ikaya kuli yakateeka yonsi mu nsi, kuti iyakonganike ku ulwi ulacitika pa Wanda wakwe Leza wa maka onsi.

Yowelo 2:31

Ilanzi lilasanguka mfinzi, nu mwezi nao ulayenza wa wazi, lino uwanda ukulu wa lulumbi wakwe Yawe utacili ufike.

Yelemiya 30:7

Iye mwe vino uwanda uu wakulisya! Kusi uwanda nauze uno wakolana na uu. Insita imwi iya ulanda kuli Yakobo, lelo wene alakululwa.

Loma 2:5

Lelo wakoma umwenzo, nupya usyalonda kuzenzuka. Caleka ukaitulikila sile ukali wakwe Leza uno alalanga pa Wanda wa upinguzi wakwe wa cumi.

Umbwilo 11:18

Antu atakuzumila yali ni cipyu lelo insita ya ukali wako yatifika. Ii ili nsita yakuti afwe yapingulwe. Insita yatifika ya kupeela vilambu ku yaomvi yako, yakasema nu ku antu yako yonsi yano akucindika, akulu na anono kwene. Insita yatifika ya konona yao akaonona insi!”

Yuda 1:6

Iusyini angeli yano asile vifulo vyao vya ulasi, nu kuvifutatila. Yene yanyepwa mu minyololo ya manda pe, mu kanda nu mu ulanda kufika pa Wanda ukulu wa upinguzi uno yalavunukwamo.

Luka 21:36

Acino pempulini nu kupepa nsita zyonsi pakuti muye na maka a kuutuka ku vintu vyonsi iviliza vicitike, nga nu kwimilila pa manso ya Mwana wa Muntu.”

1 Samueli 6:20

Acino aonsi aku Beti Syemesyi iyuzya iyati, “Uzye aweni angimilila pa manso yakwe Yawe, Leza kwene wi uwamuzilo? Uzye akuli weni kuno tumatuma Mbokosi ya Upangano, pakuti afuntuke kunotuli?”

Masamu 2:12

Pano wene ndi wasoka angamulovya, pano icipyu cakwe cikaaka zuwa. Alongo ayayo akazina kunoli.

Masamu 110:5

Umwene waya nawe ukwi kasa lilunji. Alavyengola yamwene uwanda uno alasoka.

Ezaya 63:4

Pano nemo nali nalola ukuti insita yatifika lyene iyaku kulula antu yane, nupya ali nsita kwene yakufulula anisi yao.

Yowelo 1:15

Iye mwe! Uwanda wakwe Yawe watiupalama, uwanda wakwe Yawe ukwiza nu ononesi uno ukufuma kuli wiyo Uwamaka yonsi.

Yowelo 2:1

Lizini intandala ku Zioni. Pundini nu kuyasoka pa mwamba wane uwamuzilo. Aikala nsi yonsi yazakaze, pano ukwiza kwa wanda wakwe Yawe kwatikupalama.

Naumi 1:6

Lino wene wasoka, uzye aweni angimilila pa manso yakwe Yawe? Aweni angaposya ukali wakwe uwakofya? Ukali wakwe ukafuluma kwati icimbilimbili ca moto, na mawe iyavungoka pa manso yakwe.