Umbwilo 6:12 - Amazwi Yakwe Leza 2013

¹² Nupya ndola Mwana wa mfwele akulematula cimanyililo calenga mutanda. Alino kuya cilundumusi ca maka cuze, nga ni lanzi lifita fititi wa nsalu yakwe kafifi. Nu mwezi uyenza cee wa wazi.

Umbwilo 6:12 交叉參考

Mateo 24:29

“Lelo zuwazuwa pacisila ca ucuzi uwamu manda yalya, ilanzi lilafita, umwezi utalawala, intanda zilapona kufuma mwiyulu, na maka amu lwelele yalatenta.

Yowelo 2:10

Insi ya pansi ikuzakaza na mayulu yakusunkana lino yene yakupalama. Ilanzi nu mwezi vikafita iviya wa mfinzi. Alino ni ntanda izita ukuwala.

Yowelo 3:15

Ilanzi nu mwezi vilaya wa mfinzi, ni ntanda nazyo zilata ukuwala.

Amosi 8:9

Yawe Simwandalali wavwanga wati, “Mu wanda ulya, apa nsita ya musanya umutwe pakasi, ndalenga kuti ilanzi liwe nu kuponya imfinzi apa mpanga ya pansi umu kasanya.

Umbwilo 16:18

Lyene kwali kumyansya kwa nkuwa, ciunda nu kupangalansya, nga ni cilundumusi cakofya. Kutatala kuya cilundumusi ca musango uu kufuma lino umuntu waumvilwe. Cene cili cipisye kuluta vyonsi!

Umbwilo 11:13

Pa nsita kwene ilya kwali cilundumusi cikome cuze, nga ciputulwa conga mu viputulwa ikumi vya musumba ciwa conononeka, lyene na antu mazimbi cinimbali yafwile ku cilundumusi. Na antu yauze asile yuvwile intete cuze nu kulumbanya ukulu wakwe Leza wa mwiyulu.

Ezaya 50:3

Nemo nkavimba iyulu ku mfinzi, nu kulizwika visamu wa muntu akulosya.”

Ezaya 29:6

Uliukila sile icilulumo camaka, ni cilundumusi, ni congo cikalamba, ivilafuma kuli Yawe Wamaka yonsi apakwiza ku kukupususya. Alatuma ni cimuza, na nkungulupya nga ni cimbilimbili ca moto ca koca ivintu coceoce.

Umbwilo 8:5

Alino mungeli atoola iciinga, azuzyamo umoto kufuma pa kavuwa, nga acisumbila pano nsi. Lyene kuya ciunda nu kupangalansya, kumyansya kwa nkuwa ni cilundumusi.

Ezaya 24:23

Apa mwezi pamafita, akasanya nako kamazima, pamulandu wakuti Yawe Wamaka yonsi aliwe amaya ali Mwene wakuteeka mu Yelusalemu, apa mwamba wa Zioni, ni ntunguluzi zya antu yakwe yamalolanga ucindami wakwe.

Mateo 24:7

Inko zilakatukilana, na mawene yalakatukilana. Kulaya vipowe ni vilundumusi mu ncende zimwizimwi.

Mako 15:33

Lino ilanzi lyafika umutwe papela (12 koloko), impanga yonsi inyepwa ni mfinzi kufika na pano ilanzi lyatemba (3 koloko).

Mateo 28:2

Awe lilyo kwene kuya ni cilundumusi cikulu, pano mungeli wa Mwene wika mwiyulu, aiiza akunkulusya iwe, alifumya nga aikalapo.

Mateo 27:54

Musika wa mpuka ya vita na yano wali nao, alindanga Yesu, yuvwa cilundumusi nu kulola vyonsi vyacitike. Alino yuvwa intete nga yavwanga yati, “Cumi, wene wali Mwana wakwe Leza!”

Mateo 27:45

Lino ilanzi lyafika umutwe papela (12 koloko), impanga yonsi inyepwa ni mfinzi kufika na pano ilanzi lyatemba (3 koloko).

Zakaliya 14:5

Pakuutuka mwemo mulafyonsya mu ciposi kwene cico ukufika ku lusansa longa mpaka ukulambila ku lusansa luze lwa mwamba ulya. Mulutuka ndi vino ivikolwe vinu vyutwike lino pizile cilundumusi, pa nsita ino umwene Uziya wateekanga mpanga yaku Yuda. Yawe witu aliza aloleke pamwi na angeli yakwe yonsi.

Amosi 1:1

Yaa, amazwi yakwe Amosi, wenga uwamuli yakacema aku Tekoa. Leza wamupile icilolwa ca vintu ivyacitikile aina Izlaeli umu manda yakwe Uziya, umwene waku Yuda, nga nu mu manda yakwe Yeleboamu, umwana wakwe Yeoasyi, umwene waku Izlaeli, lino kwasile imyaka iili kuti icilundumusi ciyeko.

Ezaya 34:4

Ilanzi, umwezi ni ntanda vyonsi kwene vilasunguluka. Iyulu lilavungana nu kongoloka wi pepala lino umuntu akupomba. Intanda zilapona wa mafwa yano yakulukuta uku mutingi nanti umusamvu.

Mateo 11:21

“Kalanda ku antu amu Kolazini! Kalanda ku antu amu Betisaida! Ndi cakuti vinjelengwe ivyacisilwe munomuli vyacisilwe nu ku Tuli na Sidoni, antu ya kuku yange yazwale masaaka nu kuiswela itwi kuti yalange vino yati yazenzuka.

Umbwilo 8:12

Alino mungeli walenga yani alizya ntandala yakwe. Ciputulwa conga ca mu viputulwa vitatu vi lanzi, mwezi ni ntanda vyumwa, cakuti vyene viponzya ciputulwa conga mu viputulwa vitatu vya kuwala kwakwevyo. Lyene kutali luswepo mu ciputulwa conga ca viputulwa vitatu vya musanya nu usiku.

Umbwilo 16:8

Lyene mungeli uwalenga yani apongolwela vyamu lweso lwakwe api lanzi, nga ilanzi lizumiliziwa ukoca antu ku cikaililwa cikali cuze.