Umbwilo 5:9 - Amazwi Yakwe Leza 2013

⁹ Yene imvile lwimbo lupya yati, “Wemo wazipilwa kutoola lupapulo nu kulematula vimanyililo vyakwelo. Pano wemo wakomilwe, nupya mu mfwa yako amuno wakalile Leza antu kufuma mu mitundu, ni ndimi, ni nko, nga ni misango ya antu yonsi.

Umbwilo 5:9 交叉參考

1 Yoane 1:7

Lelo ndi tukwikala mu luswepo ndi vino wene ali mu luswepo, ale lyene tuli mu utandano pakasi kitu. Nu wazi wakwe Klistu mwana wakwe ulatuswefya kufuma ku maifyo onsi.

Mateo 26:28

Uu uwazi wane, uno Leza watama insimbi pa upangano, uno wapongololwa pamulandu wa antu aingi, kuti maifyo yao yelelwe.

Masamu 40:3

Ali pakunsambilizya ulwimbo lupya, ulwakulumbanya Leza witu. Antu avule apakulola cico, yalaya ni coopo, nga yataile muli Yawe.

Umbwilo 14:6

Nupya ndola mungeli muze akupapuka mwiyulu papelapela, ala asenzile Landwe Lisuma lya manda pe kuti akalande ku antu amuno nsi amisango yonsi, mitundu, ni ndimi ni nko zyonsi.

1 Kolinto 6:20

Leza wamukazile pa mutengo ukulu cuze. Caleka omvini mili inu mu kupeela lulumbi kuli Leza.

Umbwilo 5:12

Nupya imvile lwimbo ni zwi likulu yati, “Mwana wa mfwele wino uwakomilwe wene wazipilwa ukupelwa maka, icuma, mano, ulamba, mucinzi, lulumbi nu kulumbanyiziwa!”

Umbwilo 4:11

“We Mwene Leza witu! Wemo wazipilwa kupelwa lulumbi, mucinzi na maka, pano wewe waumvile vintu vyonsi. Ku kulonda kwako walenzile vyonsi kuti viyeko, nupya wewe waviumvile.”

Milimo 20:28

Caleka muisunge mweisikulu, musunge nu ufyo uno Mupasi Wamuzilo wamwika kuya angalizi. Muye yakacema aiuvi lyakwe Leza, lino wacisile ukuya ilya kwakwe ukupitila mu mfwa ya Mwana wakwe.

Mateo 20:28

wakwe vino Mwana wa Muntu atizile kuti atumikilwe, lelo kuti atumikile yauze nu kupeela umi wakwe kuti akulule antu aingi.”

Umbwilo 5:6

Lyene ndola Mwana wa mfwele aimi pakasi ka cilimba ca wene ala viumbwa vyaumi vini pamwi na ikolo vyati vimuzinguluka. Mwana wa mfwele walolike kwati iyamukoma. Wene wali ni mpembe cinimbali na manso cinimbali. Manso yaa, ali mipasi cinimbali yakwe Leza ino yatumwa mu nsi yonsi.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

2 Petulo 2:1

Ku mpiti kwalolike yakasema yaufi pakasi ka ina Izlaeli. Mu musango uli onga kwene yakasambilizya yaufi yalaloleka munomuli. Mu nkama yene yalaleta usambilizyo uwakonona nupya usi wa cumi. Yene yalakana musambazi wino wayakulwile. Acino yalailetelela kononwa mukupumikizya.

Kolose 1:14

kupitila munoli tukalengwa kuya antungwa. Cii cikusenula ukuti maifyo itu yelelwa.

Efeso 1:7

Pano Klistu wakomilwe pakuti wazi wakwe uye impolelwa yakutulenga kuya antungwa, cii cikusenula vino ndakai maifyo itu yelelwa. Klistu wacisile cii pamulandu wakuti Leza wali ni

1 Yoane 2:2

Klistu ali mpolelwa yapa maifyo itu, nga na maifyo ya antu yonsi amu nsi.

1 Kolinto 7:23

Mwemo Leza wamukala pa mutengo ukulu. Caleka mutaya azya ya antu.

Masamu 149:1

Lumbanyini Yawe! Imbilini Yawe ulwimbo lupya! Mulumbanyini mu ukongano wa antu yakwe acumi!

Masamu 33:3

Mwimbilini ulwimbo lupya, lwakumucindika. Mulizye ingoma zinu usaka usaka, muumile na kapundu.

Umbwilo 13:8

Antu yonsi akaikala pano nsi yalacipepa, suka sile antu yano mazina yao yalemvilwe mu lupapulo lwa umi kufuma lino insi itali iumbwe, ulwa Mwana wa Mfwele wino uwakomilwe.

Umbwilo 11:9

Antu kufuma mu nko zyonsi, mitundu, indimi, nga ni misango yonsi ya antu yalalola ivyala vyao pa manda yatatu na citika nupya yatalazumilizya kuti vizikwe.

Masamu 144:9

We Leza namakwimbila ulwimbo lupya, namakulumbanya umwi zeze ilya nsale ikumi.

Masamu 98:1

Imbilini Yawe ulwimbo lupya, pano wacita ivyakuzunguka, nupya wacimvya uku maka yakwe nu ulamba wakwe ucindame.

Masamu 96:1

Imbilini Yawe ulwimbo lupya! Imbilini Yawe, mwe ikazi yamu nsi yonsi!

Danieli 3:4

Lyene kuma wa mbila auma imbila ni zwi likulu ati, “Mwe antu amu nko zyonsi, mwe antu amisango yonsi, ni ndimi zyonsi!

Ezaya 42:10

Imbilini Yawe ulwimbo ulupya. Mulumbanyini mwemuno mwikala umu nsi yonsi ya pansi! Mulumbanyini mwe viumbwa vyonsi vyamuli yemba. Imbilini mwe mpanga zya kutali na yonsi aikala kweneko.

Ayebulai 11:14

Yao akalanda vintu ndi vii, yakalangilila paswe ukuti yene yakulondalonda mpanga iyakwao.

Kolose 1:23

Mulinzile kutwalilila kuya acumi nupya akomeleke cuze mu utailo winu. Mutalinzile kuta upaalilo uno mwapokelile lino muvwile Ilandwe Lisuma. Lyene lyakosozilwe ku antu yonsi pano nsi, nga nani nemwisikulu nene muomvi wi Ilandwe kwene lii.

Danieli 6:25

Lyene umwene Dalyusi alembela antu amu nko zyuze zyonsi, ni misango ya antu yonsi, ni ndimi zyonsi, ati, “Nkumulamuka!

Danieli 4:1

Umwene Nebukadineza watumile imbila ii ku antu amu nko zyonsi, ni misango yonsi ya antu, ni ndimi zyonsi umu nsi ati, “Nalaula!

Danieli 5:19

Wene wali umukulu cakuti antu amu nko zyonsi, ni misango yonsi ni ndimi yamoopanga nu kuzakaza. Ndi wene walonda kukoma ali wensi, ala amamukoma. Ndi walonda kuti umwi atakomwa, ala cimaya vivyo kwene. Wene wacindamikanga nanti kusausya ali wensi wino akasi.

Efeso 5:19

Mwalanzyanya mazwi amu Masamu, mu nyimbo zya kulumbanya Leza nga ni nyimbo zyuze zya kulumbanya Leza mu myenzo inu.

Umbwilo 10:11

Lyene anena ati, “Nupya kwene ulinzile kukosola Ilandwe lyakwe Leza pamulandu wa antu amu nko zingi, misango ya antu aingi, indimi, na yakateeka aingi.”

Umbwilo 13:7

Cene cizumiliziwa kulwa na antu yakwe Leza nu kuyacimvya, nupya cipelwa amaka akuteeka pa mitundu yonsi, ni nko, ni ndimi, nga ni misango yonsi ya antu.

Umbwilo 15:3

nupya ala yakwimba lwimbo lwakwe Mose, muomvi wakwe, nga nu lwimbo lwa Mwana wa Mfwele, yati, “We Mwene Leza wa maka yonsi, milimo yako iikulu, nupya iyakuzunguka! We kateeka wa nko zyonsi, miyele yako iya ololoke nupya iya cumi!

Umbwilo 17:15

Mungeli nupya anena navyuze ati, “Manzi yano wali walola pano cizelele atenzi, ali antu amu nko, ni mitundu ya antu, ni misango ya antu, nga ni ndimi.