Umbwilo 5:13 - Amazwi Yakwe Leza 2013

¹³ Alino nuvwa ciumbwa consi ca mwiyulu, pano pansi, pansi ya nsi, muli yemba ni vya uumbo vyonsi vikwimba viti, “Wino uwikala pa cilimba ca wene pamwi nu Mwana wa mfwele yene yalumbanyiziwe, yapelwe mucinzi, lulumbi nu ulamba manda pe!”

Umbwilo 5:13 交叉參考

Filipi 2:10

Pa kucindika zina lyakwe Yesu viumbwa vyonsi vya mwiyulu, pano pansi, nga na pansi ya nsi, vilamufukamila.

1 Milandu 29:11

We Yawe, wewe mukulu nupya uwamaka, uwalulumbi, nu usambazi. Pano ivintu vyonsi umwiyulu na pano nsi ivyakwako. Uwene uwakwako we Yawe. Wewe uli mukulu mpo pa vintu vyonsi.

Umbwilo 5:3

Lelo kutali umwi mwiyulu nanti pano nsi nanti pansi ya nsi wino uwali na maka akuyula lupapulo nu kulola mukasi.

Umbwilo 5:12

Nupya imvile lwimbo ni zwi likulu yati, “Mwana wa mfwele wino uwakomilwe wene wazipilwa ukupelwa maka, icuma, mano, ulamba, mucinzi, lulumbi nu kulumbanyiziwa!”

Loma 11:36

Pano vintu vyonsi vyaumvilwe na aliwe, nupya vintu vyonsi vyacisilwe pamulandu na aliwe, lulumbi luye kunoli manda pe. Ameni.

1 Petulo 5:11

Leza aye na maka manda pe. Ameni.

Luka 2:14

“Ululumbi kuli Leza mwiyulu papelapela, nu mutende pali yano Leza akuzangilamo.”

Ezaya 42:10

Imbilini Yawe ulwimbo ulupya. Mulumbanyini mwemuno mwikala umu nsi yonsi ya pansi! Mulumbanyini mwe viumbwa vyonsi vyamuli yemba. Imbilini mwe mpanga zya kutali na yonsi aikala kweneko.

Umbwilo 6:16

Alino yanena myamba ni milunda yati, “Tuponelini nu kutufisa ku manso yakwe wino uwikala pa cilimba ca wene nga nu ku ukali wa Mwana wa mfwele!

Yuda 1:25

Kuli Leza wiyo wenga sile Katuula witu, muli Yesu Klistu Mwene witu kunoli kuye ululumbi, ukulu, maka nu wangalizi, kufuma ku katalili, ilelo na manda pe. Ameni.

Loma 16:27

Ku Mwene Leza wenga sile, wino wenga uwaya uwa mano, kuye lulumbi muli Yesu Klistu, pe na pe. Ameni.

Loma 9:5

Yene ivizikulula vya vikolwe vitu vilumbuke, na Klistu kwene uwamu mupanda wa mutundu wao. Leza, wino waya na maka pali vyonsi, alumbanyiwe manda pe! Ameni.

Umbwilo 5:6

Lyene ndola Mwana wa mfwele aimi pakasi ka cilimba ca wene ala viumbwa vyaumi vini pamwi na ikolo vyati vimuzinguluka. Mwana wa mfwele walolike kwati iyamukoma. Wene wali ni mpembe cinimbali na manso cinimbali. Manso yaa, ali mipasi cinimbali yakwe Leza ino yatumwa mu nsi yonsi.

Umbwilo 1:6

nupya watucita kuya yakateeka na yasimapepo mu kutumikila Leza Isi wakwe. Lulumbi na maka vipelwe kuli Yesu Klistu manda pe! Ameni.

1 Petulo 4:11

Wino wensi akakosola alinzile kukosola mazwi yakwe Leza. Wino wensi akatumikila alinzile kutumikila na maka yano Leza akamupeela, pakuti Leza atasiwe muli vyonsi. Klistu awino alalenga kuti cii cicitike. Lulumbi na maka ivyakwakwe manda pe. Ameni.

Efeso 3:21

Lulumbi luye kuli Leza mwi uvi na muli Klistu Yesu mu mikulo yonsi na manda pe. Ameni.

Ezaya 24:14

Alapusuka insyazi zyakunzi, yalaimba ni nsansa. Antu aku uwondaka yalumila Yawe utupundu.

Umbwilo 5:9

Yene imvile lwimbo lupya yati, “Wemo wazipilwa kutoola lupapulo nu kulematula vimanyililo vyakwelo. Pano wemo wakomilwe, nupya mu mfwa yako amuno wakalile Leza antu kufuma mu mitundu, ni ndimi, ni nko, nga ni misango ya antu yonsi.

Kolose 1:23

Mulinzile kutwalilila kuya acumi nupya akomeleke cuze mu utailo winu. Mutalinzile kuta upaalilo uno mwapokelile lino muvwile Ilandwe Lisuma. Lyene lyakosozilwe ku antu yonsi pano nsi, nga nani nemwisikulu nene muomvi wi Ilandwe kwene lii.

Mateo 6:13

Utaleka tuponele mukweziwa kukome lelo ututuule ku Mwipe wilya.’

1 Timoti 4:16

Uisunge nupya ucenjele mu kusambilizya kwako. Utwalilile kucita vintu vii, pano ndi wacita cii, ale lyene ulaituula wemwisikulu nga na yao akukuvwa.

Yoane 1:29

Uwanda walondelela Yoane alola Yesu akwiza kunoli, ati, “Lolini, Mwana wa Mfwele wakwe Leza wino akafumya maifyo ya antu.

Umbwilo 5:1

Nupya naweni lupapulo mwi kasa lilunji lyakwe wino uwatenzi pa cilimba ca wene. Lwene lwakweti amalembo kulimvya imbali zyoili zyakwelo. Lwene lwalematikwe ni vimanyililo cinimbali.

Umbwilo 13:8

Antu yonsi akaikala pano nsi yalacipepa, suka sile antu yano mazina yao yalemvilwe mu lupapulo lwa umi kufuma lino insi itali iumbwe, ulwa Mwana wa Mfwele wino uwakomilwe.