Umbwilo 3:18 - Amazwi Yakwe Leza 2013

¹⁸ Nkukupanda mano, kuti lyene ukale zaabu kufuma kunondi, zaabu mwengululwe kuti uye mukama. Kala kunondi ni nsalu itiswe kuti uzwale na kuti usisye insonyi zya kupita tupu. Kala kunondi nu mulembo wa kwika mu manso kuti walola.

Umbwilo 3:18 交叉參考

Umbwilo 16:15

“Uvwini! Nkwiza wa mwivi! Walongo awiyo wino akulola nu kucingilila vizwalo vyakwe pakuti atakapite tupu nu kuya ni nsonyi pa lwalala!”

1 Petulo 1:7

Mulimo wa kweziwa ukusininkizya cumi ca utailo winu. Wakwe vino zaabu, wino akaononeka, yakamwezya pa kumoca mu moto kuti yalole ndi umukome, avino nu utailo winu uno waluta pali zaabu ndi waposya mukweziwa, lyene mulatasiwa nu kupelwa lulumbi nu mucinzi pa wanda uno Yesu Klistu alasokololwa.

Ezaya 55:1

Mwensi mwemuno mukacula ku lusala izini ku manzi! Nanti mutakweti impiya izini sile. Izini mukale cakulya kwaula impiya, mulye. Mukale ni cakumwa ni ziya ukwaula kulipila.

Umbwilo 19:8

Wene watapelwa nsalu iswepe nupya itiswe iyakuti azwale.” Nsalu itiswe ali vicitwa visuma vya antu yakwe Leza.

Malaki 3:3

Wene aliza ku kupingula wa muntu akaswefya zaabu. Wene alasangulula nu kuswefya aina Levi ndi vino umuntu akaswefya zaabu na siluva. Alino lyene yalaleta amawila asuma kuli Yawe.

Umbwilo 7:13

Wenga uwamu ikolo anguzya ati, “Uzye antu yaa azwite mingila itiswe aaweni, nupya aukwi kuno yafuma?”

Mateo 13:44

“Uwene wa mwiyulu ukoline na cino cikacitika lino umwi wazana cuma camutengo cino umuntu wafisa mu musili mu calo. Lino wiza wacizana, nawe acifisa nupya, nga mu luzango apita, aya akazya vyonsi vino akweti, nga aiiza akala calo kwene cico.

Danieli 12:2

Aingi muli yayo afwa mpiti yalazyukuka: yamwi uku umi wa pee, yamwi nayo ku kupupana kwa pee.

Masamu 32:8

Yawe wati, “Namakusambilizyanga nu kukulanga inzila mwakupita. Namakuwakanga nu kukupanda mano.

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.

Mika 1:11

Mwe ikazi aku Safili, mulasendwa ku uzya, ala muli tupu nga muluvwa insonyi. Yao akaikala mu Zaanani yatalafuma mu musumba wao, awe. Lino muluvwa aikazi yaku Beti Ezele yakulosya, ali lino mulamanya ukuti kuku kutacili ukwa kuzina.

Masamu 73:24

Ukantungulula uku mano yako, nu kumpelelekezyo ulampokelela umwako, umwaya ucindami wako.

Umbwilo 3:17

Wemo ukulanda uti, ‘Nene mukama nupya nikala ningo. Ntulilwa cimwi.’ Lelo utamanya vino wewe mucuzi nupya mulanda! Wewe mupina, wemo wewe mpafu nupya uli tupu.

Umbwilo 2:9

Namanya intazi zyako. Namanya ukuti wewe mupina. Lelo mu cumi wewe mukama! Namanya vilandwa viipe vino yakutumpwila yao akailanda ukuti Ayuda nalino yasi Ayuda. Yene yali mwi umba lyakwe yao yakwe Ciwa.

2 Kolinto 8:9

Mwamanya cikuku ca Mwene witu Yesu Klistu. Nanti angala wali umukama, wene waicisile mupina kuti muye akama kupitila mu upina wakwe.

Ezaya 47:3

Ali pakuti antu yakulole tupu, ni nsonyi kazikuleme wakwe cimwi. Nemo nkulandula sile, nu wakundesya kusi.”

Mapinda 23:23

Wemo ule ukale icumi, nupya utezya kucikazya. Ukale na mano, icuvwilo nu kwiluka.

2 Kolinto 5:3

Tukulonda kuuzwala wa nsalu kuti tutaya tupu.

Luka 12:21

Yesu amalilila kuvwanga ati, “Vii, avino cilaya na kuli wino wensi akaitulikila ivyuma umwisikulu, lelo asi mukama pa manso yakwe Leza.”

Naumi 3:5

Yawe Wamaka yonsi wavwanga wati, “Nemo indi wa mwanisi winu. Ndakuzula nu kukuzewanya. Antu amu mitundu yonsi yalakutambila, alino uluvwa insonyi pakasi ka mawene yonsi.

Mateo 25:9

‘Lelo yao ali amano yayanena yati, Ndi twamupeela, limwi yasyakutukumana. Lelo yangini mukakale kuli yakakazya ya mafuta.’

Yelemiya 13:26

Yawe Leza umweneco aliwe alamuzula insalu, tale mukafyatoka tupu mukuvwe ni nsonyi.

Kasambilizya 8:2

We muntu ulinzile kuyela amalamulo yakwe kateeka pamulandu wa ulayo wako kuli Leza.

Mapinda 19:20

Uwauvwa kuli yano yakukupanda amano, pokelela amasunde yao, apakuti nawe kwene uku nkolelo ukakwate amano.

Mapinda 1:30

Mwakanyile ukupandwa amano kunondi, mwakanyile nu kukonkomeziwa kwane.

Mapinda 1:25

Mwasuula sile navino namupanzile amano, musisakamala vino nkumunenola.

Masamu 107:11

apamulandu wakutalamila amasunde yakwe Leza, nu kusuula amano yano umusambazi wayapanzile.

Masamu 16:7

Nalumbanya Yawe, wiyo akampanda amano. Umwenzo wane ukanceula nu usiku kwene.

1 Timoti 6:18

Uwayanena kuti yacita visuma, nu kuya akama mu milimo isuma, nu kupeela kwaula lusoko, yaye aiteyanye kwankanyako yauze.

Umbwilo 4:4

Kuzinguluka cilimba kwali vilimba vyuze makumi yaili na vini, pano patenzi aikolo makumi yaili na yani yala yazwite nsalu zitiswe nga ni ngala zyakwe zaabu.