Umbwilo 21:8 - Amazwi Yakwe Leza 2013

⁸ Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”

Umbwilo 21:8 交叉參考

Umbwilo 2:11

“Akweti amatwi yakuuvwa, auvwe cino Mupasi Wamuzilo akulanda ku mauvi! “Yao alacimvya yatalafwa imfwa yakwe ciili.”

Umbwilo 22:15

Lelo yao akacita vya winyi na alozi, yacizelele ni nkomi, yakapepa ya tuluwi nga na yao akatumpoka mu mazwi nu mu vicitwa kwene, yaa yonsi yalasyala kunzi ya musumba ukulu.

Mapinda 19:9

Kambone waufi yatalamupanya umu cilye, nu muntu umutumpe nawe kwene atalapusuka foo.

1 Yoane 3:15

Wino wensi uwapata umwina wakwe wene inkomi. Mwamanya ukuti inkomi yene itakwata umi wape mu mwenzo wakweyo.

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Umbwilo 19:20

Cilyanyi casenzilwe ku ng'anda yaminyololo pamwi na kasema waufi wino wacisile vinjelengwe pa manso yakwe. Wene waomvizye vinjelengwe vii pa kusomba yao akweti cimanyililo ca cilyanyi na yao apefile unkolanya wa cilyanyi. Cilyanyi pamwi na kasema waufi yasumbilwe apuma muli yemba wa moto, muno mwapyanga maluti.

Ayebulai 13:4

Ing'anda ilinzile kucindikwa na antu onsi. Yaiya na Aci yalinzile kutailana. Leza alapingula yao akacita uzelele na yao akacita ulenzyo.

1 Timoti 4:2

Masambilizyo ali ndi yaa, yakasalanganyiziwa mu usomvi wakwe yakasambilizya yaufi, yano yakampingu yao yafwa, kwati yocewa ni cela cikaye.

Mateo 8:26

Yesu ayanena ati, “Mwe ya utailo unono! Uzye pacani muvwa intete?” Lyene Yesu akatuka, alesya cipupu na maimbi, nga kuya cele.

Umbwilo 9:21

Nupya yene yatazenzwike ku utazi wa katwe, ku ulozi wao, ku ulenzyo nga nu ku wivi.

Yoane 8:44

Mwemo mwemwe ana ya Musomvi, wii ali so, nupya mwatemwa kulondela kucita kulonda kwakwe. Kufuma nu ku utandiko kwene wali inkomi. Atatala aya mwa cumi pano wene cumi citaya munoli. Lino akuvwanga ntumpu, ala wene kunoli uli mwata, pano uwa ntumpu nupya aliwe uwazitandike.

Mateo 10:28

Mutaoopa yano akakoma umwili, lelo yatangakoma mupasi. Lelo mwaoopa Leza, wino ali na maka akonona umwili nga nu mupasi kwene mu Gehena.

Mapinda 19:5

Kambone waufi yatalamupanya, nu muntu uwantumpu nawe kwene atalapusuka foo.

Malango 20:8

Yamusika akalamba ya vita nayo kwene yalalanda ku antu yati,

1 Yoane 2:22

Uzye lyene aweni uwa ntumpu? Uwa ntumpu umuntu ali wensi wino akati Yesu asi Katuula uwalavilwe. Uwakana Tata nu Mwana, wene ali mwanisi wakwe Klistu.

Ezaya 9:15

Aikolo na yasimucindikwa ali mitwe. Yakasema akasambilizya ivya ntumpu ali misinda!

1 Yoane 5:10

Wino wensi uwataila Mwana wakwe Leza, wene wakwata umboni uu mu mwenzo wakwe. Lelo wino wensi asyataila Leza, ala wene akulanda ukuti Leza uwa ntumpu pano wene atataila vino Leza walanda vya pa Mwana wakwe.

Ezaya 57:11

Aweni fwandi wino oopanga nu kuzakaza kunoli, apakuti wize unsangukile vikwene vii, ukane nu kunjiusya icakuti lyene watunjima ni ncende apakunjika, umu mwenzo wako? Uzye namanye umulandu wakuti nkutumile cele, icingalenga ukuti utangoopa?

Yakapingula 7:3

ndakai unene antu uti, ‘Wensi akuzakaza ku ntete alinzile afume pa Mwamba wa Gileadi aswilile ukwakwe.’ ” Acino antu amazimbi amakumi yaili na yaili yaswilile kumwao, ikusyala sile antu amazimbi ikumi.

Umbwilo 2:2

Namanya vino ukacita. Namanya kuomba kuno waombisye nga nu kuteeka umwenzo. Namanya ukuti wemo utangazumilizya yakaifya nga nupya wemo wezizye yao akati yene atumwa lino yasivyo. Lelo wayezya wazana ukuti yene antumpu.

Ezaya 51:12

Yawe nupya wavwanga wati, “Kapela wa maka kuno muli anene. Nga fwandi nupya ungaoopa uli umuntu umwina kufwa, wino waviilwe uku muntu? Wiyo alafoota sile nu kuuma wi sote?

2 Tesalonika 2:9

Mui wilya aliiza na maka yakwe Ciwa nga nu kucita misango yonsi ya vinjelengwe ni vizungusyo vyaufi.

Ayebulai 12:24

Mwati mwiza kuli Yesu wakukundanya antu na Leza mu upangano upya nga nu ku wazi wakwe wapongolwilwe nu kukanyiwa muno mwaya vintu visuma cuze vyalavilwe kuluta, ivyamu wazi wakwe Abeli.

Tito 1:16

Yene yakati yamanya Leza, lelo vicitwa vyao vikayasinila ukuti mu cumi yatamumanya. Yene yaya nu lupato nupya yasyayela Leza. Yene yasi antu ampomvu angacita cisuma cili consi.

Umbwilo 9:17

Mu cilolwa cino nakweti naweni imfwalasi pamwi na yao akwezilepo, yene yazwite vicingo vya vyela pa vifuwa vyao vyalolike viyenze wa moto, vifitulukile wa mfisya nupya wa mitulwatulwa. Mitwe ya mfwalasi izikoline wa mitwe yakwe yacisama, nu mu milomo yaziko mwafumanga umoto, icunsi, na maluti.

Umbwilo 14:10

wene alamwa waini wa ukali wakwe Leza. Waini wa cipyu cakwe wino wapongolwela mu lwako ulwa ukali wakwe ukwaula kucefiwa maka. Wene alasumbwa nu kupya mu moto na maluti pa manso ya angeli yakwe Leza nu Mwana wa Mfwele. Wene alasumbwa mu moto na maluti pa manso ya angeli amuzilo nu Mwana wa Mfwele.

Umbwilo 21:27

Lelo kusi cimwi cikowele cino cilingila mu musumba ukulu, nupya mutalingila umuntu wino akacita vya winyi, nanti akatumpoka. Suka sile yao yano mazina yao yalembwa mu lupapulo lwa Mwana wa Mfwele ulwa umi, ayano yalingilamo.

Mateo 25:25

Acino noofile wewe, mpita nja mfisa impiya zyako mu musili.’

Mako 9:44

muno ingonyo zyao zisifwa nu moto usyazimiwa.]