Umbwilo 21:3 - Amazwi Yakwe Leza 2013

³ Alino nuvwa izwi likulu likulanda kufuma ku cilimba ca wene liti, “Ndakai uwikalo wakwe Leza uli pamwi na antu! Wene amaikalanga nao nupya yene yalaya antu yakwe. Leza umwisikulu alaya nao nupya wene alaya ali Leza wao.

Umbwilo 21:3 交叉參考

Ezekelo 37:27

Tulaikalamo pamwi na alio, nupya nemo indaya Leza wao, nayo yalaya antu yane.

2 Kolinto 6:16

Uzye ng'anda yakwe Leza vingalemana uli nu tuluwi? Sweswe ng'anda ikulu yakwe Leza wa umi, ndi vino Leza umwisikulu walanda wati, “Ndikala pamwi na antu yaa nga nu kupita pakasi kao. Ndaya Leza wao, nao yalaya antu yane.”

Yoane 14:23

Yesu amwaasuka ati, “Wino wensi uwantemwa, wene akayela mazwi yane. Wene alatemwikwa na Tata, nga Tata nani tuliza kunoli nu kwikala nawe.”

Zakaliya 8:8

Ndayawezya kuti yakize yakikale nu mu Yelusalemu. Yalaya antu yane, nani ndaya Leza wao. Ndayateeka ningo nu ulungami.

Ayebulai 8:10

Lelo Mwene witu akuti, uu upangano uno ndacita na ina Izlaeli mu manda akwiza. Ndalemba masunde yane muli yakampingu yao nu mu myenzo yao. Ndaya Leza wao, nao yalaya antu yane.

Yelemiya 31:33

Upangano uno ndapangana na ang'anda yakwe Izlaeli, amanda ndi yapita ali uu: indika amasunde yane mu nda zyao, ndayalembela nu mu myenzo yao. Ndaya Leza wao, nayo yalaya antu yane.

Ayebulai 11:16

Lelo yalondesyanga mpanga isuma kuluta, mpanga ya kwiyulu. Acino Leza asi ni nsonyi zyakuti yamwama ukuti a Leza wao, pano wayateyanyizizya musumba.

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”

Yelemiya 32:38

Alino lyene yalaya umutundu wane, nani ndaya Leza wao.

Umbwilo 7:15

Uli mulandu uno yati iimilila nkolelo ya cilimba ca wene cakwe Leza nu kumutumikila musanya nu usiku mu Ng'anda ikulu yakwe Leza. Wino atenzi pa cilimba ca wene alayacingilila pa kuya nao.

2 Kolinto 6:18

nu kuya So. Namwe mulaya ana yane aonsi na yakaci, avino Mwene wa maka yonsi walanda.”

Umbwilo 21:7

Wino wensi alacimvya nemo ndaya Leza wakwe nawe alaya umwana wane.

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Ezaya 12:6

Pundisyini nu kwimbila ni nsansa, mwe antu aku Zioni, pano Wamuzilo wilya waku Izlaeli wene umukulu pakasi kinu.”

Umbwilo 12:10

Nupya nuvwa izwi likulu mwiyulu likuti, “Ndakai Leza watatutuula! Leza watalanga maka yakwe nu wene wakwe! Ndakai Katuula wino wasolola watalanga maka yakwe! Pano wiyo akapeela aina itu milandu wene wasumbwa pano nsi, wino musanya nu usiku akayapeela milandu nkolelo yakwe Leza witu.

Ezekelo 43:7

Alanda ati, “We mwana wa muntu, ii ili ncende ya cilimba cane ca wene, nupya apano nkalyata ingazo zyane.

1 Yamwene 8:27

“Uzye we Leza wewe ungikala na antu pa mpanga ya pano nsi? Nga vino iyulu ilitaikulila litange likukumane foo. Ale fwandi, uzye ing'anda ino ninkuula ali ino ingakukumana?

2 Milandu 6:18

“Uzye kwene umu cumi Leza angikala pano nsi pamwi na antu? Vino iyulu litupu nanti lyakula uli litange likukumane. Ale lyene uzye Ng'anda ikulu ii ino natinkukuulila, ali ino ingakukumana?

Umbwilo 10:8

Lyene izwi lino nuvwile kufuma mwiyulu nupya ilinena liti, “Pita katole kalupapulo kanono akakupulwe kano akali mwi kasa lya mungeli wino lwazo lwakwe longa lulyasile pali yemba nu luze pa musili.”

Umbwilo 10:4

Lilyo kwene lino kupangalansya kwasila, nali pipi nu kulemba vino vyalanzilwe. Lelo nuvwa izwi kufuma mwiyulu likunena liti, “Sunga inkama pali vino kupangalansya cinimbali kwati kulanda. Utalemba!”

Kufuma 25:8

Antu yalinzile kunkuulila itaalu lyamuzilo pakuti ningaikala pakasi kao.

Kufuma 29:45

Ndikala pakasi ka aina Izlaeli, nupya ndaya Leza wao.

Ezekelo 48:35

Umusumba onsi kuzinguluka wali amamita 9,000 konsi konsi, nu kufuma wanda kwene ulya izina lya musumba lilaamwa ndi vino “Mwene ali Pano!”

1 Tesalonika 3:11

Tukulenga kuti Leza Tata nu Mwene Yesu Klistu yaleke tuce twize kunomuli.

Ayebulai 8:2

Wene ali Simapepo Mukulu wino akatumikila mukasi mu Ncende ya Muzilo kuluta. Kuli kuti mwi tenti lya cumi lino limikwa nu Mwene, asi muntu foo.

Umbwilo 22:3

Kusi cimwi icatipwa na Leza icilazanwa mu musumba ukulu. Cilimba ca wene cakwe Leza nupya ca Mwana wa Mfwele cilaya mu musumba ukulu, na aomvi yakwe yalamupepa.

Mpendwa 9:16

Ali vino ikumbi lilyo lyakonkinye ukuloleka cila wanda, ala usiku likuloleka wa moto.