Umbwilo 21:27 - Amazwi Yakwe Leza 2013

²⁷ Lelo kusi cimwi cikowele cino cilingila mu musumba ukulu, nupya mutalingila umuntu wino akacita vya winyi, nanti akatumpoka. Suka sile yao yano mazina yao yalembwa mu lupapulo lwa Mwana wa Mfwele ulwa umi, ayano yalingilamo.

Umbwilo 21:27 交叉參考

Ezaya 52:1

Zyuka, vwandamuka! Zwala amaka yakwe Zioni! Zwala insalu zyako zyausaka we Yelusalemu, we musumba wamuzilo! Yano yatamanya Leza na yano yakowela yatalatala yingilemo nupya.

Umbwilo 20:15

Wino wensi atalemvilwe izina lyakwe mu lupapulo lwa umi wene wasumbilwe muli yemba wa moto.

Umbwilo 3:5

Wiyo alacimvya alazwikwa vizwalo vitiswe wakwe yakwene nga nani ntalafuta zina lyakwe mu lupapulo lwa antu aumi. Pa manso yakwe Tata na angeli yakwe ndalanda paswe ukuti uwakwane.

Ezaya 35:8

Kulaya umuseo ukalamba uno ulaamwa ukuti “Umuseo wakutungulula kuli umuzilo.” Umuntu umukowele atalapita mwenemo ni viwelewele vya antu vitange vipumbule yayo akupita mwenemo umu nzila iyo.

Mateo 13:41

Mwana wa Muntu alatuma angeli yakwe mu wene wakwe, nao yalakonganika nu kufumyamo antu yonsi akalenga auze kwifya nga na antu yonsi akacita viipe.

Yowelo 3:17

“Alino mulamanya ukuti nene, ne Yawe, Leza winu, ne muno nkaikala ku Zioni, umwamba wane uwamuzilo. Umusumba wa Yelusalemu ulaya uwamuzilo nga ainamasi yatalatala yauzanze nupya.

Ezekelo 44:9

“Yawe Simwandalali nawe wavwanga wati, umwenyi, atasilamulwa umupasi nu mwili, atalingila umu Ng'anda yane ikulu, nanti sile awenga apa enyi yonsi yano yikala umu ina Izlaeli.”

Efeso 5:5

Pano mulinzile kusininkizya ukuti antu akacita vii yatalaya amu Wene wakwe Klistu na Leza.

Masamu 101:8

Amanda yonsi nemo ndavunuka antu aipe umu mpanga yane. Nu kuzinga antu aipe umu umusumba wako we Yawe.

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”

Umbwilo 13:8

Antu yonsi akaikala pano nsi yalacipepa, suka sile antu yano mazina yao yalemvilwe mu lupapulo lwa umi kufuma lino insi itali iumbwe, ulwa Mwana wa Mfwele wino uwakomilwe.

Ayebulai 12:14

Ezyini kwikala mu mutende na antu onsi, nu kwikala umi wamuzilo. Pano kusi umwi wino alalola Mwene kwaula kwikala umi wamuzilo.

Umbwilo 20:12

Nga ndola afwe akulu na anono kwene, ala yaimi nkolelo ya cilimba ca wene. Alino mpapulo zikupulwa, nga lyene lupapulo na luze lukupulwa. Luu luli lupapulo lwa antu aumi. Afwe yapingulwa kulingana ni vintu vino yacisile ndi vino vyalembwa mu mpapulo.

Ezaya 60:21

Antu yako yonsi pyu yalaya asuma, yalasyukila ni mpanga pee. Umucumi anene nayasimpa, nene nayaumvile apakuti yanena antu yauze vino nemo nacindama.

Filipi 4:3

Nawe kwene, we cuza wa cumi pa mulimo witu, nkulonda kuti wazwe yamama yaa. Pano yene yaombisye cuze pamwi nani mukusalanganya Landwe Lisuma, pamwi na Klementi nga na aomvi yanji yonsi yano ndakai mazina yao yalembwa mu lupapulo lwa umi.

Zakaliya 14:21

Intendo ili yonsi mu Yelusalemu nu mpanga yakwe Yuda ilasanguka icuma camuzilo cakwe Yawe Wamaka yonsi. Yonsi alalonda ukoca impolelwa, yalazitoola nu kuziomvya apakwelekela inyama wa mpolelwa kuli Yawe. Pa wanda ulya mutalayamo aculuzi mu Ng'anda ikulu yakwe Yawe Wamaka yonsi.

Mpendwa 12:15

Caleka yayalila Milyamu kunzi ya nsakwe pa manda cinimbali. Na antu yatatazile yatenuke ulwendo, suka sile nalino yamuwezizye.

Mpendwa 5:3

Aye umonsi nanti umwanaci, ukumuzingila kunzi ya nsakwe. Pano ndi cisi vivyo, aina Izlaeli yangakowezya insakwe muno nemo natincita wikalo.”

Aina Levi 13:46

Mulwale wiyo ali nu kuya uwamifitalila mu nsita yonsi iya ulwale wakwe. Nupya alinzile kusungwa aikale wenga kunzi ya nsakwe.

Kufuma 32:32

Lelo ndakai napapata uyelele iifyo lyao. Napapata ndi wakana ukuyelela, lyene ufute izina lyane mu lupapulo luno walembamo mazina ya antu yako.”

Mako 7:2

Yalola kuti alondezi yakwe yamwi yalyanga ni minwe ya mifitalila.

Luka 10:20

Lelo mutazanga pano mipasi yankota ikumuyela. Muzange pano mazina inu yalembwa mu lupapulo lwa kwiyulu.”

1 Timoti 1:10

Masunde kwene yaa yapeelwa pamulandu wakwe yakalongozya na akaulungana na onsi yauze, akaiya antu, antumpu na akapeela umboni waufi nanti cintu cili consi cino citalingine nu usambilizyo usuma.

2 Petulo 3:13

Lelo swemo tukalolela vino Leza watulaya, mayulu apya nga ni nsi ipya, muno mulaya kuteekwa na Leza.