Umbwilo 21:17 - Amazwi Yakwe Leza 2013

¹⁷ Mungeli apima ni linga kwene, nga umulungu wali mamita makumi mutanda, kulingana ni cipimilo ica sontwa cino waomvizye.

Umbwilo 21:17 交叉參考

Umbwilo 13:18

Mulinzile kuomvya mano kuti mwiluke. Wino wensi mucenjele angapituluka nu kuzana vino mpendwa ya cilyanyi ikusenula, pano mpendwa ikaimilila izina lya muntu. Ni mpendwa yakwe myanda mutanda na makumi mutanda na mutanda (666).

Umbwilo 7:4

Lyene nuvwile ukuti impendwa yakwe yao yano ikilwe cimanyililo cakwe Leza yali mazimbi mwanda onga na makumi yani na yani. Yene yafumile mu mitundu yonsi ya ina Izlaeli.

Malango 3:11

(Ogi umwene waku Basyani uwasyalikizye kweneko pa ina Lefaimu. Imbokosi umwali icala cakwe yali iya mawe. Umu wipi yali amamita ukulingana yaili, nu mu utali namo yali amamita yani. Imbokosi iyo icilipo na pilelo mu musumba wa ina Amoni ku Laba.)

Umbwilo 21:9

Mungeli wenga uwamu angeli cinimbali yano yakweti ngeso cinimbali izyazilemo vilumbelo cinimbali vyakusyalikizya aiiza kunondi anena ati, “Iza kuno, nga nani namakulanga nawinga, muci wa Mwana wa Mfwele.”

Umbwilo 14:3

Antu yao imbanga lwimbo lupya nkolelo ya cilimba ca wene na pa manso ya viumbwa vini vyaumi na pa manso ya ikolo. Kutali umwi uwasambilile lwimbo luu suka sile antu mazimbi mwanda onga makumi yani na yani yano akulwilwe kufuma mu nsi.

Umbwilo 21:16

Musumba ukulu wakweti vinkonci vini, nu kusalala kwakweo kwalingine nu utali wakweo. Alino mungeli apima musumba ukulu ni nsonzo yakwe iya kupimila, nu mu utali wali makilomita mazimbi yaili ni myanda ini (2,400). Mu utali nu wipi wakweo vyalingine nu mulungu kwene.