Umbwilo 21:14 - Amazwi Yakwe Leza 2013

¹⁴ Ilinga lya musumba lyakuuzilwe pa mufula uwa mawe ikumi na yaili, pano palemvilwe mazina ya atumwa ikumi na yaili a Mwana wa Mfwele.

Umbwilo 21:14 交叉參考

Ayebulai 11:10

Pano Abulaamu walolelanga musumba ukulu uno kelenganya na kakuula wakweo a Leza, nga nu mufula wakweo uwa manda pe.

Efeso 2:20

Mwemo mukoline wa cikulwa cino mufula wakweco atumwa na yakasema, nga Klistu nawe ali iwe lya pitungi.

Ezaya 54:11

We mulanda we wemuno ukuyungana ni vinkunka, wemuno usimyalalikwa, lelo lyene ndakuulila amawe yako pa mawe yauze amutengo yakwe daimondi. Alino nu mufula wako pa mawe amutengo yakwe safilo.

Umbwilo 18:20

Zangini, mwe muno mwikala mwiyulu pamulandu wakononwa kwakwe! Zangini mwe antu yakwe Leza pamwi na atumwa na yakasema! Pano Leza watamuvunuka pali vino wamucitile!

Yuda 1:17

Lelo mwe yacuza yane akundwe, iusyini vino Atumwa ya Mwene witu Yesu Klistu yamunenyile.

Efeso 3:5

Mu manda yampiti kutali umuntu nanti wenga uwamanyile nkama ii, suka lino Mupasi Wamuzilo waisokolwile ku atumwa na yakasema.

Mateo 16:18

Petulo nakunena vino wewe lwala, na pa lwala luu apano ndakuula iuvi lyane, nga nanti maka ya mfwa yatalalicimvya.

Efeso 4:11

Wene uwapile mawila ku antu onsi. Wasolwile yamwi kuti yaye atumwa, yamwi kuti yaye akasema, yamwi akakosola, yamwi akacema nga na yamwi akasambilizya.

Galatiya 2:9

Yakobo, Petulo na Yoane zili ntunguluzi zyamanyile vino Leza wampeela mulimo uwa kukosola Ilandwe. Caleka yalemine makasa na Banaba nga nani, tulamukana, kuti ciye cilangililo cakuti swensi twaya pamwi. Twazumilizyanyizye ukuti Banaba nani twaombela pakasi ka Akulukuwa nga nao pakasi ka Ayuda.

Milimo 1:26

Lyene yapendola pali yaa oili, nu kupendola kuu kuwila Matiyasi. Caleka Matiyasi wasolwilwe kuti ailundanye kwi umba lya atumwa ikumi na wenga.

Umbwilo 21:13

Ku mbali zyonsi kwali mpongolo zitatu zitatu. Ku ufumondaka zitatu, ku kaeya zitatu, ku katutu zitatu nu ku uwondaka nako zitatu.