1 Nupya ndola iyulu lipya ni nsi ipya. Iyulu lyankolelo ni nsi yankolelo vyati vipita, na yemba nawe atakuloleka.
Lelo swemo tukalolela vino Leza watulaya, mayulu apya nga ni nsi ipya, muno mulaya kuteekwa na Leza.
“Pano vino iyulu lipya ni nsi ipya vilayelelela ku maka yane, ali vino umutundu winu kumwi ni zina linu vilayelelela pee.
Lyene wino atenzi pa cilimba ca wene avwanga ati, “Ndakai vintu vyonsi nkuvicita ivipya!” Alino anena ati, “Lemba vii, pano mazwi yaa acumi nupya yalinzile kutailwa.”
Lelo uwanda wa kuwela kwa Mwene uliza wa mwivi. Pa wanda ulya mayulu yalalowa ni congo cikulu nga moto ulasungulula nu konona vyamu mayulu nu konona insi na vyonsi vyayamo.
Nupya ndola cilimba ca wene cikulu citiswe, nga ndola na wino atenzipo. Insi ni yulu vyutuka kufuma pa manso yakwe, nga vitatazile viloleke nupya.
Mu wanda ulya, Yawe alatola ulupanga lwakwe ulukalipisye, nupya alakoma nu kupezya ali luno alapezezya icilyanyi cica ci Leviatani, cino cikanyunkuta apakupita, cino cikaivyonganya nupya cino cikaikala muli yemba.
Ivinyama vini vikulu sana nupya ivipusane vifuma muli yemba.
Nupya ndola cilyanyi cikufuma muli yemba. Cene cakweti impembe ikumi ni mitwe cinimbali, nga cila lupembe pali ingala. Nupya cila mutwe palemvilwepo izina lya miponto kuli Leza.
Lelo antu aipe yakoline na yemba akasunkana, wino amaimbi yasitala yata kutengana, yano yakavundula amatipa ni ntikitili.
Fwandi antu yano wakulwile yalasuka yawele, umu musumba wa Yelusalemu. Yaliza ale yakwimbila inyimbo, yakumila nu tupundu. Yalasansamuka pee, yatalatala nupya yaye inkumba ulili foo, nupya kutalaya nantu ukucula.
upaalilo wakuti wanda umwi uumbo ulakululwa ku uzya wa kuola, kuti ukakume ku untungwa wa lulumbi lwa ana yakwe Leza.
Ni yulu nalyo lifumiwa wa kukupikwa kwa lupapulo, nga ni myamba pamwi ni vilila vyonsi vyafumiwe pa vifulo vyaviko.
