Umbwilo 20:4 - Amazwi Yakwe Leza 2013

⁴ Nupya ndola vilimba vya wene na yao atenzipo yapilwe maka akupingula. Alino ndola mipasi yakwe yao akomilwe pamulandu wa kukosola cumi cino Yesu wasokolwile nga na mazwi yakwe Leza. Yene yatapefile cilyanyi nanti unkolanya wakweco, nanti ukwikilwa cimanyililo caciko pa mausyu nanti pa makasa yao. Yene yaya nu umi nu kuteeka pamwi na Klistu kulingana ni myaka izimbi lyonga.

Umbwilo 20:4 交叉參考

Danieli 7:27

Amaka nu ukulu wa mawene yonsi pano nsi ulapelwa ku antu yakwe Leza Wapapelapela. Amaka yao autesi yatalasila, nga na yakateeka yonsi pano nsi yalamutumikila nu kumuyela.”

Danieli 7:18

Lelo aswepe yakwe Leza Wapapelapela yalapokelela uwene na maka ya utesi nga yalausunga amanda pe.”

Mateo 19:28

Yesu nawe ayanena ati, “Cumi namunena vino mu manda akwiza, mu nsi ipya, Mwana wa Muntu alikala pa cilimba cakwe ca wene ca lulumbi. Namwe kwene mwe muno mukamulondela, mulikala pa vilimba ikumi na viili vya wene nu kupingula inko zya Izlaeli ikumi na ziili.

Umbwilo 6:9

Lyene Mwana wa mfwele alematula cimanyililo calenga visano. Alino pisika lya kavuwa ndola mipasi yakwe yao akomilwe pamulandu wakuti yene yakosozile mazwi yakwe Leza na pamulandu wa umboni uno yapile. Yene yapunda ni zwi likulu yati,

Umbwilo 3:21

Yao alacimvya ndayapeela insambu ya kwikala nani pa cilimba cane ca wene, ndi vino nani nacimvizye nu kwikala pamwi na Tata pa cilimba cakwe ca wene.

2 Timoti 2:12

Ndi twatwalilila kuposya, ale lyene tulateeka pamwi nawe. Ndi twamukana, ale nawe kwene alatukana.

Danieli 7:22

Lyene wiyo uwaliko ku katalili aiza nu kupingwila antu yakwe Leza Wapapelapela. Insita yatifika yakuti antu yakwe Leza yapokelele amaka ya utesi.

Umbwilo 20:6

Alongo nupya apolelelwe cuze ayao alakumako ku kuzyukuka kuu kwa nkolelo. Imfwa yakwe ciili italaya na maka pano yali. Yene yalaya yasimapepo yakwe Leza na yakwe Yesu Klistu, nupya yalateeka pamwi na Klistu kulingana ni myaka izimbi lyonga.

Danieli 7:9

Lino ncili lolekesya, ivilimba vya wene iviteekwa apa ncende ilya. Alino wiyo uwaliko ku katalili aikala pa cilimba conga. Vyakuzwala vyakwe vyali mpee wa mula, nga ni nyele zyakwe zyali mpee wa mavumbu ya mfwele zitiswe. Cilimba cakwe ca wene catesilwe pa mipeto ya moto, nga calunkumanga nu moto.

Luka 22:30

Mulalya nu kumwa pa cipango cane mu Wene wane, nga nu kwikala pa vilimba vya wene nu kupingula imitundu ikumi na iili ya ina Izlaeli.

Umbwilo 22:5

Kutalaya usiku nupya yatalalonda inyali nanti luswepo lwi lanzi, pano Mwene Leza alaya luswepo kunoyali. Yene yalateeka manda pe.

Umbwilo 12:11

Aina itu yamucimvizye ku wazi wa Mwana wa mfwele, nu ku mazwi ya umboni uno yapile. Yene yaipezile cuze cakuti yatoopanga nanti kufwa.

Umbwilo 1:9

Nene Yoane mwina winu, nupya mulondezi wakwe Yesu. Nkakuma pamwi namwe mu wene wakwe Leza nu kuposya mu macuzi. Nemo nasumvilwe pa cilila ca Patimosi pamulandu wa kukosola mazwi yakwe Leza nga ni cumi cino Yesu waumbwile.

Loma 8:17

Lyene pano twaya ana yakwe Leza tulapokelela upolelelo uno walaya antu yakwe nu kwiza pokelela pamwi na Klistu vino Leza wamuteyanyizizya. Pano ndi twakuma ku kucula pamwi na Klistu ale tulakumako nu kululumbi lwakwe kwene.

Umbwilo 15:2

Alino ndola cimwi cikuloleka wakwe yemba musenguluke wi galasi, muminkane nu moto. Naweni na yao acimvizye cilyanyi nu unkolanya wakweco na wino mpendwa ikaimilila izina lyakwe. Antu yaa yaimi pa mbali yakwe yemba musenguluke wi galasi, ala yalemile mapango yano Leza wayapile,

Umbwilo 14:11

Cunsi ca moto uno ulayoca cilakwela mupela manda pe. Kusi upemwilo musanya nu usiku kuli yao akapepa cilyanyi nu unkolanya wakweco, nga nu ku muntu wensi akweti cimanyililo ci zina lyaciko.”

Umbwilo 11:7

Lyene lino yalamala kupeela umboni wao, cilyanyi cino cilafuma mu ciwina caula impela cilayalwisya. Cene cilayacimvya nu kuyakoma,

Yoane 14:19

Pa kasita kanono antu amu nsi yatalandola, lelo mwemo mulandola. Ndi vino nemo ndi nu umi, namwe kwene mulaya nu umi.

Danieli 2:44

“Umu nsita zyakwe yakateeka yalya, Leza wa kwiyulu alakatusya uwene uno utalatala wononwe. Wene utalatala ucimviwe, lelo ulonona amawene yauze yonsi nga lyene wikalilila amanda pe.

Umbwilo 17:8

Cilyanyi cino ukulola, mpiti cali nu umi, lelo ndakai cafwa. Cili pipi nu kufuma mu ciwina caula impela nu kupita ku kononwa. Antu yonsi amu nsi yano mazina yao yatalemvilwe mu lupapulo lwa umi kufuma ku uumbo wa nsi yalazunguka cuze lino yalalola cilyanyi. Yalazunguka pa kulola ukuti cali nu umi nga ndakai cafwa. Lelo cilatutuluka nu kuloleka nupya.

Umbwilo 11:15

Nupya mungeli uwalenga cinimbali alizya ntandala yakwe, ngu mwiyulu muvwika mazwi akulu yati, “Ndakai akweti amaka akuteeka insi u Mwene witu na Katuula, nupya wene alateeka manda pe!”

Umbwilo 11:11

Pacisila ca manda yatatu na citika umupu uno ukapeela umi wizile kufuma kuli Leza wingila munoyali, nga yakatuka, na yao yonsi aweni yuvwile intete

Umbwilo 11:3

Nani ndatuma yakambone yane yaili ale yazwite masaaka, yene yalakosola ilandwe lyakwe Leza mu manda kulingana ni zimbi lyonga, myanda iili na makumi mutanda (1260).”

Loma 11:15

Leza wafutatile Ayuda nga pacisila awikizyanya na antu yauze muno nsi. Uzye cilaya uli lino alapokelela Ayuda nupya? Cumi cilaya wa kuzyukuka kufuma ku mfwa.

Luka 1:17

Nupya wene alakolelela Mwene, mu kuposya kwa mwenzo nu mu maka wakwe vino kasema Eliya wali. Nupya alakundanya ana na ya isi, nu kusenula yacipote kuti yatandike kulondela inzila zyawololoke, pakuti ateyanyizizye antu ku kwiza kwa Mwene.”

Malaki 4:5

“Lelo lino uwanda uo ukulu uwakofya wakwe Yawe utali kuti ufike, ndamutumila kasema Eliya.

Mako 9:11

Alino yuzya Yesu yati, “Uzye pacani yakasambilizya ya Masunde yakati Eliya aliiza inkolelo?”

Mako 6:27

Lilyo kwene apeela musilika ilamulo kuti alete umutwe wakwe Yoane. Musilika apita, aya ku ng'anda yaminyololo, nu kuputula umutwe wakwe Yoane.

Mako 6:16

Lino Helodi uvwile cii, wavwanzile ati, “A Yoane Kawatizya, wino naputwile umutwe, watazyukuka!”

Mateo 24:10

Pa nsita ilya, aingi yalafutatila utailo, nupya yalakoopana nu kupatana.

Luka 14:14

Lyene ulapolelelwa, pano yasi na maka akuti yakakuwezezye. Leza alakuwezezya pa wanda uno alalenga antu aololoke yazyukuke kufuma ku afwe.”

Umbwilo 1:2

Yoane nawe walondolwile vyonsi vino waweni. Nupya akupeela umboni pi landwe ilyafumile kuli Leza na pali vyonsi vino Yesu Klistu wamunenyile.

Umbwilo 2:26

Yao alacimvya, nu kutwalilila kucita vino nkalonda kufika nu ku mpelelekezyo, ndayapeela utesi pa nko zyonsi uno Tata wampela.

Umbwilo 4:4

Kuzinguluka cilimba kwali vilimba vyuze makumi yaili na vini, pano patenzi aikolo makumi yaili na yani yala yazwite nsalu zitiswe nga ni ngala zyakwe zaabu.

Umbwilo 7:3

Mungeli avwanga ati, “Mutonona insi, yemba, nanti imiti, suka lino twamala kwikila aomvi yakwe Leza vimanyililo pa mausyu yao.”