Alino nuvwa izwi kufuma mwiyulu lino lyuvwikike wa kupooma kwa manzi aingi, nupya wa kupangalansya kwa mvula kukulu. Lyuvwikike wa lwimbo ulwimbwangwa na yakiimba yano akulizya mapango.
Nupya ndola Mwana wa mfwele akulematula cimanyililo cakwe conga pa vimanyililo cinimbali, nga nuvwa ciumbwa conga mu viumbwa cinimbali civwanga ni zwi likulu likoline wa kupangalansya kwa mvula citi, “Iza!”
Nga nuvwa ni congo ca maapa, lino vikupita, ala cili wa ciunda ca manzi amukuku aingi, kwati izwi lyakwe wiyo Wamaka yonsi, nupya lyali wa congo ca mpuka ya vita. Ndi vimilila iviponya amaapa.
Alino mungeli atoola iciinga, azuzyamo umoto kufuma pa kavuwa, nga acisumbila pano nsi. Lyene kuya ciunda nu kupangalansya, kumyansya kwa nkuwa ni cilundumusi.
Kufuma mu cilimba ca wene inkuwa yamyansyanga, ni ciunda cakupangalansya. Inkolelo ya cilimba ca wene pakanga inyali cinimbali. Zyene ili mipasi cinimbali yakwe Leza.
Kuku kwene indola ucindami wakwe Leza wa ina Izlaeli ala ukufuma ku ufumondaka. Izwi lyakwe lyuvwikike wa cipoma, nga ni mpanga yayengise ku luswepo lwa ucindami wakwe.
Iye mwe, vino ingazo zya nkombe yi landwe lisuma zyayemba lino akutelemuka ukufuma ku myamba. Waleta ilandwe lya longo ni nsansa. Wasowela ukuluzi nu kunena Zioni vino Leza wakwe akuteeka.
Alino lyene iyulu ni nsi na vyonsi ivyaya mwenemo vilazanga ni nsansa pakulola kuno Babiloni wawa. Pano lyene aononyi yalafuma ku katutu ku kumulwisya.
“Nene Alufa na Omega, kuli kuti, uwakutandika nupya uwakusyalikizya,” vii avino Mwene Leza wa maka yonsi walanda. Wene alipo, wino uwaliko, nupya wino aliiza.
