Umbwilo 19:4 - Amazwi Yakwe Leza 2013

⁴ Aikolo makumi yaili na yani nga ni viumbwa vini vyaumi vifukama nu kupepa Leza wino uwatenzi pa cilimba ca wene. Yavwanga yati, “Ameni! Aleluya!”

Umbwilo 19:4 交叉參考

Umbwilo 5:14

Lyene viumbwa vyaumi vini vyasuka viti, “Ameni!” Alino aikolo yafukama nu kupepa.

Masamu 106:48

Lumbanyini Yawe, Leza wa ina Izlaeli. Mulumbanyini ukutandikila ndakai mpaka nu ku muyayaya!” Nga antu yonsi yavwanga yati, “Ciye vivyo kwene!” Lumbanyini Yawe.

Neemiya 8:6

Lyene Ezila alumbanya Yawe, Leza mukulu. Antu yonsi nayo yatumpula amakasa yao nga yavwanga yati, “Kaciye vivyo kwene! Kaciye vivyo kwene!” Ali pakwinamika ni mitwe yao, yafukama nga yalumbanya Leza.

Umbwilo 19:1

Pacisila cakwe vii nuvwile cimwi cino cuvwikike kwati ciunda ci umba likulu lya antu mwiyulu, yakuti, “Aleluya! Ufyusi, lulumbi, na maka ivyakwe Leza witu!

Umbwilo 15:7

Lyene ciumbwa conga pa viumbwa vyaumi vini cipela angeli cinimbali ingeso cinimbali zyazilemo ukali wakwe Leza wino uwa umi manda pe.

Yelemiya 28:6

Kale acite muno atemilwe, Yawe ace afikilizye amazwi yano nalinasema, asuke ace awezezye kuno iviya vya mu ng'anda yakwe Yawe na azya yonsi yano yaya mu Babiloni.

Masamu 89:52

Endi, katule twalukulumbanya Yawe pee. Ciye vivyo kwene! Ciye vivyo kwene!

Masamu 72:19

Mwamulumbanya pee pano wacindamisya nu ucindami wakwe, kawalukulimba impanga yonsi! Endita kaciye vivyo kwene! Endita kaciye vivyo kwene!

Masamu 41:13

Lumbanyini Yawe, Leza wakwe Izlaeli. Kalumbwe ilelo pe na pee! Ciye vivyo kwene! Ciye vivyo kwene!

Neemiya 5:13

Ali pakuzula icisempe cansalu ino nazwite, nacikunta navwanga nu kuti, “Ali vino Yawe Leza, alakunta umuntu ali wensi uwa muno muli, nu kumuzinga umu ng'anda yakwe, nu kumupoka vyuma vyakwe.” Ali vino umuntu wiyo alinzile akuntwe. Atasyala nanti cimwi. Iuvi lyonsi nalyo ali pakwasuka iliti, “Ciye vivyo kwene!” Nga lilumbanya Umwene. Nga antu nayo yafikilizya ulayo wao.

1 Milandu 16:36

Lumbanyini Yawe, Leza wa ina Izlaeli! Mulumbanyini ukutandikila ndakai mpaka nu ku muyayaya!” Nga antu yonsi yavwanga yati, “Ciye vivyo kwene.” Alino yalumbanya Yawe.

1 Kolinto 14:16

Lino mukutaizya Leza mu myenzo inu sile, uzye umuntu wino muli nawe mu ukongano wa mapepo angavwanga uli ati, “Ameni” kwi pepo linu lya kutaizya,

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Mateo 6:13

Utaleka tuponele mukweziwa kukome lelo ututuule ku Mwipe wilya.’

Masamu 104:35

Yakaifya kayalowelele muno nsi, patasyala nanti wenga! Lumbanya Yawe we mwenzo wane! Endi lumbanyanga Umwene!

Umbwilo 19:3

Nao yapunda nupya yati, “Aleluya! Cunsi cikufuma ku cimbilimbili ca moto uno ukoca musumba ukulu cikukwela papela manda pe!”

Umbwilo 19:6

Lyene nuvwile izwi lino lyuvwikike kwati iumba likulu, nupya kwati kupooma kwa cipoma nu kupangalansya kukulu. Nuvwile yakuti, “Aleluya! Pano Mwene Leza witu uwa maka, ali Kateeka!